Մեկնաբանություն.Պոմպեոյի տարածաշրջանային ուղևորությունը՝ Սիոնիստական ռեժիմին լեգիտիմություն շնորհելու ուղղությամբ արված փորձ
Միացյալ Նահանգներ ըԴոնալդ Թրամփի նախագահության օրոք աննախադեպ քայլեր է իրականացրել հօգուտ Սիոնիստական ռեժիմի: Այդ թվում մեծ ջանքեր է գործադրել արաբական երկրների կողմից Իսրայելի պաշտոնապես ճանաչվելու ուղղությամբ:
ԱՄՆ պետքարտուղար Մայք Պոմպեոն սկսել է իր տարածաշրջանային ուղևորությունը: Նա նախ այցելել է օկուպացված Պաղեստին և հանդիպել Սիոնիստական ռեժիմի ավագ պաշտոնատարների հետ: Հանդիպման ժամանակ Պոմպեոն խոսել է Սիոնիստական ռեժիմի և Արաբական Միացյալ Էմիրությունների միջև հարաբերությունների կարգավորման, արաբական երկրների կողմից Իսրայելի պաշտոնապես ճանաչվելու և «Իրանի սպառնալիքի» վերաբերյալ:
Պոմպեոն այդ հանդիպումներից հետո, երկուշաբթի երեկոյան իր թվիթերյան միկրոբլոգում գրել է.«Սպիտակ Տունն ամենայն լրջությամբ շարունակում է հովանավորել Սիոնիստական ռեժիմին»:
Իսրայելին անվերապահորեն աջակություն ցուցաբերելու ԱՄՆ նախագահ Դոնալդ Թրամփի նոր քայլը, Վաշինգտոնի դաշնակից արաբական երկրներին հորդորելն է Սիոնիստական ռեժիմին պաշտոնապես ճանաչելու և վերջինիս հետ քաղաքա-տնտեսական հարաբերություններ հաստատելու նպատակով:
Պարսից ծոցի հարավային մերձափնյա արաբական երկրները Վաշինգտոնի առաջին թիրախն են այս ոլորտում և ԱՄԷ-ը այս տարածաշրջանի առաջին արաբական երկիրն է, որ Օգոստոսի 17-ին Սպիտակ Տանը Թրամփի ներկայությամբ կայացած միջոցառմանը հայտարարել է, որ քաղաքական հարաբերություններ կհաստատի Սիոնիստական ռեժիմի հետ:
Ամերիկացի վերլուծաբան Ռենդի Նորդի խոսքերով՝ Իսրայել-ԱՄԷ համաձայնագիրը մեծ դաշույն է ,որ խրել են պաղեստինցիների թիկունքին:
Արաբական Միացյալ Էմիրությունները կարծում էր, որ այդ քայլից հետո, մի կողմ կդրվեն ԱՄՆ-ի կողմից զարգացած զենքերի վաճառքի ոլորտում առկա սահմանափակությունները: ԱՄԷ-ը նույնիսկ հայտարարել է, որ Նեթանյահուն համաձայնել է կասեցնել Հորդանան գետի արևելյան ափի որոշ հատվածներն օկուպացված Պաղեստինին բռնակցելու նախագիծը:
Այնուամենայնիվ ԱՄԷ-ի երկու ենթադրությունն էլ սխալ են եղել: Նեթանյահուն ոչ միայն բացառել է Հորդանան գետի արևմտյան ափի բռնակցման նախագծի կասեցումը, այլև հստակորեն հայտարարել է, որ F- 35 կործանիչներ ԱՄԷ-ին վաճառելու կապակցությամբ Իսրայելի բողոքը շարունակվում է: Նա ընդգծել է.«ԱՄՆ կառավարությունը հավատարիմ է Իսրայելի ռազմական գերակայությանը, ինչը տեղի ունեցավ անցած տարիներին Հորդանանի ու Եգպիտոսի հետ համաձայնության ժամանակ: Անտարակույս նույն քաղաքականությունը շարունակվելու է»:
Այսպիսով պարզվում է, որ F-35 կործանիչներ վաճառելու վերաբերյալ Թրամփի կառավարության կողմից ԱՄԷ-ին տրված խոստումն աբսուրդ է: Սպիտակ Տունը անհիմն խոստումներ տալով որոշ արաբական երկրներին, նրանց հորդորում է կարգավորել իրենց հարաբերությունները Սիոնիստական ռեժիմի հետ, մինչդեռ ԱՄՆ-ում Իսրայելի լոբբին թույլ չի տալիս, որպեսզի այդ խոստումներն իրականություն դառնան:
Թրամփի վարչակազմը հատկապես պետքարտուղար Մայք Պոմպեոն, մշտապես այդ հարցն առաջ տանելու համար վարել են իրանաֆոբիայի քաղաքականություն և Իրանին որպես հիմնական սպառնալիք են ներկայացրել տարածաշրջանի արաբական երկրների հատկապես Պարսից ծոցի տարածաշրջանի հարավային երկրների համար:
Վաշինգտոնի այս քայլը զուտ Սիոնիստական ռեժիմի հետ հարաբերությունների ճանապարհը հարթելն է, տարածաշրջանի արաբական երկրներին հնարավորինս շատ զենք վաճառելը և, վերջապես տարածաշրջանի արաբներին աջակցելու անվան տակ ԱՄՆ-ի դիրքի ամրապնդումը: ԱՄՆ պետքարտուղարը օկուպացված Պաղեստինից հետո կմեկնի Սուդան, Բահրեյն և Արաբական Միացյալ Էմիրություններ և կշարունակի իր ջանքերը՝ համոզելու երկրներին՝ սիոնիստական ռեժիմի հետ հարաբերությունները կարգավորելու համար:
Հայերեն ռադիոալիքին հետևեք սոցցանցերում.
https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio
