Մամուլի տեսություն 26-12-2021

Ուրբաթ գիշեր ամբողջ աշխարհի քրիստոնյաները նշեցին Սուրբ Ծնունդը։ Այն երկրում, որտեղ ծնվել է Հիսուսը, Սիոնիստական ​​ռեժիմի անվտանգային խստագույն վերահսկողության ներքո քրիստոնյաները նշեցին տխուր Սուրբ Ծնունդ:

Վաթան Էմրուզ օրաթերթ

Զարգացման միջանցք

Հյուսիս-Հարավ միջանցքի ակտիվացմամբ,15 տոննա բեռի համար տարանցիկ արժեքը մոտ 2500 դոլարով կկրճատվի Սուեզի ջրանցքի սովորական երթուղու համեմատությամբ, իսկ  տրանսպորտի ժամանակը կկրճատվի 40-ից 60 օրից մինչև 25-30 օր:

Մի քանի ամիս առաջ Իրանը դարձավ Շանհայի համագործակցության կազմակերպության լիիրավ անդամ։ Իրանի լիիրավ անդամակցությունը Շանհայի համագործակցության կազմակերպությանը մեծացրել է Իրանի դերը՝ «Գոտի և ճանապարհ» նախաձեռնության, Եվրասիական տնտեսական միության և «Հյուսիս-Հարավ» միջանցքի երեք ենթակառուցվածքային  նախագծերում: <<Գոտի և ճանապարհ>> նախաձեռնությունը, Եվրասիական տնտեսական միությունը և Հյուսիս-Հարավ միջանցքը, որպես  կապերի ենթակառուցվածքային նախագծեր, կարող են  մեծ դեր ունենալ զարգացող երկրների համատեղ շահերի ամրապնդման և տարածաշրջանում խաղաղության հաստատման գործում։

Իրան օրաթերթ

Թել Ավիվն արգելքներ է սահմանել օկուպացված տարածքների քրիստոնյաների համար

Ուրբաթ գիշեր ամբողջ աշխարհի քրիստոնյաները նշեցին Սուրբ Ծնունդը այն պայմաններում երբ  քրիստոնյաները այն երկրում, որտեղ ծնվել է Հիսուսը, տխուր Սուրբ Ծնունդ են նշել Սիոնիստական ​​ռեժիմի անվտանգության խստագույն վերահսկողության տակ :

Ալ-Մայադին կայքի հաղորդման համաձայն, Պաղեստինի օկուպացված տարածքների շատ քրիստոնյաներ կարծում են, որ միայն քաղաքի գլխավոր հրապարակում մեծ տոնածառ դնելը չի ​​նշանակում ունենալ ուրախ Սուրբ Ծնունդ: Հիսուս Քրիստոսի ծննդավայր Բեթղեհեմի քրիստոնյաները, ինչպես Պաղեստինի օկուպացված տարածքների մյուս քրիստոնյաները, կարծում են, որ այն պայմաններկում, երբ Սիոնիստական ​​ռեժիմի կառավարությունը անվտանգության խնդիրների պատրվակով  թույլ չի տալիս հավաքույթներ ունենալ, ուստի Սուրբ Ծնունդը չի կարող լինել ուրախ։

Էթելաաթ օրաթերթ

Իրաքը 52 միլիարդ դոլարի փոխհատուցում է վճարել Քուվեյթին

Իրաքի Կենտրոնական բանկը հայտարարել է, որ Բաղդադը 1990 թվականին Քուվեյթի վրա հարձակման համար ռազմական փոխհատուցման վերջին մասը որը կազմում է 44 միլիոն դոլար վճարել է Քուվեյթին։

Ջավան օրաթերթ

Մի կնոջ և երեխայի մարմինները փշրված նավակի վրա կախված մնացել են ջրի վրա

Մերձավոր Արևելքի և Աֆրիկայի որոշ երկրներում պատերազմի թեժացմամբ և աղքատության տարածումով նման տեսարանները դեռ կրկնվում են։ Մի քանի օր առաջ  փախստականների նավի խորտակումից հետո, Հունաստանի առափնյա պարեկությունը Էգեյան ծովում հայտնաբերել է 16 փախստականի դի։

Էթեմադ օրաթերթ

Արդյոք գեներալ Սոլեյմանիի սպանությունը Թրամփի և Նեթանյահուի միջև հարաբերությունների լարվածության պատճա՞ռն է

Axius լրատվական կայքը զեկույցում բացահայտել է, որ ԱՄՆ-ի և Իսրայելի միջև լարվածությունը առաջացել է գեներալ Ղասեմ Սոլեյմանիի սպանությունից հետո։

Հաղորդման համաձայն, այս գործողությունից հետո Դոնալդ Թրամփը եկել է այն եզրակացության, որ Բենիամին Նեթանյահուն իրեն օգտագործել է Իրանի դեմ։ Իսրայելցի հայտնի լրագրող Բարաք Ռավիդն ամերիկյան այս լրատվամիջոցում գրել է.<<Սոլեյմանիի սպանությունը, թեև սկզբում դիտվում էր որպես ԱՄՆ-ի և Իսրայելի համագործակցության գագաթնակետը, բայց իրականում դրանից հետո այն դարձավ երկու դաշնակիցների միջև լարվածության առարկա>>։

armenpress.am

Հռոմի Պապը սուրբծննդյան իր ուղերձում անդրադարձել է ռազմագերիներին

Սուրբ Ծննդյան տոնի առթիվ դեկտեմբերի 25-ին Հռոմի Պապն իր ամենամյա «Քաղաքին և աշխարհին» ավանդական ուղերձում խոսել է նաև ռազմագերիների մասին։

Ինչպես «Արմենպրես»-ը տեղեկանում է Սուրբ Աթոռում Հայաստանի դեսպանության տարածած հաղորդագրությունից, Հռոմի Պապն իր ուղերձով մարդկությանը հրավիրել է երկխոսության, միասնության և խաղաղության։

Նա իր խոսքում անդրադարձել է աշխարհում գործող հակամարտություններին, երկխոսությունից հրաժարվելու վտանգներին, իրենց տները հարկադրված լքածներին հումանիտար աջակցություն ցուցաբերելու անհրաժեշտությանը։

Նորին Սրբություն Ֆրանցիսկոսը մասնավորապես նշել է.

«Բեթղեհեմի որդի, թույլ տուր, որ վերջին հակամարտությունների բազմաթիվ ռազմագերիները` քաղաքացիական անձինք ու զինվորականները, ինչպես նաև քաղաքական դրդապատճառներով բանտարկվածները շուտով տուն վերադառնան»:

yerevanlur.am

Երևանի նորընտիր քաղաքապետը չի անդամակցելու «Քաղաքացիական պայմանագիր» կուսակցությանը

Երևանի նորընտիր քաղաքապետ Հրաչյա Սարգսյանը չի պատրաստվում անդամակցել «Քաղաքացիական պայմանագիր» կուսակցությանը:

«Այդպիսի քննարկումներ չունենք: Ես անկուսակցական եմ և ստանձնել եմ քաղաքապետի պարտականությունները, որպեսզի կառավարեմ այն ծրագրերը, որ սկսել եմ, միևնույն ժամանակ ապահովեմ այն խզվածությունը, որ առկա էր գործադիր, օրենսդիր մարմինների ու ավագանու միջև»,- լրագրողների հետ ճեպազրույցում ասաց նա:

Սարգսյանը տեղեկացրեց, որ քաղաքապետի առաջին տեղակալի պաշտոնին առաջարկելու է «Իմ քայլը» խմբակցության քարտուղար Լևոն Հովհաննիսյանին: Նա նշեց նաև, որ Երևանի քաղաքապետարանում ու վարչական շրջաններում սպասվում են կադրային փոփոխություններ:

armenpress.am

Իրաքի վարչապետը երկիրը լքած քրիստոնյաներին հորդորել է վերադառնալ

Իրաքի վարչապետ Մուստաֆա ալ-Քասըմին կոչ է արել բոլոր քրիստոնյաներին, ովքեր լքել են երկիրը, վերադառնալ հայրենիք ու երկրի վերածննդի մասնակիցը դառնալ: Ինչպես փոխանցում է «Արմենպրես»-ը, այս մասին հայտնում է ՏԱՍՍ-ը:

«Քրիստոնյաները նշանակալի դեր ունեն Իրաքում, և պետք է խրախուսել, որ նրանք մնան երկրում»,- ասել է վարչապետը, ով Բաղդադի Սուրբ Հովսեփի տաճարում ներկա է գտնվել սուրբծննդյան պատարագին:

Նա նշել է, որ երկրի իշխանությունների առաջ այժմ կա խնդիր՝ մարդկանց տալու հույս և ամրապնդելու երկրի անկախությունը: Մուստաֆա ալ-Քասըմիի խոսքով՝ երկխոսությունն է այն ճանապարհը, որը կկանխորոշի բոլոր իրաքցիների ապագան՝ անկախ նրանց կրոնական պատկանելությունից:

Իրաքում մինչև 2003 թվականը բնակվել է 1.5 մլն քրիստոնյա, սակայն 2021 թվականի մարտի տվյալներով՝ նրանց թիվը նվազել է՝ հասնելով 250 հազարի:

news.am

Կիպրոսի ուղղափառ եկեղեցու առաջնորդը կղզու բնակչությանը կոչ է արել պատրաստ լինել Թուրքիայից պաշտպանությանը

Կիպրոսի ուղղափառ եկեղեցու առաջնորդ, արքեպիսկոպոս Խրիզոստոմոս II-ը կղզու բնակչությանը կոչ է արել պաշտպանել իրենց իրավունքները, շարունակել պահանջել թուրքական զորքերի դուրսբերումը Կիպրոսի տարածքից եւ պատրաստ լինել իրենց դիրքերի պաշտպանությանը, եթե Թուրքիայի հետ հակամարտությունն ավելի սրվի։ Այդ մասին նա շաբաթ օրը հայտարարել է հավատացյալներին ուղղված սուրբծննդյան ուղերձում, փոխանցում է ՏԱՍՍ-ը։

«Մենք պետք է մնանք միասնական եւ անսասան՝ մեր իրավունքները պաշտպանելու, հաստատակամ եւ վճռական՝ բռնազավթիչ զորքերի դուրսբերման, փախստականներին իրենց նախնիների տները վերադարձնելու մեր պահանջի հարցում, եւ միեւնույն ժամանակ պատրաստվենք պաշտպանության՝ հակամարտության հնարավոր սրացման դեպքում»,- ասվում է արքեպիսկոպոսի ուղերձում։