Մեկնաբանություն - ՄԱԳԱՏԷ-ի լռությունը Իրանի միջուկային օբյեկտների դեմ իրականացված դիվերսիայի վերաբերյալ

Կիրակի ապրիլի 11-ին, Նաթանզի միջուկային օբյեկտի վրա կատարված դիվերսիոն հարձակումը, որի պատասխանատուն Իսրայելն է, ևս մեկ անգամ բարձրացրեց Ատոմային էներգիայի միջազգային գործակալության (ՄԱԳԱՏԷ) միջազգային միջնորդական առաքելության անհրաժեշտությունը:

Նաթանզի ատոմակայանը, որտեղ իրականացվում է ուրանի հարստացում, Ատոմային էներգիայի միջազգային գործակալության տեսուչների հսկողության տակ գտնվող իրանական միջուկային օբյեկտներից մեկն է:

Սիոնիստական ​​ռեժիմի լրատվամիջոցները  Նաթանզի միջուկային օբյեկտի էլեկտրական բաշխման ցանցի խափանումը վերագրել են Իսրայելին, նշելով, որ դա Իրանի միջուկային ծրագրի հետ առճակատման մաս է կազմում: New York Times- ի թղթակից Ռոնեն Բերգմանը ասել է.«Եթե ​​համատեղ գործողությունների նոր համապարփակ ծրագիր ստորագրվի, Իսրայելը կշարունակի իր գաղտնի պատերազմը՝ կանխելու համաձայնագրի իրականացումը: Սա այն է, ինչ տեղի է ունենում հիմա: Սա Իսրայելի գաղտնի պատերազմն է Իրանի դեմ` համոզվելու համար, որ Թեհրանի միջուկային նախագիծը ոչ մի տեղ չի հասնի»:

Հարձակումից հետո, Իրանի արտաքին գործերի նախարար Մոհամադ Ջավադ Զարիֆը ՄԱԿ-ի գլխավոր քարտուղարին ուղղված նամակում, անդրադառնալով Իրանի միջուկային օբյեկտների վրա հարձակվելու Սիոնիստական ​​ռեժիմի սպառնալիքներին, գրել է.«Վերահսկվող միջուկային օբյեկտների վրա դիտավորյալ հարձակումը, որը հղի է ռադիոակտիվ նյութերի հավանական թողարկման մեծ ռիսկով, միջուկային ահաբեկչություն է»:

Իրանմ այն երկրներից է, որ  բազմիցս բախվել է իր միջուկային օբեյտների դեմ հարձակումների մասին սպառնալիքների:

Այս առնչությամբ, Իրանի Ատոմային էներգիայի կազմակերպության ղեկավար Ալի Աքբար Սալեհին, անդրադառնալով կիրակի օրը տեղի ունեցած հարձակմանը, ընդգծել է միջազգային հանրության և Ատոմային էներգիայի միջազգային գործակալության կողմից միջուկային ահաբեկչության դեմ պայքարի անհրաժեշտությունը:

Իրանցի միջուկային գիտնականների սպանությունից բացի, Իսրայելը բազմիցս կիբերհարձակումներ է իրականացրելլ Իրանի միջուկային օբյեկտների դեմ: Վիեննայում տեղակայված միջազգային կազմակերպություններում Իրանի մշտական ​​ներկայացուցիչ Քազեմ Ղարիբաբադին հայտարարել է, որ պայթյունը դիվերսիայի գործողության արդյունք է ևՄԱԳԱՏԷ-ին ու նրա անդամների  կոչ է անրել  խստորեն դատապարտել այս գործողությունը:

Ատոմային էներգիայի միջազգային գործակալությունը հրաժարվել է դատապարտել հարձակումը:

Քազեմ Ղարիբաբադին ասել է, որ ՄԱԳԱՏԷ-ի տարբեր բանաձևերում ընդգծվել է, որ միջուկային օբյեկտի դեմ ցանկացած  հարձակում կամ սպառնալիք ՄԱԿ-ի կանոնադրության, միջազգային իրավունքի և ՄԱԳԱՏԷ-ի կանոնադրության խախտում է»:

Նա նշել է, որ  միջազգային իրավունքի տեսանկյունից և հիմնվելով  միջուկային օբյեկտների անվտանգության ոլորտում միջազգային պարտադիր փաստաթղթերի վրա, ՄԱԳԱՏԷ-ի որոշումների համաձայն, որոնք արգելում են անդամ երկրների միջուկային օբյեկտների  դեմ դիվերսիաները և  Միավորված ազգերի կազմակերպության կանոնադրության սկզբունքներն ու կանոնները, ներառյալ ուժի չկիրառման սկզբունքը, երկրների միջուկային օբյեկտների վրա հարձակումներն արգելվում են:

 Սիոնիստական ​​ռեժիմի կողմից Նաթանզի միջուկային օբյեկտի վրա հարձակումից հետո, հարց է առաջանում, թե ինչո՞ւ են գործակալությունը և դրա գլխավոր տնօրենը հրաժարվում  դիրքորոշում հայտնել այդ կապակցությամբ:  Այնուամենայնիվ, այդ հարձակումները հակասում են գործակալության կանոններին և խախտում են միջազգային իրավունքը:

Սա վկայում է, որ հակառակ  գործակալության  անաչառ մոտեցման վերաբերյալ  ՄԱԳԱՏ-ի գլխավոր տնօրեն Գրոսիի պնդումներին,  այս կառույցը լռում է Սիոնիստական ​​ռեժիմի կողմից իրականացված հարձակման կապակցությամբ: