Մեկնաբանություն- Հայաստանում ավարտվել է հակակառավարական ուժերի նստացույցը
17 ընդդիմադիր կուսակցություններից կազմված Հայրենիքի փրկության շարժումը հայտարարել է, որ դադարեցնում է Ազգային Ժողովի շենքի դիմաց նստացույցը:
Միևնույն ժամանակ ընդդիմադիրների մեկ այլ խումբ, Ազգային փրկության ճակատի որոշումը որակել է ձախողում և փորձել է կանխել վրանների հավաքումը: Ոստիկանությունը ձերբակալել է քաղաքացիներին, որոնք փորձել են խոչընդոտել վրանները հավաքելուն:
Թվում է, թե Երևանի կառավարության դեմ ընդդիմության կողմից նստացույցի ավարտը պայմանավորված էր երկու հիմնական պատճառով: Առաջին պատճառն այս տարվա հունիսին ՀՀ Ազգային ժողովի արտահերթ ընտրություններում ձախողումն է:
Ավելի վաղ, լրագրողներին տված հարցազրույցում, Հայրենիքի փրկության ճակատի ղեկավար Վազգեն Մանուկյանը խոսել էր առաջիկա ընտրություններում հավանական պարտության մասին:
Երկրորդ պատճառը կարող է լինել այն, որ հզոր և ազդեցիկ արտաքին պետությունները, այդ թվում՝ Ռուսաստանը նախազգուշացրել են ընդդիմությանը: Փաստորեն, ստեղծված իրավիճակում Ռուսաստանի կառավարությունը չի պատրաստվում Նիկոլ Փաշինյանին փոխելով, բախվել նոր կրիտիկական իրավիճակի` հայերի կողմից Ղարաբաղյան խաղաղության համաձայնագրի դրույթների իրագործման համար: Սակայն Փաշինյանին հեռացնելով, այդ հնարավորությունը ավելի կմեծանա:
44-օրյա պատերազմում Հայաստանի պարտությունից հետո, նոյեմբերի 10-ից, Հայաստանում ժողովուրդը բողոքի ցույցեր է անցկացնում, պահանջելով վարչապետ Նիկոլ Փաշինյանի հրաժարականը:
Հայրենիքի փրկության շարժման կողմնակիցները ևս փետրվարի վերջին օրերին վրաններ տեղադրելով, նստացույց անցկացրեցին Երևանի Բաղրամյան պողոտայում:
Հարկ է նշել, որ մի կողմից, Փաշինյանի կառավարությունը բախվում է ընդդիմության բողոքներին Հայաստանի ներսում, իսկ մյուս կողմից՝ Լեռնային Ղարաբաղի չկարգավորված հակամարտությունը շարունակում է մնալ շատ կարևոր մարտահրավեր:
Այս բոլորն այն դեպքում, երբ Թուրքիայի ու Ադրբեջանի համատեղ զորավարժությունները մտահոգություն են առաջացնում պատերազմի վերսկսման կապակցությամբ: Չնայած այս հավանականություններին, մի շարք ազերի փորձագետներ այլ կարծիք ունեն: Օրինակ քաղաքական հարցերի փորձագետ Արեֆ Յունեսն ասել է.«Ալիևի իշխանության օրոք միավորված Ղարաբաղ չենք տեսնելու: Առաջիկա հինգ տարիներին բազմակողմանի քարոզչություններ է լինելու Ղարաբաղի յոթ քաղաքների վերակառուցման վերաբերյալ: Սակայն Լեռնային Ղարաբաղն Ադրբեջանին վերադարձվելու կապակցությամբ պետք է հաշվի առնել, որ Ռուսաստանը դա թույլ չի տա և Հայաստանը ևս դա չի ցանկանա»:
Որոշ փորձագետներ համոզված են, որ հրադադարի ռեժիմի հաստատման գործընթացում և Ռուսաստանի միջնորդությամբ խաղաղության համաձայնագրի դրույթների իրականացման գործընթացում տարածաշրջանի անկախ երկրների, հատկապես Իրանի մասնակցությամբ հնարավոր կլինի երաշխավորել խաղաղության գործընթացը:
