Մեկնաբանություն- Քաղաքական զարգացումները Հայաստանում՝ Ադրբեջանի հետ խաղաղության համաձայնագրի ստորագրումից հետո
Հայաստանում Նիկոլ Փաշինյանի կառավարության հրաժարականը պահանջող ժողովրդական բողոքի ցույցերի ֆոնին, վարչապետը հայտարարել է 2021թ. հունիսի 20-ին արտահերթ խորհրդարանական ընտրությունների անցկացման մասին:
ՀՀ ԱԺ փոխնախագահ Ալեն Սիմոնյանը հայտարարել է, որ Նիկոլ Փաշինյանը կշարունակի պաշտոնավարել, մինչև 2021թ հունիսի 20-նն անցկացվելիք արտահերթ խորհրդարանական ընտրությունները:
Ընդդիմադիրները ՀՀ վարչապետին են մեղադրում ղարաբաղյան վերջին պատերազմում Հայաստանի պարտության մեջ:
Եվրասիական հարցերի իրանցի փորձագետ Ռամին Արյան Ռադն ասել է.«Երևանը դեռ հանգիստ չի քնում, իսկ անկայունության մղձավանջը ստվերել է քաղաքը: Մի երկիր, որը քաղաքական գրականության մեջ Խորհրդային Միությունից առանձնացած միատարր բնակչությամբ ամենակայուն հանրապետություններից մեկն էր, այժմ տառապում է ամենօրյա բողոքներից և անսանձ պառակտումներից»:
Հայաստանի Սահմանադրության մեջ կատարված վերջին բարեփոխումների համաձայն, վարչապետը նշանակվում է ԱԺ-ի ձայների մեծամասնությամբ և երկրի ամենաբարձրաստիճան պաշտոնյան է համարվում: Այդ պատճառով, Փաշինյանն առանց նախագահի և երկրի մյուս պետայրերի համաձայնության, ՌԴ նախագահ Վլադիմիր Պուտինի միջնորդությամբ, Ադրբեջանի նախագահ Իլհամ Ալիևի հետ ստորագրել է Ղարաբաղի խաղաղության համաձայնությունը:
Հաշվի առնելով այս իրողությունները և Հայաստանի վարչապետի հատուկ դիրքը` հայ քաղաքական գործիչները դարձել են խորհրդարանական համակարգի հակառակորդներ և փորձում են մեկ անձից խլել իշխանությունը:
Հայ քաղաքական գործիչներից շատերը ենթադրում են, որ Հայաստանի Սահմանադրության բարեփոխումները և իշխանական համակարգը խորհրդարանականից նախագահականի փոխելը ծրագրված դավադրություն էր ղարաբաղյան տարածքներն Ադրբեջանին հանձնելու համար:
Որպես լրագրող ու խորհրդարանի պատգամավոր իր քաղաքական կարիերան սկսած Նիկոլ Փաշինյանը շուտով կարողացավ իշխանությունից հեռացնել Հայաստանի նախկին նախագահ Սերժ Սարգսյանին:
Դրանից առաջ Ռոբերտ Քոչարյանը երկու անընդմեջ շրջան պաշտոնավարել էր որպես Հայաստանի նախագահ: Փաստորեն, Քոչարյանն ու Սարգսյանը Հայաստանի նախագահներից երկուսն էին, ովքեր ընդհանուր առմամբ քսան տարի գտնվում էին Հայաստանի քաղաքական իշխանության ղեկին:
Սակայն Փաշինյանին հաջողվեց երկու շաբաթվա ընթացքում ժողովրդին համախմբել իշխանափոխության հարցի շուրջ և ձեռք բերել իշխանություն:
Հայաստանի ներկա իրավիճակի և ճգնաժամի քննարկումն ամփոփելով, անհնար է թվում, որ հայ ժողովուրդը մեկ անգամ ևս վստահի Փաշինյանին և քվեարկի Հայաստանի Ազգային ժողովում նրա նախընտրած պատգամավորների օգտին: Փաստորեն, Հայաստանի ապագա կառավարությունը Նիկոլ Փաշինյանի ներկայությամբ անհնար է պատկերացնել:
