Մեկնաբանություն- Իրանի պաշտպանական ակտիվ դիվանագիտությունն ուղղված է տարածաշրջանում կայունության հաստատմանը
ԻԻՀ բանակի ռազմաօդային ուժերի հրամանատար, բրևիգադի գեներալ Համիդ Վահեդին, երկուշաբթի օրը ժամանել է Իսլամաբադ՝ հանդիպելու Պակիստանի ռազմական և քաղաքական պաշտոնյաների հետ:
Քառօրյա այցի ընթացքում, Վահեդին կհանդիպի իր պակիստանցի գործընկեր Զահիր Ահմադ Բաբարի և Պակիստանի պաշտպանության նախարար Զոբդյդա Ջալալի հետ։
Այցի շրջանակում տեղի կունենան խորհրդակցություններ երկկողմ ռազմական համագործակցության շուրջ, հատկապես կրթության և գիտության ոլորտներում, ինչպես նաև կքննարկվի տեխնոլոգիաների ոլորտում փորձի փոխանակման հարցը: Իրանի պատվիրակությունը կայցելի նաև Պակիստանի ռազմական ակադեմիաներ և ռազմաօդային ուժերի բազաներ:
Իրանի բանակի ռազմաօդային ուժերի հրամանատարի այցը Պակիստան, տեղի է ունենում Իրանի ընդհանուր քաղաքականության շրջանակում, որը ներառում է պաշտպանական դիվանագիտության զարգացումը և ընդլայնումն՝ ուղղված տարածաշրջանում անվտանգության և կայունության հաստատմանը, պաշտպանական և ռազմական համագործակցության խթանմանը, ռազմական ոլորտում ուսանողների փոխանակմանն ինչպես նաև համատեղ վարժանքների անցկացմանը։
Իրան-Պակիստան պաշտպանական ոլորտի հարաբերությունները մշտապես եղել են բարձր մակարդակի վրա, ինչի մասին վկայում են երկու երկրների բարձրաստիճան զինվորականների փոխադարձ այցելությունները և համատեղ ռազմածովային զորավարժություններ անցկացնելու պայմանավորվածությունը։
Երկու երկրների միջև ռազմական պատվիրակությունների փոխայցելությունների և փորձի փոխանակման շրջանակներում, վերջերս Պակիստանից Իրան էր այցելել բարձրաստիճան զինվորական պատվիրակություն:
Պատվիրակության անդամները փետրվարի 25-ին այցելել են ԻԻՀ բանակի հրամանատարաշտաբային համալսարան: Այցի նպատակներից էին կրթական և հետազոտական համագործակցության խթանումը, և ուսանողների ու դասախոսների փոխանակման ծրագրերի կազմակերպումը:
Իսկ 2021թ. հոկտեմբերին, երկկողմ ռազմական և պաշտպանական հարաբերությունների բարելավման նպատակով, Պակիստան էր մեկնել ԻԻՀ ԶՈՒ ԳՇ պետ, գեներալ-մայոր Մոհամմադ Բաղերիի գլխավոած բարձրաստիճան զինվորական պատվիրակությունը:
Պակիստանի բանակի հրամանատարի Թեհրան կատարած երկու պաշտոնական այցերից և մոտավորապես երեք տարի առաջ գեներալ Բաղերիի Իսլամաբադ կատարած առաջին պաշտոնական այցից հետո, Իրանի ռազմական պատվիրակության այցն այս երկիր Իրանի և Պակիստանի միջև ռազմական, պաշտպանական և անվտանգության ոլորտներում հարաբերությունների ամրապնդման նոր փուլի սկիզբն է:
Կարևոր է անդրադառնալ նաև 2022թ հունվարին ԻԻՀ ՆԳ նախարար Ահմադ Վահիդիի Պակիստան կատարած այցին, որի շրջանակներում քննարկվել են անվտանգության ու սահմանային մի շարք հարցեր:
Իրանն ու Պակիստանն ունեն ամուր և խորը հարաբերությունները: Երկու երկրների պաշտոնյաների միջև պարբերաբար անցկացվում են հանդիպումներ: Իրանը, քաղաքական, տնտեսական և մշակութային ընդհանրությունների հիման վրա, ձգտում է զարգացնել հարևանների, այդ թվում նաև Պակիստանբի հետ իր հարաբերությունները, փոխադարձ շահի հիման վրա:
Հատկապես 13-րդ կառավարության օրոք, Իրանի արտաքին քաղաքականության կարևոր ուղղվածություններից մեկը հարևանների հետ հարաբերությունների ընդլայնումն է: 2021թ իր աշխատանքը սկսելուց հետո, Իրանի կառավարությունը վարում է հավասարակշռված արաքին քաղաքականություն և կարևորում է հարևան և իսլամական երկրների հետ համագործակցության ընդլայնումը:
