Մեկնբաբանություն. Չինաստան-ԱՄՆ հարաբերություններում լարվածությունը պահպանվում է
Չնայած կանխատեսվում էր, որ Դոնալդ Թրամփի հեռանալուց հետո Չինաստանի և արևմտյան երկրների, մասնավորապես՝ ԱՄՆ-ի հետ հարաբերություններում լարվածությունը կթուլանա, սակայն Բայդենի իշխանության գալուց հետո, այդ կանխատեսումն իրականություն չդարձավ:
Հարավչինական ծովում ԱՄՆ-ի արկածախնդիր գործողությունների դեմ բողոքները, ԱՄՆ-ում մարդու իրավունքների վերաբերյալ Չինաստանի ամենամյա զեկույցի հրապարակումը, հակաիրանական պատժամիջոցները չեղարկելու Պեկինի կոչերը և վերջին օրերին ՀԳՀԾ վերադառնալուն ուղղված գործնական քայլերը, վկայում են Վաշինգտոնի և արևմտյան որոշ երկրների հետ Պեկինի հարաբերություններում առկա լարվածության շարունակման մասին:
Բայդենի հայտարարությունները վկայում են, որ գոնե առաջիկայում նա չի պատրաստվում փոխել Չինաստանի նկատմամբ Թրամփի օրոք ԱՄՆ-ի որդեգրած ագրեսիվ քաղաքականությունը:
Բայդենի հայտարարությունը, թե երկու երկրների միջև ուղղակի առճակատում տեղի չի ունենա, սակայն ուժեղ մրցակցությունը կպահպանվի, ի չիք դարձրեց երկու երկրների հարաբերությունները վերանայելու վերաբերյալ առկա բոլոր հույսերը:
Միջազգային ասպարեզում անկախ քաղաքականություն վարելու Չինաստանի պնդումը, ինչպես նաև հակաիրանական պատժամիջոցները չեղարկելու Պեկինի պահանջն ու Չիանստանի ԱԳ նախարար Վան Յիի Թեհրան կատարած այցի շրջանակներում Իրանի հետ 25-ամյա ռազմավարական համագործակցության պայմանագրի ստորագրումը, կարող են ավելի շատ մեծացնել Պեկին-Վաշինգտոն հարաբերություններում առկա տարածությունը:
ԱՄՆ-ն, որ վերջին տասնամյակների ընթացքում տարբեր պատրվակներով պատժամիջոցներ է սահմանել Իրանի դեմ, Թեհրանի ու Պեկինի միջև ստորագրված 25-ամյա ռազմավարական համաձայնությունը համարում է պատժամիջոցային քաղաքականության ձախողման հերթական պատճառը:
Այնուամենայնիվ պետք է նշել, որ ՀԳՀԾ-ից ԱՄՆ-ի դուրս գալուց և հակաիրանական պատժամիջոցների խստացումից հետո Իրանի որդեգրած առավելագույն դիմադրության քաղաքականությունը, որի արդյունքում Վաշինգտոնի քաղաքականությունը ձախողվեց, Սպիտակ տան պաշտոնյաներին ստիպեց ընդունել հակաիրանական առավելագույն ճնշման քաղաքականության ձախողումը:
Հետևաբար, կանխպատեսվում է, որ Իրանի հետ 25 -ամյա ռազմավարական համագործակցության մասին փաստաթղթի ստորագրումից հետո, ԱՄՆ-ն ավելի կզայրանա Չինաստանի վրա, ինչը կսրի երկու երկրների միջև առկա մրցակցությունը:
ԱՄՆ-ին մտահոգում է այն հանգամանքը, որ Իրանը, Չինաստանը, Ռուսատսանը և տարածաշրջանի մի շարք այլ երկրներ կձևավորեն նոր կոալիցիա որն այլ դերակատարների միանալով, հզոր բլոկ կձևավորի՝ ուղղված ԱՄն-ի հեգեմոնիայի թուլացման և այդ երկրի նպատակների ձախողմանը:
Ստեղծվում է տպավորություն, որ Սպիտակ տան կոշտ, միակողմանի, ագրեսիվ ու հարկադրական քաղաքականությունը տարածաշրջանային կոալիցիայիների ձևավորման պատճառ է դարձել, և հակառակ Վաշինգտոնի ակնկալիքների, այդ երկրի հեգեմոնիայի անկման պատճառ դարձել:
