Մեկնաբանություն. Սենատորները բողոքում են Իսրայելին ԱՄն-ի տրամադրած օգնությունների դեմ
Ամերիկացի անկախ սենատոր Բերնի Սանդերսը հայտարարել է, որ ԱՄՆ-ն պետք է կրճատի Սիոնիստական ռեժիմին տրամադրվող օգնությունը և ճնշում գործադրի ռեժիմի վրա՝ օկուպացիոն քաղաքականությունը դադարեցնելու համար:
Ֆարս լրատվական գործակալության հաղորդմամբ, Ջեյ Սթրիթի տարեկան նիստի ժամանակ, Բերնի Սանդերսն ասել է.«Իրականությունն այն է, որ ամերիկացիները չեն ցանկանում, որպեսզի ԱՄՆ-ի կողմից Իսրայելին ցուցաբերվող օգնությունները, որ ձևավորվում են իրենց վճարած հարկերից, օգտագործվեն մարդու իրավունքները խախտող և պաղեստինցիներին երկրորդ կարգի քաղաքացիներ համարող քաղաքականություններին աջակցելու համար»:
Նա ընդգծել է Իսրայելի նկատմամբ ճնշում գործադրելու, այդ թվում օգնությունները սահմանափակելու անհրաժեշտությունն ի պատասխան ռեժիմի կողմից խնդրի խաղաղ լուծման հնարավորությունների անտեսման: Հրեա սենատորը վերջին տարիներին բազմիցս քննադատել է Վաշինգտոնի աջակցությունը Թել Ավիվին, և Նեթանյահունին անվանել ռասիստ:
Դեմոկրատ սենատոր Էլիզաբեթ Ուորենը, նույն նիստում ունեցած ելույթում ասել է. «Եթե ավանաշինության քաղաքականությունը դադարեցնելու և կողմերին լուծման հասնելու հարցում լուրջ լինենք, անպատասխանատվություն կլինի, որ այս կապակցությամբ բոլոր միջոցներից չօգտվենք»:
ԱՄՆ կառավարությունը հարկատուների գումարներից ձևավորված ֆինասնական միջոցներից տարեկան միլիարդավոր դոլարների աջակցություն է տրամադրում Սիոնիստական ռեժիմին ՝ ռազմական և տնտեսական օգնության տեսքով: ԱՄՆ ռազմական օժանդակությունը Սիոնսիտական ռեժիմին և ռեժիմի հետ կնքված պայմանագրերը բազմիցս քննադատության են արժանացել ամերիկացիների կողմից: Այդ օգնությունների դեմ բողոքի ցույցերի մասնակիցները նշում են, որ ամերիկացի հարկատուների փողերն օգտագործվում են պաղեստինցիների դեմ Սիոնիստական ռեժիմի ագրեսիվ ու բռնի գործողությունների համար:
Միևնույն ժամանակ, այս ամերիկացի սենատորները նույնպես բացահայտորեն քննադատում են Սիոնիստական ռեժիմին Վաշինգտոնի կողմից ցուցաբերվող օժանդակության շարունակումը, չնայած պաղեստինցիների դեմ Թել Ավիվի հակամարդկային գործողություններին ու հանցագործություններին և ավանաշինության քաղաքականության շարունակման: ԱՄՆ-ն պաղեստինցիների նկատմամբ Իսրայելի հանցագործությունների և ռեժիմի օօկուպցաիոն քաղաքականության գլխավոր աջակիցն է: ԱՄՆ-ի տրամադրած լայնածավալ ռազմական և ֆինանսական օգնությունն օգտագործվումէ հենց այդ նպատակներով: Սիոնիստ պաշտոնյաները, հատկապես Նեթանյահուն, մշտապես հայտարարում են, որ Վաշինգտոն Իրսայելի հզոր աջակիցն է:
Չնայած ԱՄՆ-ի բոլոր կառավարությունները կարևորել են Սիոնսիտական ռեժիմին ցուցաբերվող ռազմական և տնտեսական լայնածավալ աջակցությունը, իսկ Բարաք Օբամայի վարչակազմի օրոք մշակվեց ու ստորագրվեց Իսրայելին 10-ամյա ռազմական օգնության փաթեթը, սակայն Դոնալդ Թրամփն իր աննախադեպ գործողություններով անցավ Սիոնիստական ռեժիմին բացարձակ աջակցության սահմանները:Նա իրականացրեց գործողություններ, որոնք ԱՄՆ նախորդ նախագահները հրաժարվել էին կատարել: Միևնույն ժամանակ, Թրամփը կանաչ լույս տվեց Սիոնիստական ռեժիմին ՝ շարունակելու 1967 թ բռնազավթված տարածքներում ավանաշինության քաղաքականությունը և բազմիցս աջակցեց սիոնիստների կողմից ինքնապաշտպանության պատրվակով ճնշված պաղեստինցիների սպանությանը: Փաստորեն, առանց ԱՄՆ աջակցության, հատկապես տարեկան ռազմական օգնության, որը կազմում է 3-ից 4 միլիարդ դոլար, ըստ էության, Սիոնիստական ռեժիմը չունի անհրաժեշտ ուժ ՝ պաղեստինցիներին ճնշելու, ավանաշինության քաղաքականությունը շարունակելու և հարևան երկրների դեմ հարձակումներ ձեռնարկելու համար:
