Մամուլի տեսություն 09.05.2022
Այսօրվա իրանական օռաթերթերի մեծ մասն անդրադարձել են Սիրիայի նախագահ Բաշար Ասադի Թեհրան կատարած չհայտարարված այցին և Իսլամական հեղափոխության գերագույն առաջնորդի ու ԻԻՀ նախագահի հետ նրա հանդիպումներին:
Ջամե Ջամ օրաթերթ
Հանդիպման չորս հիմնական առանցքները
Սիրիայի նախագահ Բաշար Ասադի չյահտարարված այցը Թեհրան և նրա հանդիպումը Իսլամական հեղափոխության գերագույն առաջնորդի հետ, կարելի է վերլուծել տարածաշրջանի վերջին զարգացումների և Սիրիայում անվտանգության իրավիճակի համատեքստում։ Սիրիան այժմ դուրս է գալիս 11-ամյա ճգնաժամից և մտնում է ճգնաժամի պատճառած ավերածությունները վերականգնելու նոր փուլ: Ուստի Բաշար Ասադը տարածաշրջանային և ներքին չորս կարևոր ոլորտների շուրջ զրուցել է ԻԻՀ գերագույն առաջնորդ Խամենեիի և նախագահ Ռայիսիի հետ:
Առաջին հարցը վերաբերվում է 11-ամյա ճգնաժամին վերջ դնելուն և ոլոր ահաբեկչական խմբավորումներին ճնշելուն։ Երկրորդը տարածաշրջանում տիրող իրավիճակն է և օկուպացված տարածքների ճգնաժամը, երրորդը՝ Սիրիայի հարաբերություններն արաբական երկրների հետ, չորրորդը՝ Սիրիայի վերակառուցումը։
Քեյհան օրաթերթ
«Մենք անվտանգություն չունենք» կարգախոսով բողոքի ցույցեր՝ Թել Ավիվում
Քաղաքի և թաղամասի բնակիչների համար չկա ավելի վատ մղձավանջ, քան չհամարձակվել տանից դուրս գալ: Պաղեստինյան օկուպացված բնակավայրերի բնակիչների համար ամիսներ շարունակ վտանգավոր մղձավանջն իրականություն է դարձել, իսկ բնակավայրերում բնակվող օկուպանտներն անգամ չգիտեն՝ տնից դուրս գալուց հետո կվերադառնա՞ն, թե՞ ոչ։
Սիոնիստներն այժմ գտնվում են անվտանգության վատթարագույն վիճակում, և որոշ հաղորդումներ վկայում են, որ սիոնիստական բնակավայրերում առօրյան ու բնականոն կյանքը խաթարված են պաղեստինցիների հակաօկուպացիոն գործողությունների արդյունքում:
Ջավան օրաթերթ
ԱՄՆ-ի նպատակները Աֆղանստանում ԻԼԻՊ-ի վերակազմավորման գործում
ԻԼԻՊ ահաբեկչական խմբավորումը ստանձնել է Աֆղանստանում վերջին երկու արյունալի գործողությունների պատասխանատվությունը, սակայն հաշվի առնելով ԱՄՆ-ի և ԻԼԻՊ-ի հատուկ կապերը, հարց է առաջանում, թե ո՞րն է Վաշինգտոնի նպատակը Աֆղանստանում թաքֆիրական ահաբեկչական խմբերի ամրապնդման հարցում: Թաքֆիրական ահաբեկչության վերարտադրման և Աֆղանստանում ԻԼԻՊ-ին աջակցելու ԱՄՆ-ի առաջնային նպատակը երկրում անվտանգության և հեռահար ճգնաժամերի ստեղծումն է: ԱՄՆ-ի երկու ավանդական կուսակցությունների (դեմոկրատներ և հանրապետականներ) պաշտոնյաները կարծում են, որ Աֆղանստանում և Հնդկական թերակղզում անապահով և անկայուն միջավայր ստեղծելով նրանք ավելի շատ մանևրելու և միջամտության ուժ կունենան, և հասարակական կարծիքի կենտրոնացումը կշեղվի նրանց ուղղակի կամ անուղղակի օկուպացիայից:
Էթլաաթ օրաթերթ
Անջատողականների պատմական հաղթանակը Իռլանդիայի ընտրություններում
Իռլանդիայի հանրապետական բանակի նախկին քաղաքական թևը համարվող Շին Ֆին կուսակցությունը, ողջունեց իր առաջին հաղթանակը Հյուսիսային Իռլանդիայի խորհրդարանական ընտրություններում՝ որպես վճռորոշ պահ Բրիտանիայի կողմից վերահսկվող տարածաշրջանի համար և կոչ արեց բանակցություններ վարել միասնական Իռլանդիայի շուրջ:
Շին Ֆիննը 27 մանդատով գլխավորում է բրիտանամետ «Դեմոկրատական միություն» կուսակցությունը, որն ունի 24 մանդատ, իսկ մյուս երկու աթոռների ճակատագրի մասին առայժմ չի հաղորդվում։Սա առաջին անգամ է, երբ Իռլանդիայի ազգայնական կուսակցությունը ստանում է մանդատների մեծամասնությունը Հյուսիսային Իռլանդիայի խորհրդարանում։
armenpress.am
Թուրքիան հայտնել է Հյուսիսային Իրաքում ավելի քան 70 քուրդ զինյալի չեզոքացնելու մասին
Թուրքիայի պաշտպանության նախարար Հուլուսի Աքարը հայտնել է, որ Հյուսիսային Իրաքում իրականացված ռազմական գործողությունների արդյունքում չեզոքացվել է Քրդական բանվորական կուսակցության (PKK) անդամ ավելի քան 70 զինյալ: «Արմենպրես»-ի փոխանցմամբ, այս մասին հայտնում է թուրքական NTV հեռուստաալիքը:
Նախարարը տեղեկացրել է, որ հատուկ գործողության ժամանակ մահացել է 10 թուրք զինվորական:
Թուրքիան ապրիլի 18-ից սկսած Հյուսիսային Իրաքում նոր անդրսահմանային գործողություն է սկսել ընդդեմ քուրդ զինյալների:
Թուրքական իշխանությունների տվյալներով՝ 2015 թվականից ի վեր թուրքական զինուժի գործողությունների զոհ է գնացել է PKK-ի ավելի քան 12 հազար անդամ:
araratnews.am
Նորա Արիսյանը նշանակվել է ՀՀ-ում Սիրիայի դեսպան
Սիրիայի նախագահի հրամանագրով Նորա Արիսյանը նշանակվել է Հայաստանում Սիրիայի դեսպան։
«Արմենպրես»-ի փոխանցմամբ՝ այս մասին հայտնում է «Գանձասար» հայկական շաբաթաթեթը։
armlur.am
Վլադիմիր Պուտինը շնորհավորական ուղերձ է հղել Հայաստանի և մի շարք երկրների ղեկավարներին ու ժողովուրդներին
Հայրենական մեծ պատերազմում տարած հաղթանակի 77-րդ տարեդարձի կապակցությամբ ՌԴ նախագահ Վլադիմիր Պուտինը շնորհավորական ուղերձներ է հղել Ադրբեջանի, Հայաստանի, Բելառուսի, Ղազախստանի, Ղրղզստանի, Մոլդովայի, Տաջիկստանի, Թուրքմենստանի, Ուզբեկստանի, Աբխազիայի, Հարավային Օսիայի, Դոնեցկի, Լուգանսկի ղեկավարներին և քաղաքացիներին, ինչպես նաև՝ Վրաստանի և Ուկրաինայի ժողովուրդներին։ Այս մասին ասվում է Կրեմլի պաշտոնական կայքում տեղադրված հրապարակման մեջ։
«Այսօր մեր ընդհանուր պարտքն է կանխել նացիզմի վերածնունդը, որն այդքան տառապանք բերեց տարբեր երկրների մարդկանց։ Պետք է պահպանել և սերունդներին փոխանցել պատերազմական տարիների իրադարձությունների, ընդհանուր հոգևոր արժեքների և եղբայրական բարեկամության ավանդույթների մասին ճշմարտությունը»,- ասվում է ՌԴ նախագահի ուղերձում։
Պուտինը նոր սերունդներին մաղթել է, որ արժանի լինեն իրենց հայրերի ու պապերի հիշատակին։
armenpress.am
Եվրախորհրդարանի պատգամավորը կոչ է արել ԵՄ-ին դադարեցնել Ուկրաինային զինելը
Եվրախորհրդարանի պատգամավոր, Ֆրանսիայի տրանսպորտի նախկին նախարար Թիերի Մարիանին դեմ է արտահայտվել Ուկրաինայի Զինված ուժերին ֆինանսավորելուն և վերազինելուն և կոչ է արել Եվրամիությանը չտրվել ԱՄՆ-ի առևտրային շահերին։ «Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ վկայակոչելով քաղաքական գործիչի հայտարարությունը։
«Մեզ ներքաշում են ուրիշի պատերազմի մեջ, կարծում եմ, որ պետք է դադարեցնել դա (ուկրաինական բանակին զինելը)»,- նշել է նա։
«Այսօր ֆրանսիական դիվանագիտությունը չի կարող առաջնորդվել ԵՄ-ի և ԱՄՆ-ի կողմից, ի՞նչ դիվանագիտություն ունենք․ զենք տալ ուկրաինացիներին, և ի՞նչ ենք ակնկալում այս պարագայում, որ նրանց սպանեն մինչև վերջ, և հետո, հավանաբար, Բայդենը եվրոպացիներին այնտեղ կուղարկի»,- հավելել է Մարիանին։
Քաղաքական գործիչը հեգնանքով նշել է, որ Եվրահանձնաժողովի նախագահ Ուրսուլա ֆոն դեր Լեյենը պետք է պարգևատրվի ամերիկյան զենքի, նավթի և COVID-19 պատվաստանյութերի ներմուծումը խրախուսելու իր քաղաքականության համար։ Նրա խոսքով՝ «Եվրոպան դարձել է ԱՄՆ-ի գլխավոր կոմերցիոն ներկայացուցիչը»։
