Ֆրանսիայի երկակի պատասխանը մուսուլմանների բողոքներին

Ֆրանսիայում իսլամի մարգարեի հասցեին ծաղրանկարի հրապարակումից հետո նախագահ Էմանուել Մակրոնի կողմից խոսքի ազատության պատճառաբանությամբ այդ քայլն արդարացնելը հարուցել է աշխարհի մուսուլմանների զայրույթը: Իսլամական երկրներում սկսվել է ֆրանսիական ապրանքները բոյկոտելու շարժում:

Դա անհանգստություն է առաջացրել Ֆրանսիայի կառավարության մոտ և  հանգեցրել կառավարության արձագանքին: Փարիզը   երկակի դիրքորոշում է դրսևորել այս կապակցությամբ:

Մի կողմից ֆրանսիացի պաշտոնյաները ժխտում են Ֆրանսիայի և իսլամական աշխարհի միջև հակամարտության հավանականությունը, իսկ մյուս կողմից սպառնացել են իսլամական երկրներին, ինչպիսին է Թուրքիան, որը խիստ դիրքորոշում է որդեգրել Մակրոնի հայտարարության նկատմամբ:

Շվեդիայում Ֆրանսիայի դեսպան Էթյեն դե Գոնվիլը ասում է, որ իր երկրի և մուսուլման աշխարհի միջև ցանկացած հակամարտություն դժվար թե տեղի ունենա Էմանուել Մակրոնի հակաիսլամական արտահայտությունների պատճառով և անդրադառնալով մոտ 4-ից 8 միլիոն ֆրանսիացի մահմեդական քաղաքացիների ներկայությանն այդ երկրում ասել է, որ Ֆրանսիան մուսուլմանական երկիր է իսկ իսլամը`  երկրորդ ամենամեծ կրոնն է ֆրանսիայում:

 Ֆրանսիայի նախագահ Էմանուել Մակրոնը իսլամը նկարագրել է որպես «ճգնաժամային» կրոն և հավելել, որ կառավարությունը կսկսի ավելի կոշտ աշխարհիկ քաղաքականություն վարել:

Մակրոնն ընդգծել է, որ Ֆրանսիան կշարունակի տպագրել վիրավորական ծաղրանկարները:

Այս հայտարարություննեից  հետո «բոյկոտել ֆրանսիական ապրանքներ» հեշթեգը արաբական երկրներում դարձավ թրենդային և շատերն արգելեցին ֆրանսիական ապրանքների օգտագործումը:

Իսլամի վերաբերյալ Մակրոնի դիրքորոշումը սկզբունքորեն հակասում է այդ  երկրի դեսպանի դիրքորոշմանը: Իրականում Իիսլամի և մահմեդականների նկատմամբ Ֆրանսիայի կառավարության վարած քաղաքականությունը նույնն է, ինչ Մակրոնի հայտարարությունը:

Լիբանանի Մեծ մուֆթի Շեյխ Աբդուլ Լաթիֆ Դարյանը Ֆրանսիայում իսլամի մարգարեի  հասցեին վիրավորանքը համարել է թշնամանմ՝ք ուղղված  աշխարհի բոլոր մուսուլմանների  դեմ: Նա ասել է. «Խոսքի և կարծիքի ազատությունը չի նշանակում վիրավորել ուրիշներիկարծիքը և պետք է վերանայել բացարձակ ազատություն հասկացությունը»:

Վիճակագրությունը ցույց է տալիս, որ եվրոպական այս երկրում իսլամն օրեցօր տարածվում է և ֆրանսիացիների շրջանում աճում է ցանկությունը ՝ ծանոթանալու այս երկնային կրոնըի  և իսլամի մարգարեի հետ:

Ֆրանսիայի կառավարությունը սպառնալի դիրքորոշում է որդեգրել հակաիսլամական գործողությունների քննադատողների դեմ և այդ կապակցությամբ կեղծ մեղադրանքներ է հնչեցնում:

Մի քանի օր առաջ Էրդողանը, վկայակոչելով Մակրոնի հակաիսլամական հայտարարությունն ասել էր, որ  Մակրոնը պետք է  հոգեկան առողջության թեստ անցնի:

Ֆրանսիան իրեն թույլ է տալիս բացահայտ միջամտել այլ երկրների ներքին գործերին, ինչի վկայությունն են Մակրոնի Լիբանան կատարած այցերը և այդ երկրի ներքին գործերին խառնվելը: Մինչդեռ հակաիսլամիզմը և իսլամի մարգարեին վիրավորելու հարցը ոչ ներքին խնդիր է, ոչ էլ դրա հետևանքները սահմանափակվում են Ֆրանսիայով:

Այժմ Ֆրանսիան կանգնած է մուսուլմանների և իսլամական երկրների դատապարտման ալիքի և նրանց կողմից պատժամիջոցների կիրառման առջև: