Մեկնաբանություն - Զինված բռնություն Միացյալ Նահանգներում և Բայդենի նոր նախազգուշացումը
ԱՄՆ նախագահ Ջո Բայդենը, դատապարտելով Ինդիանապոլիսում տեղի ունեցած մահացուց հրաձգությունը, հայտարարել է, որ ամեն օր, մեծ թվով մարդիկ են զոհվում զինված բռնությունների արդյունքում և անհրաժեշտ է ավելի շատ գործողություններ ձեռնարկել՝ փրկելու մարդկանց կյանքերը: Նա խոստովանել է, որ «զինված բռնությունը» համաճարակի վերածվել է Միացյալ Նահանգներում:
Բայդենը Կոնգրեսին կոչ է արել ընդունել զենքի վաճառքը սահմանափակող և վերահսկող օրենքը: Հայտարարությունն արվել է այն բանից հետո, երբ Ինդիանա նահանգի Ինդիանապոլիս քաղաքում, FedEx շենքում տեղի ունեցած հրաձգության հետևանքով զոհվեց ութ մարդ:
Վերջին շաբաթների ընթացքում ԱՄՆ-ում զենքի ազատության շուրջ տարաձայնությունները սրվել են, քանի որ երկրում հրաձգության դեպքերն աճել են: Իրականում ԱՄՆ-ում զինված բռնության հարցը լուրջ խնդրի է վերածվել: Վիճակագրության համաձայն ՝ 2021 թվականի սկզբից, հրաձգության հետևանքով զոհվել է 4127 մարդ:
ԱՄՆ-ում զինված բռնություններն ուղղակիորեն կապված են աշխարհի ամենամեծ կապիտալիստական երկրում զենք գնելու և կրելու ազատության հետ: ԱՄՆ-ում զենքի ազատությունը հանգեցրել է զինված բռնության աճի և զանգվածային սպանությունների շարունակմանը:
Այս առումով, ժամանակ առ ժամանակ, տարբեր պատճառներով, սկսած հիասթափությունից և ընտանեկան վեճերից մինչև աշխատանքային խնդիրներ, և նույնիսկ ֆիլմերի և անձնական համակարգչային խաղերի ազդեցության տակ, մի մարդ զենք է վերցնում և հասարակական վայրերում կրակ բացում ժողովրդի վրա :
Հրաձգությունները հանցավոր խմբավորումների և թմրանյութերի ապօրինի շրջանառության ժամանակ տեղի ունեցող ամենօրյա բռնություններից հետո, ԱՄՆ-ում սպանությունների մեծ թվի պատճառներից են: Հրազեն ունենալու իրավունքը երաշխավորված է ԱՄՆ Սահմանադրությամբ: Դեմոկրատները ցանկանում են սահմանափակել ամերիկացիների զենքի հասանելիությունը, բայց հանրապետականները դեմ են դրան ՝ դա անվանելով հակասահմանադրական:
Նախագահ Ջո Բայդենը, իր տեղակալ Քամալա Հարրիսի հետ միասին, զինված բռնության դեմ պայքարի ուղղությամբ վեց գործադիր հրաման է արձակել և Կոնգրեսին կոչ արել ընդունել զենքի վաճառքը սահմանափակղ օրենք:
Որոշ լուրերի համաձայն, Բայդենը չի պատրաստվում որևէ լուրջ գործողության դիմել, այդ թվուև՝ զենքի վաճառքի դադարեցումը: Սպանությունների մեծ մասն իրականացվուէմ ավտոմատ զենքերով,ինչը զոհերրի մեծ թվի պատճառ է դառնում
Փաստաբան Ռոբերտ Պատիլոնն ասել է, որ Նախագահ Ջո Բայդենը դժվար իրավիճակում է, և հայտնվել է երկու քարի արանքում, քանի որ այդ խնդրի լուծումը կտևի տարիներ»:
ԱՄՆ-ում շատերը կարծում են, որ զենքի վերաբերյալ օրենքների հարցում կառավարության և Կոնգրեսի անփութությունն այս երկրում զանգվածային սպանությունների շարունակման հիմնական պատճառն են:
