Մամուլի տեսություն 06.01.2021

Երեկ իրանական մամուլն անդրադարձել է Իրանում անցկացվող ԱԹՍ-ների ամենամեծ զորավարժություններին:

Մարդոմսալարի օրաթերթ

Վաշինգտոնը վախենում է Թրամփի զինված աջակիցներից

Վաշինգտոնի ազգային գվարդիան  բերվել է բարձր պատրաստվածության ՝ նախագահ Դոնալդ Թրամփի կողմնակիցների հանրահավաքից առաջ, որը տեղի է ունենալու Կոնգրեսում Բայդենի հաղթանակի վերաբերյալ քննարկումներից առաջ: Ինչպես նշում է Guardian- ը, Թրամփի կողմնակիցները նախատեսում են երեքշաբթի և չորեքշաբթի օրերին երթ անցկացրել մայրաքաղաքի փողոցներով՝ ի աջակցություն ԱՄՆ նախագահի կողմից հնչեցված՝ ընտրակեղծիքների վերաբերյալ մեղադրանքների: 

New York Daily News- ը հայտնում է, որ 340 զինծառայողներ պատրաստ վիճակում են, քանի որ Դոնալդ Թրամփի հազարավոր կողմնակիցներն ԱՄՆ մայրաքաղաքում բողոքի ցույց են անցկացնելու՝ նոյեմբերին կայացած ընտրությունների արդյունքների դեմ: Վաշինգտոնի ոստիկանությունը քաղաքի կենտրոնում տեղադրել է ցուցանակներ ՝ ցույցերի ընթացքում զենք կրելու անօրինականության վերաբերյալ:

Քեյհան օրաթերթ

ԱՄՆ-ին, Սիոնիստական ​​ռեժիմին և Եվրոպային զայրացրել է Իրանի ոկղմից 20 տոկոսանոց ուրանի ահրստացման ծրագրի մեկնարկը

Պետդեպարտամենտի խոսնակը երկուշաբթի երեկոյան լկտի հայտարարությամբ է արձագանքել Իրանի քայլին ՝ պնդելով, որ Ֆորդոյում   20 տոկոսանոց ուրան հարստացնելու Իրանի քայլը միջուկային ծրագրի համար առավելություններ ստանալու արշավն ուժեղացնելու բացահայտ փորձ է: Այս ջանքերը  ձախողվելու են: ԱՄՆ-ը և միջազգային հանրությունը  շարունակելու են հետևել ՄԱԳԱՏԷ-ի տեսուչների զեկույցներին:

Խորասան օրաթերթ

Իրանում ընթանում են անօդաչու թռչող սարքերի ամենամեծ զորավարժությունները

Լարված շաբաթվա ընթացքում, երբ ոմանք չէին բացառում հակամարտության հնարավորությունը, Իրանի Իսլամական Հանրապետության բանակը, կանխարգելիչ գործողությամբ, սկսեց անօդաչու թռչող սարքերի ամենամեծ զորավարժությունները՝ թշնամուն իր ուժը ցույց տալու նպատակով:

Իրանի Իսլամական Հանրապետության բանակի ԱԹՍ-ների առաջին խոշոր զորավարժությունը մեկնարկել է երեքշաբթի օրը՝ Սեմնան նահանգում, բանակի քառյակ ուժերի հարյուրավոր անօդաչու թռչող սարքերի մասնակցությամբ և կշարունակվեն մինչև  ընթացիկ օրվա վերջ:

Ջավան օրաթերթ

Եվրոպան նույնպես գոհ է ՀԳՀԾ-ից

Իրանի և 5 + 1 միջև ստորագրված միջուկային գործարքի իրականացումից 5 տարի անց, արևմտյան երկրների անհավատարմությունը միջուկային գործարքին, և Ֆորդոյի միջուկային համալիրում ուրանի 20 տոկոս հարստացման գործընթացի վերսկսումից հետո, եվրոպացիներն առավել քան երբևէ, զգում են,թ ե որքան ցավալի կարող է լինել ՀԳՀԾ-ի չեղարկումը:

armenpress.am

Վարչապետ Փաշինյանը համաճարակային իրավիճակով պայմանավորված ինքնամեկուսացված է. Մանե Գևորգյան

ԵՐԵՎԱՆ, 6 ՀՈՒՆՎԱՐԻ, ԱՐՄԵՆՊՐԵՍ: ՀՀ վարչապետի մամուլի քարտուղար Մանե Գևորգյանը մեկնաբանել է ՀՀ վարչապետ Նիկոլ Փաշինյանի բացակայությունը Երևանի Սուրբ Գրիգոր լուսավորիչ մայր եկեղեցում Աստվածահայտնության և Սուրբ ծննդյան տոնի Սորբ պատարագից։

Մանե Գևորգյանը, պատասխանելով «Արմենպրես»-ի հարցին, նշել է. «Համաճարակային իրավիճակով պայմանավորված վարչապետը ինքնամեկուսացված է»։

armenpress.am

Ռուս խաղաղապահները Լեռնային Ղարաբաղում ականազերծել են շուրջ 427 հա տարածք

Ռուսաստանի Դաշնության Պաշտպանության նախարարության Միջազգային ականազերծման կենտրոնի մասնագետները շարունակել են Լեռնային Ղարաբաղում ականազերծման և պայթյունավտանգ իրերի հայտնաբերման ու վնասազերծման աշխատանքները:

«Արմենպրես»-ի փոխանցմամբ` այս մասին հայտնում է ՌԴ ՊՆ պաշտոնական կայքը:

«Խաղաղապահ առաքելության ողջ ընթացքում Լեռնային Ղարաբաղի տարածքում ականազերծվել է շուրջ 427 հա տարածք, 160,8 կմ ճանապարհ: Հայտնաբերվել և վնասազերծվել է ավելի քան 19,6 հազար պայթյունավտանգ առարկա»,- ասված է հաղորդագրությունում:

armenpress.am

Հայաստանը դիմել է ՄԻԵԴ՝ պահանջելով ադրբեջանական խախտումների հարցը ներկայացնել ԵԽ Նախարարների կոմիտե

ԵՐԵՎԱՆ, 5 ՀՈՒՆՎԱՐԻ, ԱՐՄԵՆՊՐԵՍ: Եվրոպական դատարանը հունվարի 4-ին բավարարել է Հայաստանի ներկայացրած ևս մեկ դիմում ռազմագերիների և առևանգված քաղաքացիական անձանց վերաբերյալ՝ կիրառելով միջանկյալ միջոց և պահանջելով Ադրբեջանից ներկայացնել տեղեկություն սահմանված ժամկետում։

«Արմենպրես»-ի հաղորդմամբ՝ այս մասին հայտնում է ՄԻԵԴ-ում ՀՀ ներկայացուցիչը:

Միաժամանակ, հաշվի առնելով Ադրբեջանական իշխանությունների բացահայտ արհամարական վերաբերմունքը իրավական գործընթացների և հատկապես Եվրոպական դատարանի որոշումների նկատմամբ, ինչպես նաև Դատարանի որոշումներում սահմանված ժամկետների բազմակի խախտումները և Ադրբեջանի նախագահի վերջին հայտարարությունները՝ Հայաստանը հունվարի 3-ին և 5-ին դիմել է Եվրոպական դատարան՝ պահանջելով ադրբեջանական խախտումների վերաբերյալ հարցը ներկայացնել ԵԽ Նախարարների կոմիտե՝ Դատարանի կանոնների 39 § 2 դրույթի հիման վրա։

«Հաշվի առնելով ռազմագերիների և առևանգված անձանց վերաբերյալ գործընթացների կարևորությունը և հարցի զգայուն լինելը՝ ևս մեկ անգամ հորդորում ենք զերծ մնալ սոցիալական ցանցերով նշված անձանց անունները և/կամ այլ անհատականացնող տվյալները հրապարակելուց»,-ասվում  է հաղորդագրության տեքստում:

panorama.am

Դոնալդ Թրամփի մեքենան աճուրդի է հանվել

«Mecum Auctions» աճուրդի տունը վաճառքի է հանել ԱՄՆ նախագահ Դոնալդ Թրամփին պատկանող ավտոմեքենան։ Այս մասին գրում է ՌԻԱ Նովոստին։

Ինչպես հաղորդվում է կազմակերպության կայքում, Ferrari F430-ը գնորդին բաժին կհասնի այն փաստաթղթերի կրկնօրինակը, որոնցում դրվելու Է Թրամփի անձնական ստորագրությունը:

Նշվում է նաև, որ ամբողջ ընթացքում մեքենան ավելի քան 11 հազար կմ ճանապարհ է անցել: Այն 400-500 հազար դոլար է գնահատվում։

panorama.am

Անգլիան կրկին փակվել է կորոնավիրուսի տարածման պատճառով

Երկուշաբթի երեկոյան Մեծ Բրիտանիայի վարչապետ Բորիս Ջոնսոնը հայտարարել է Անգլիայի տարածքում համապետական կարանտին մտցնելու մասին` կապված վերջին շաբաթներին կորոնավիրուսով վարակվածների թվի կտրուկ աճի հետ, գրում է «Ամերիկայի ձայն»-ը։

Բնակիչներին խորհուրդ է տրվում լքել իրենց տները միայն անհրաժեշտության դեպքում, խանութների մեծ մասը և սպասարկող ձեռնարկությունները կփակվեն, իսկ դպրոցները կանցնեն հեռավար ուսուցման:

Սա COVID-19-ի հետ կապված երրորդ համապետական արգելափակումն է. առաջինը կիրառվել է մարտին, երկրորդը՝ նոյեմբերին: Դեկտեմբերի սկզբին իրավիճակի կայունացումից հետո, կարանտինը հանվեց, բայց ամսվա վերջին Լոնդոնում և Անգլիայի հարավ-արևելքում սկսվեց վարակվածների թվի կտրուկ աճ: Դրա հիմնական պատճառը կորոնավիրուսի նոր տեսակի տարածումն էր: Ջոնսոնը հաստատեց փորձագետի գնահատականները, որ վիրուսի այս տեսակը 50-ից 70 տոկոսով ավելի վարակիչ է, քան «սովորական» կորոնավիրուսը:

Լոնդոնում և հարակից տարածքներում խիստ սահմանափակումներ կիրառվեցին, բայց դա չօգնեց վիրուսի տարածումը դանդաղեցնելուն, ուստի կառավարությունը որոշեց նոր արգելափակում մտցնել, որը հավանավբար կտևի մինչև փետրվարի կեսերը: Շոտլանդիայի իշխանություններն ավելի վաղ արդեն կարանտին էին մտցրել Շոտլանդիայի տարածքում:

Ջոնսոնը հիշատակել է, որ անցյալ ամիս երկրում սկսվել է պատվաստումների զանգվածային արշավ: Երկրում շուրջ մեկ միլիոն մարդ արդեն ստացել է պատվաստանյութը: Վարչապետի խոսքով, մինչ փետրվարի կեսերը պետք է պատվաստվեն ռիսկային խմբերի ներկայացուցիչների մեծ մասը, որից հետո հնարավոր կլինի թուլացնել սահմանափակումները:

Հունվարի 4-ին Մեծ Բրիտանիան սկսել է զանգվածային պատվաստումներ կորոնավիրուսի դեմ AstraZeneca- ի և Օքսֆորդի համալսարանի գիտնականների կողմից մշակված պատվաստանյութով: Բացի այդ, ընթացքի մեջ է Pfizer-ի պատվաստանյութով պատվաստումը:

Համաճարակի սկզբից գրեթե մեկ տարվա ընթացքում Մեծ Բրիտանիայում ավելի քան 2,5 միլիոն մարդ է վարակվել կորոնավիրուսով, որոնց թվում էր նաև վարչապետ Բորիս Ջոնսոնը: Մահացել է ավելի քան 75 հազար մարդ: Վերջին շրջանում արձանագրվում են հակառեկորդային թվով հիվանդներ՝ օրական ավելի քան 50 հազար վարակման նոր դեպքեր: