Մամուլի տեսություն 11.05.2021
Պաղեստինցիների դեմ իսրայելցի զինվորականների հարձակումների արդյունքում, Երուսաղեմը հայտնվել է պատերազմական իրավիճակում:
Քեյհան օրաթերթ
60 տոկոս ուրան հասրտացնելու Իրանի որոշումը ԱՄՆ-ին ստիպում է շտապել
New York Times- ն անդրադառնալով Վիեննայում ընթացող բանակցություններին, գրել է, որ չնայած Իրանն ու ԱՄՆ-ն հայտարարել են, որ բանակցությունների ընդհանուր նպատակը ՀԳՀԾ-ով ստանձնած պարտավորություններին վերադառնալն է, սակայն կողմերի միջև այս հարցի կապակցությամբ լուրջ տարաձայնություններ կան:
Թերթը գրում է, որ իրանցիները ցանկանում են պահպանել միջուկային վառելիքի արտադրության առաջադեմ սարքավորումները, որոնք տեղադրել են ՀԳՀԾ-ից Թրամփի հեռանալուց հետո և վերադառնալ համաշխարհային ֆինանսական համակարգ, ինչը նախատեսված է 2015թ. ստորագրված համաձայնագրով:
Սակայն Բայդենի կառավարությունը պնդում է, որ հին համաձայնագրի վերականգնումը միայն վերջնկան արդյունքին հասնելու հերթական քայլն է և արդյունքում պետք է կնքվի նոր համաձայնագիր, որը կներառի հարցերի ավելի մեծ շրջանակ:
Թերթը հավելում է, որ ուրբաթ օրը սկսվում է բանակցությունների նոր փուլը և Բայդենի վարչակազմը կանգնած է կարևոր որոշում կայացնելու խնդրի առջև:
Ջավան օրաթերթ
Պատերազմական իրավիճակ՝ սրբազան Ղոդսում
Վերջին օրերին ծայրահեղական սիոնիստները, զինվորականների աջակցության շնորհիվ, Ալ-Աղսա մզկիթում հարձակվել են պաղեստինցի աղոթարարների վրա:
Այս հարձակումներն իրականացվում են սիոնիստների կողմից, դատարանի որոշման հիմամբ Շեյխ Ջարրահ շրջանից պաղեստինցիներին վտարելու գործողություններին զուգահեռ: Պաղեստինցիները սակայն դիմադրում են այս հարձակումներին:
Շբաթ օրը, սիոնիստները հերթական անգամ հարձակվել են Շեյխ Ջարրահ շրջանի և Ալ Աղսա մզկիթի մերձակա տարածքներում գտնվող պաղեստինցիների վրա: Հարձակման արդյունքում վիրավորվել է առնվազն 14 պաղեստինցի: չորս հոգի տեղափոխվել է հիվանդանոց:
Միևնույն ժամանակ, սիոնիստները հարձակում են իրականացրել նաև Ալ Աղսա մզկիթում աղոթող ցուցարարների և Բաբ ալ-Ամուդ շրջանի բնակիչների դեմ, որտեղ վերջին 10 օրերին իրավիճակը լարված է:
Ղոդսի բնակիչները հայտարարել են, որ թույլ չեն Բաբ ալ-Ամուդ շրջանը փակելով, իրագործել Ղոդսի հրեականացման ծրագիրը և ժամանակային ու տարածքային բաժանում իրականացնել Ալ Աղսա մզկթում:
Էբթեքար օրաթեր
Իրանում մեկնարկել է 13-րդ նախագահական ընտրությունների թեկնածուների գրանցումը
Այսօր Իրանում պաշտոնապես մեկնարկել է 13-րդ նախագահական ընտրությունների թեկնածուների գրանցումը: Գրանցումը կտևի 5 օր և դրանից հետո համապատասխան մարմինները կքննարկեն առաջադրված թեկնածուների հաստատման հարցը:
Սակայն մեծ թվով անձինք, ում մասին ավելի վաղ ԶԼՄ-ները գրում էին, թե կարող են առաջադրվել որպես նախագահի թեկնածու, պաշտոնապես չեն հայտարարել առաջադրվելու մասին:
Էթեմադ օրաթերթ
Չինաստան. Վաշինգտոնը պատասխանատու է Աֆղանստանում իրականացվող հարձակումների համար
Չինաստանի արտաքին գործերի նախարարության խոսնակը հայտարարել է, որ Պեկինը ցնցված է Աֆղանստանում իրականացված վերջին հարձակումներից և դրանց զոհերի թվից: Նա Վաշինգտոնին կոչ է արել «պատասխանատու կերպով» իր զորուժը դուրս բերել Աֆղանստանից:
armenpress.am
Պուտինը Դումային ներկայացրել Է Բաց երկնքի պայմանագրից ՌԴ-ի դուրս գալու մասին օրինագիծը
Նախագահ Վլադիմիր Պուտինը Դումային ներկայացրել Է Ռուսաստանի Դաշնության կողմից Բաց երկնքի պայմանագրի (ԲԵՊ) դենոնսացիայի մասին թիվ 1168313-7 օրինագիծը: Օրինագիծը հայտնվել Է Դումայի բազայում, տեղեկացնում Է «Արմենպրես»-ը:
Մայիսի 5-ին վարչապետ Միխայիլ Միշուստինը ստորագրել Է կառավարության որոշումը այդ պայմանագրի դենոնսացիայի մասին առաջարկությունը նախագահին ներկայացնելու վերաբերյալ: Առաջարկվել Է, որ այն բանից հետո, երբ կառավարությունը ԲԵՊ-ի դենոնսացիայի մասին օրինագիծը ներկայացնի նախագահին, փաստաթուղթը կհանձնեն Պետական Դումա: Մայիսի 9-ին Պուտինը արտաքին գործերի փոխնախարար Սերգեյ Ռյաբկովին նշանակել Է Դումայում եւ Դաշնության խորհրդում այդ օրինագիծը քննարկելիս նախագահի ներկայացուցիչ:
Բաց երկնքի պայմանագիրն ստորագրվել Է (ԲԵՊ, The Treaty on Open Skies) 1992 թվականի մարտի 24-ին Հելսինկիում՝ Եվրոպայի անվտանգության եւ համագործակցության կազմակերպության (ԵԱՀԿ) 23 անդամ-պետությունների ներկայացուցիչների կողմից: Ռուսաստանը պայմանագիրը վավերացրել Է 2001 թվականի մայիսի 26-ին: Մասնակից երկրներն իրավունք են ստանում թռչել միմյանց տարածքների շուրջը՝ ռազմական գործունեությունը վերահսկելու նպատակով: 2020 թվականի նոյեմբերին ԱՄՆ-ը դուրս Է եկել ԲԵՊ-ից: 2021 թվականի հունվարին նմանօրինակ ընթացակարգ սկսելու մասին հայտարարել Է Ռուսաստանի ԱԳ նախարարությունը: Մոսկվան իր վերադարձը համաձայնագրին հնարավոր Է համարել, եթե նույն բանն անի Վաշինգտոնը, սակայն ապրիլի վերջին ԱԳՆ-ում արձանագրել են, որ ամեն բան ընթանում Է դեպի պայմանագրի վերացում, եւ հավելել, որ Ռուսաստանում ԲԵՊ-ի դենոնսացիայի ընթացակարգը կավարտվի մինչեւ մայիսի վերջը, հաղորդել Է «Ինտերֆաքս»-ը:
armenpress.am
ԱՄՆ-ը հայտարարել Է, որ կշարունակի օգնություն ցույց տալ Աֆղանստանին իր զորքերը դուրս բերելուց հետո
Միացյալ Նահանգները կշարունակի ֆինանսական եւ հումանիտար օգնություն ցույց տալ Աֆղանստանին Իսլամական Հանրապետությունից ամերիկյան զորքերի դուրսբերումից հետո: Ինչպես տեղեկացնում Է «Արմենպրես»-ը, այդ մասին հայտարարել Է Աֆղանստանի խնդրով ԱՄՆ-ի հատուկ ներկայացուցիչ Զալմայ Խալիլզադը Der Spiegel հրատարակությանը տված հարցազրույցում, որը հրապարակվել Է մայիսի 10-ի երեկոյան:
«Մենք չենք լքի Աֆղանստանը: Երբ (զորքերի) դուրսբերումն ավարտվի, մենք նոր գլուխ կբացենք մեր գործընկերությունում»,- նշել Է Խալիլզադը: «Աֆղանստանը կգտնվի ամերիկյան եւ օտարերկրյա օգնության առաջին ստացողների թվում, որը ներառում Է Աֆղանստանի անվտանգության ուժերը, օգնությունը զարգացման նպատակով եւ հումանիտար օգնությունը»,- հավելել Է ԱՄՆ-ի հատուկ ներկայացուցիչը՝ նշելով, որ ամերիկացիների դաշնակիցները «նույն բանն են ասում»: Խալիզադն ըստ որում ընդգծել Է, որ ԱՄՆ-ն առավելագույն ջանքեր կգործադրի՝ Աֆղանստանում բռնությունը դադարեցնելու համար:
«Բռնությունը վատ Է, եւ մեր նպատական Է օգնել դրան վերջ տալու հաշտության համաձայնագիր կնքելու միջոցով»,- արձանագրել Է ԱՄՆ-ի հատուկ ներկայացուցիչը: Այդ համաձայնագրի բացակայության եւ ռազմական գործողությունների շարունակման դեպքում, Խալիզադի կարծիքով, իրարդությունը կարող Է խիստ սաստականալ: «Մենք մեր կողմից ամեն բան կանենք, ինչ կարող եք, բացառությամբ այն բանի, որպեսզի կրկին չմասնակցենք պատերազմի, որպեսզի կանխենք նման սցենարի զարգացումը», հայտարարել Է Խալիլզադը: Դրա հետ մեկտեղ նա նշել Է, որ ԱՄՆ-ը նախկինի պես ուշադրությամբ կհետեւի իրադարձությունների զարգացմանը: «Մենք կմնանք Աֆղանստանի լավ բարեկամները եւ կշարունակենք նրան աջակցել, ինչպես նաեւ պատրաստ կլինենք ապագայի այլընտրական տարբերակներին»,- եզրափակել Է ԱՄՆ-ի հատուկ ներկայացուցիչը, հաղորդել Է ՏԱՍՍ-ը:
armenpress.am
Ռուս խաղաղապահների զորախումբը պարեկային ծառայություն է իրականացնում Լաչինի միջանցքում
Ռուսական խաղաղապահ զորախմբի զինծառայողները շարունակում են իրականացնել հրադադարի ռեժիմի պահպանման վերահսկողության և ավտոտրանսպորտի երթևեկության անվտանգության ապահովման, ինչպես նաև Լաչինի միջանցքով պարենի և տարբեր ապրանքների փոխադրման խնդիրները:
«Արմենպրես»-ի հաղորդմամբ՝ այս մասին հայտնում են ՌԴ պաշտպանության նախարարությունից:
Անցյալ տարվա նոյեմբերի 12-ից Արցախում ռուսաստանյան խաղաղապահ զորախմբի ռազմական ոստիկանության ստորաբաժանումն ամեն օր պարեկային ծառայություն է իրականացնում Լաչինի միջանցքում: Տվյալ ծառայության նպատակն է վերահսկել հրադադարի մասին համաձայնագրի կատարումը, հավաքել տեղեկատվություն, ստուգել տեղանքի այն հատվածները, որոնք դիտակետերից չեն դիտվել, ցուցադրել խաղաղապահ զորակազմի ներկայությունը:
«Լաչինի միջանցքը ճանապարհ է, որը կապում է Ստեփանակերտը Հայաստանի հետ։ Ռուսաստանյան խաղաղապահ զորախումբը, ըստ համաձայնագրերի, իրականացնում է նրա վերահսկողությունը։ Վերահսկողությունը իրականացվում է ոչ միայն ճանապարհի, այլ նաև 5 կմ լայնությամբ մատույցներում: Միջանցքի պարեկությունն իրականացվում է ամեն օր։»,- հայտնել է ռազմական ոստիկանության ստորաբաժանման սպա, փոխգնդապետ Իվան Կուզմինը։
Խաղաղապահ զորախմբի ռազմական ոստիկանության պարեկային ծառայության երթուղիների երկարությունն ամեն օր կազմում է մոտ 50 կմ:
www.panarmenian.net
Կրակոցներ կազանյան դպրոցում․ Առնվազն 11 զոհ կա
Ռուսական Կազան քաղաքի համար 175 գիմնազիայում կրակոցների հետևանքով զոհվել է 11 մարդ, հայտնում է ՌԻԱ Նովոստի գործակալությունը՝ հղում անելով տեղի ուժայիններին։
ՌԵՆ ՏՎ-ն, իր հերթին, հայտնում է 13 զոհի ու 16 վիրավորի մասին։
Ըստ Live Shot տելեգրամ-ալիքի՝ հարձակվողները երկուսն էին, նրանցից մեկը 6-7 պատանդ էր պահում դպրոցում։ Ուժայինները գրոհ են սկսել, որի ընթացքում սպանել են կրակողներին, հայտնում է Mash-ը ։
www.panarmenian.net
Այվազյանն ու Գուտերեշը կարևորել են ԼՂ խաղաղ գործընթացի վերականգնումը ԵԱՀԿ ՄԽ շրջանակում
ԱԳ նախարարի պաշտոնակատար Արա Այվազյանը ՄԱԿ Գլխավոր քարտուղար Անտոնիո Գուտերեշի հետ հեռախոսազրույցում կարևորել է ԼՂ խաղաղ գործընթացի վերականգնումը ԵԱՀԿ Մինսկի խմբի համանախագահության շրջանակներում: Այս համատեքստում Արա Այվազյանն ընդգծել է նաև համանախագահության դերը պատերազմի հետևանքների հասցեագրման գործում:
Նա ընդգծել է Ադրբեջանի պատանդառության ներքո գտնվող հայ ռազմագերիների և քաղաքացիական անձանց հայրենադարձման հրատապությունը:
Զրուցակիցները բարձր են գնահատել ՄԱԿ-ի տարբեր մասնագիտացված կառույցների և Հայաստանի միջև հաստատված արդյունավետ փոխգործակցությունը:
Զրուցակիցները քննարկել են նաև ԼՂ հակամարտության գոտում վերջին զարգացումների հետևանքով Արցախում ստեղծված հումանիտար և սոցիալ-տնտեսական իրադրությունը մեղմելու ուղղությամբ քայլերի ձեռնարկումը: Ներկայացնելով Արցախի դեմ ադրբեջանական ագրեսիայի ընթացքում և դրան հաջորդած շրջանում ՄԱԿ համապատասխան մասնագիտացված կառույցների հետ Հայաստանի իրականացրած աշխատանքները՝ անխափան հումանիտար մուտքն Արցախ ապահովելու ուղղությամբ, նախարարի պաշտոնակատարն ընդգծել է, որ Ադրբեջանը շարունակում է հումանիտար աջակցության հասանելիության հարցը քաղաքականացնելու և միջազգային հանրության ջանքերը խաթարելու իր գործելաոճը:
Նախարարի պաշտոնակատար Այվազյանը և ՄԱԿ Գլխավոր քարտուղար Գուտերեշն անդրադարձել են նաև ԼՂ համակարտության գոտում պատմամշակութային և կրոնական ժառանգության պաշտպանության ու պահպանության և այդ ուղղությամբ միջազգային գործուն մեխանիզմների ներդրման անհրաժեշտությանը: ԱԳ նախարարի պաշտոնակատարն անընդունելի է համարել վտանգված մշակութային վայրեր միջազգային փորձագիտական առաքելության իրականացումն արգելափակելու ադրբեջանական կողմի վարքագիծը:
Ադրբեջանի նախագահ Իլհամ Ալիևը կրկին հայտարարել է, որ ղարաբաղյան հակամարտությունը «կարգավորված է»:
