Մամուլի տեսություն 08.09.2020

Ամերիկացի հետազոտողն իտալական Ilfarosolmondo ամսագրում հրապարակված հոդվածում բացահայտել է ԱՄՆ ներկայիս նախագահի և նրա կնոջ կողմից ղեկավարվող կոռուպցիայի և մարմնավաճառության խոշոր ցանցի մանրամասները:

Խորասան թերթ

«Արևը» փայլում է Վենետիկում

Այս օրերին Իտալիայի Վենետիկ քաղաքում ընթանում է աշխարհի ամենահին կինոփառատոնը: Վենետիկի կինոփառատոնը, որը Կաննի և Բեռլինի փառատոնների հետ միասին կինեմատոգրաֆի աշխարհի ամենահեղինակավոր մրցույթային փառատոններից է, չորս տարի բացակայությունից հետո, հերթական անգամ գլխավոր բաժնում ընդունել և ցուցադրել է իրանական ֆիլմ:

Վենետիկի 77-րդ կինոփառատոնին մասնակցող Մաջիդ Մաջիդիի «Արևը» ֆիլմը արժանացել է  կինոքննադատների դրական արձագանքներին և նույնիսկ հնարավորություն ունի երկրորդ անգամ Իրանինն նվիրել  «Ոսկե առյուծ» մրցանակը:

Էբթեքար օրաթերթ

Իրանի նավթի նախարար. Գազի արտահանման ռեկորդը կոտրվել է. Գազամատակարարման ոլորտի զարգացմամբ ստեղծվել է 2.6 միլիոն բարել  նավթի վերամշակման հզորությամբ գործարան

Իրանի նավթի նախարարն ասել է. «Հարավային Փարսի զարգացման ծրագրի և վերջին յոթ տարում գազամատակարարման նախագծերի իրականացման շնորհիվ, երկրում բաշխվել և սպառվել է 2.6 միլիոն բարել վառելիք:

Բիժան Զանգանեն երեկ  Քերմանշահ նահանգում կայացած միջոցառման ժամանակ հայտարարել է, որ հարավային Փարս հանքավայրից գազի արդյունահանման ծավալը ավելացել է օրական 420 միլիոն խորանարդ մետրով ՝ անցած յոթ տարվա ընթացքում 280 միլիոն խորանարդ մետրից ահսնելով  700 միլիոն խորանարդ մետր, և այս հանքավայրից գազի արդյունահանումն աճել է 2,5 անգամ:

Էթեմադ օրաթերթ

Թրամփը միլիոնավոր դոլարներ է տվել՝ Մելանիայի մերկ լուսանկարները հավաքելու համար

Ամերիկացի հետազոտողն իտալական  Ilfarosolmondo ամսագրում հրապարակված հոդվածում բացահայտել է ԱՄՆ ներկայիս նախագահի և նրա կնոջ կողմից ղեկավարվող կոռուպցիայի և մարմնավաճառության  խոշոր ցանցի մանրամասները:

 2020 թ. նախագահական ընտրություններին ընդառաջ, համաշխարհային հանրությունն ամեն օր ականատես է լինում դեմոկրատական և հանրապետական թեկնածուների վերաբերյալ նոր բացահայտումների:

Իրան օրաթերթ

Ռուսաստանը պատրաստ է Թուրքիայի և Կիպրոսի միջև

Ռուսաստանի արտգործնախարարը հայտարարել է, որ իր երկիրը պատրաստ է միջնորդել  Կիպրոսի և Թուրքիայի միջև հարաբերությունների կարգավորման համար, եթե երկու կողմերը ցանկանան:

«Մենք տարածաշրջանի երկրների ղեկավարներին բազմիցս խնդրել ենք ցուցադրել քաղաքական հեռատեսություն և վեճերը լուծել միայն խաղաղ ճանապարհով և իրավական շրջանակներում», - ասել է ՌԴ արտգործնախարար Սերգեյ Լավրովը՝ կիպրական-հունական թերթին տված հարցազրույցում:

armenpress.am

ՆԱՏՕ-ի երկրները ծովային գործողություն կանցկացնեն Ծայրագույն Հյուսիսում

  ՆԱՏՕ-ի երկրների ռազմածովային ուժերը գործողություն կանցկացնեն Ծայրագույն Հյուսիսում՝ «նպատակ ունենալով ցուցադրել նավագնացության ազատության նկատմամբ իրենց հանձնառությունը տարածաշրջանում»: Այդ մասին, ինչպես տեղեկացնում Է «Արմենպրես»-ը, ասվում Է Մեծ Բրիտանիայի ռազմածովային ուժերի հաղորդագրության մեջ:

Դրան կմասնակցեն Միացյալ Թագավորության ՌԾՈՒ-ի 23 Sutherland տեսակի ֆրեգատը եւ Tidespring տանկերը: Նաեւ կգործարկվեն ԱՄՆ-ի ՌԾՈւ-ի «Առլի Բերք» տեսակի USS Ross Էսկադրային ականակիրը եւ նորվեգական Thor Heyerdahl ֆրեգատը՝ դանիական պարեկային ինքնաթիռի պաշտպանությամբ:

«Մեծ Բրիտանիան, ԱՄՆ-ը, Դանիան եւ Նորվեգիան համագործակցում են՝ նպատակ ունենալով բարձրացնել մեր պատրաստակամությունը Ծայրագույն Հյուսիսում անցկացվող գործողությունների, ինչպես նաեւ տարածաշրջանում կայունության բարձրացման նկատմամբ, որը կենսականորեն կարեւոր նշանակություն ունի Մեծ Բրիտանիայի շահերի համար»,-ասված Է բրիտանական նավատորմի հայտարարության մեջ:

Գործողությունը կդառնա մայիսյան զորավարժությունների շարունակությունը, որոնց ընթացքում Բարենցի ծովի ջրատարածք Էր մտել Kent բրիտանական ֆրեգատը:

Ռուսաստանի պաշտպանության նախարար Սերգեյ Շոյգուն անցյալ շաբաթ հայտարարել Էր, որ ուժ ցուցադրելու ՆԱՏՕ-ի ձգտումը, Ռուսաստանի սահմանների մոտ ավելացնելով դաշինքի ինտենսիվ հետախուզական գործողությունները, անհանգստություն Է առաջացնում Մոսկվայի մոտ, հաղորդել Է ՌԻԱ Նովոստին:

armenpress.am

Կորոնավիրուսի դեմ «Սպուտնիկ V» պատվաստանյութը քաղաքացիական շրջանառության մեջ է մտել

 COVID-19-ի դեմ «Սպուտնիկ V» ռուսաստանյան պատվաստանյութի առաջին խմբաքանակը քաղաքացիական շրջանառության մեջ Է մտել, առաջիկայում մատակարարումներ են սպասվում տարածաշրջաններ:

Այդ մասին, ինչպես տեղեկացնում Է «Արմենպրես»-ը, հաղորդել Է առողջապահության նախարարության մամուլի ծառայությունը:

Ինչպես նշել են գերատեսչությունում, պատվաստանյութն անցել Է անհրաժեշտ բոլոր լաբորատոր փորձարկումները:

Օգոստոսին Ռուսաստանում գրանցվել Է կորոնավիրուսի դեմ աշխարհում առաջին պատվաստանյութը, որը մշակվել Է Գամալեյայի անվան համաճարակաբանության եւ մանրԷաբանության ազգային հետազոտական կենտրոնում (ՀՄԱՀԿ)՝ Ռուսաստանի ուղղակի ներդրումների հիմնադրամի (ՌՈւՆՀ) հետ համատեղ:

Այն ստացել Է «Սպուտնիկ V» անվանումը: Դա լուծույթ Է՝ միջմկանային ներարկման համար: Պլանավորում են պատվաստել երկու փուլով՝ երեք շաբաթ ընդմիջումով: Այսպիսի սխեման, հայտարարել են առողջապահության նախարարությունում, թույլ Է տալիս իմունիտետ ձեւավորել մինչեւ երկու տարի ժամկետով:

«Սպուտնիկ V» պատվաստանյութի կլինիկական հետազոտությունների առաջին-երկրորդ փուլերի արդյունքում լուրջ անցանկալի երեւույթներ (СНЯ, Grade 3) չեն հայտնաբերվել չափանիշներից ոչ մեկի գծով այն դեպքում, երբ լուրջ անցանկալի երեւույթների մակարդակը մյուս թեկնածու պատվաստանյութերի մոտ տատանվում Է 1 տոկոսից մինչեւ 25 տոկոս»:

ՌՈւՆՀ-ի ղեկավար Կիրիլ Դմիտրիեւը հայտնել Է, որ հիմնադրամն ավելի քան 20 երկրից 1 միլիարդ չափաբաժին գնելու հայտ Է ստացել:

Նա նշել Է, որ Ռուսաստանը պատվաստանյութի արտադրության շուրջ պայմանավորվել Է հինգ երկրների հետ, առկա հզորությունները թույլ են տալիս մեկ տարում արտադրել մինչեւ 500 միլիոն չափաբաժին: ՌԴ առողջապահության նախարար Միխայիլ Մուրաշկոն հայտարարել Է, որ պատվաստանյութը կսկսեն արտադրել երկու հարթակներով՝ Գամալեյայի անվան կենտրոնի եւ «Բիննոֆարմ» գործարանի կողմից, հաղորդել Է ՌԻԱ Նովոստին:

 panarmenian.net

Կալիֆոռնիայում հրդեհներն ահագնանում են ռեկորդային շոգի պատճառով

 Կալիֆոռնիայում սեպտեմբերի 6-ին օդի ջերմաստիճանը հասել է ռեկորդային՝ +49 աստիճանի, որն այս շրջանում բոլոր ժամանակների ամենաբարձր ջերմաստիճանն է։ Դա ավելի է սաստկացրել սեպտեմբերի 4-ին և 5-ին բռնկված անտառային հրդեհները։

Նահանգի 5 շրջանում արտակարգ դրություն է հայտարարվել։ Շրջաններից մեկում հրդեհը բռնկվել է երեխայի սեռի բացահայտման խնջույքի ժամանակ։

AlJazeera-ի փոխանցմամբ՝ ավելի քան 800 հրշեջ և ուղղաթիռ է պայքարում կրակի դեմ։ Հազարավոր մարդիկ տարհանվել են։

panarmenian.net

Բժիշկները Նավալնուն դուրս են բերել արհեստական կոմայից․ Վիճակը բարելավվում է

 - Բեռլինի «Շարիթե» կլինիկայի բժիշկները ռուս ընդդիմադիր գործիչ Ալեքսեյ Նավալնուն հանել են բժշկական կոմայից և աստիճանաբար անջատում են թոքերի արհեստական օդափոխության սարքից, փոխանցում է Meduza-ն։

Ըստ կլինիկայի հաղորդագրության՝ Նավալնին սկսել է արձագանքել շրջապատի ազդակներին, վիճակը բարելավվում է։

Կլինիկայից նշել են, որ դեռ վաղ է խոսել Նավալնու առողջության վրա թունավորման թողած հնարավոր երկարաժամկետ հետևանքների մասին։

Ալեքսեյ Նավալնին կոմայի մեջ էր հայտնվել օգոստոսի 20-ին։ Նա իրեն վատ էր զգացել Տոմսկ-Մոսկվա չվերթի ժամանակ, ինչից հետո ինքնաթիռը հարկադրված վայրէջք էր կատարել Օմսկում, քաղաքական գործչին հոսպիտալացրել էին։ Երկու օր անց նա Բեռլին էր տեղափոխվել։ Սեպտեմբերի 2-ին Գերմանիայի իշխանությւոնները հայտնել էին, որ նրան թունավորել են «Նովիչոկ» խմբին պատկանող քիմիական նյութով։