Մամուլի տեսություն 06.06.2022
Փորձագետներն ասում են, որ Իրանի կողմից հունական նավթատար տանկերների առգրավումն ազդանշան է ԱՄՆ-ին, որ Իրանը պատրաստ է ուժեղացնել իր դիրքորոշումը առավելագույն ճնշման քաղաքականության դեմ:
Քեյհան օրաթերթ
Գործակալության հետ համագործակցության դադարեցում; Իրանի պատասխանը Կառավարիչների խորհրդի ամերիկա-իսրայելական բանաձևին
Ատոմային էներգիայի միջազգային գործակալության կառավարիչների խորհրդի նիստի նախօրեին ականատես եղանք Սիոնիստական ռեժիմի կողմից Իրանի միջուկային ծրագրի վերաբերյալ որոշ փաստաթղթերի հրապարակմանը։
ՌԴ ԱԳ նախարարն ընդգծել է, որ Մոսկվան դեմ է ԱՄՆ-ի և եվրոպական երեք երկրների կողմից ՄԱԳԱՏԷ-ի Կառավարիչների խորհրդին ներկայացրած բանաձևի նախագծին։ Լավրովը հավելել է.«Այս նախագիծը ոչ մի դրական ազդեցություն չունի, և Իրանի ու ՄԱԳԱՏԷ-ի միջև համագործակցության օրակարգային հարցերը պետք է լուծվեն ՄԱԳԱՏԷ-ի տեխնիկական ուղղությամբ»։ ԱՄՆ-իսրայելական հնարավոր բանաձեւն անպատասխան չի մնա՝ հաշվի առնելով Իսլամական Հանրապետության լայնածավալ համագործակցության պայմաններում, Ատոմային էներգիայի միջազգային գործակալության կողմնակալ և ոչ կառուցողական մոտեցումը տեղի է ունեցել մի ռեժիմի հաչոյանալու համար, որն ինքը մեղադրվում է աշխարհում ապօրինի միջուկային գործունեության մեջ: Իրանն այս հնամա խաղից ու քաղաքական վարքագծի դիմաց անտարբեր չի անցնի և վճռականորեն ու պատշաճ կերպով կարձագանքի ամերիկա-իսրայելական այս հնարավոր բանաձևին։ Իսկ գործակալության հետ աշխատանքի դադարեցումը կարող է լինել այդ պատասխանի մի մասը:
Էթելաաթ օրաթերթ
Հնարավո՞ր է արդյոք, որ Սիոնիստական ռեժիմը գոյատևի առանց ԱՄՆ-ի
Վերլուծաբանները կարծում են, որ Իսրայելի կախվածությունն ԱՄՆ-ից այնքան է խորացել, որ չնայած քաղաքական և տնտեսական անկախություն ձեռք բերելու Թել Ավիվի ջանքերին, լուրջ կասկածներ կան առանց Սպիտակ տան օգնության ռեժիմի շարունակական գոյության վերաբերյալ։ Երկու կողմերը սերտ հարաբերություններ ունեն քաղաքական, դիվանագիտական, ռազմական, սպառազինության և նույնիսկ տնտեսության բազմաթիվ ոլորտներում, և, կան տարբեր տեսակետներ հարաբերությունների տեսակի և մի կողմի՝ մյուսի նկատմամբ գերազանցության վերաբերյալ։ Երկու կողմերի միջև առկա սերտ հարաբերությունները բազմաթիվ կասկածներ է առաջացրել Սիոնիստական ռեժիմի ապագայի և նրան ԱՄՆ-ի աջակցության չափի վերաբերյալ:
Համշահրի օրաթերթ
Կարևոր ազդանշան Իրանից ԱՄՆ-ին
Փորձագետներն ասում են, որ Իրանի կողմից հունական նավթատարների առգրավումն ազդանշան է Միացյալ Նահանգներին, որ Իրանը պատրաստ է խստացնել իր դիրքորոծումը առավելագույն ճնշման քաղաքականության դեմ:
«Նեզավիսիմայա գազետա» թերթը գրել է.«Եթե Աթենքը շարունակի արգելափակել իրանական նավթի առաքումներըԹեհրանը սպառնացել է ավելի շատ հունական նավեր գրավել Պարսից ծոցում»:
Ջամե Ջամ օրաթերթ
8 տարվա պատերազմի ընթացքում ավելի քան 3100 եմենցի երեխա է զոհվել
Եմենի դեմ Սաուդյան կոալիցիայի ութամյա հարձակման հետևանքով ավելի քան 3100 եմենցի երեխա է զոհվել։ Եմենում մարդու իրավունքների ոտնահարման մոնիտորինգի կոալիցիան իր զեկույցում նշել է, որ այս ընթացքում Եմենի 20 նահանգներում սպանվել է 3182 եմենցի երեխա, այդ թվում՝ 2795 տղա և 387 աղջիկ։ Զեկույցի համաձայն՝ 250 երեխա սպանվել է հրազենից, ևս 152 երեխա զոհվել է ռումբի պայթյունից։
armenpress.am
Փաշինյանն ու ՀԱՊԿ խորհրդարանական վեհաժողովի պատվիրակությունների ղեկավարները մտքեր են փոխանակել ԵԱՀԿ ՄԽ շրջանակում ԼՂ հակամարտության կարգավորման շուրջ
Վարչապետ Նիկոլ Փաշինյանը հյուրընկալել է Հավաքական անվտանգության պայմանագրի կազմակերպության խորհրդարանական վեհաժողովի խորհրդի նիստի մասնակիցներին՝ ՀԱՊԿ խորհրդարանական վեհաժողովի նախագահ, Ռուսաստանի Դաշնության Դաշնային ժողովի Պետական Դումայի նախագահ Վյաչեսլավ Վոլոդինի գլխավորությամբ: Հանդիպմանը մասնակցել են նաև ՀՀ Ազգային ժողովի նախագահ Ալեն Սիմոնյանը և ՀԱՊԿ գլխավոր քարտուղար Ստանիսլավ Զասը:
Ինչպես «Արմենպրես»-ին հայտնում են ՀՀ կառավարությունից, ողջունելով հանդիպման մասնակիցներին՝ վարչապետը նշել է, որ այս տարի նշվում է ՀԱՊԿ ստեղծման 30-ամյակը, ինչը կարևոր իրադարձություն է:
«Բազմիցս ենք նշել, որ սա լավ հնարավորություն է իմի բերելու արդյունքները, վերլուծելու մեր ձեռքբերումները, բացթողումները, քայլերը, թե ինչով և ինչպես կարող ենք ավելի արդյունավետ դարձնել մեր կազմակերպությունը: Այս համատեքստում, իհարկե, Խորհրդարանական վեհաժողովի խորհրդի դերը հնարավոր չէ գերագնահատել, քանի որ ՀԱՊԿ-ը փաստացի այն քաղաքական պլատֆորմն է, որտեղ բոլոր այս հարցերը պետք է քննարկվեն:
Կարծում եմ՝ սա շատ կարևոր հարթակ է, որպեսզի կիսվենք ապագայի մեր տեսլականով և փորձենք ՀԱՊԿ մեխանիզմները դարձնել առավել արդյունավետ՝ ճգնաժամային իրավիճակներին արձագանքելու համար:
Սա այն թեմաներից մեկն է, որը շատ կարևոր է և՛ մեր երկրի, և՛ ընդհանրապես կազմակերպության համար: Որպես նախագահող պետություն՝ մենք այս խնդիրը համարում ենք մեր նախագահության առաջնահերթություններից մեկը և հույս ունեմ, որ մեզ կհաջողվի այդ հարցի շուրջ գալ կոնկրետ որոշումների»,- ասել է Նիկոլ Փաշինյանը:
Վյաչեսլավ Վոլոդինը շնորհակալություն է հայտնել վարչապետին ջերմ ընդունելության համար և նշել, որ խորհրդի նիստը հնարավորություն է տալիս մշակել որոշումներ և զարգացնել հարաբերությունները երկրների միջև:
aysor.am
Ալեն Սիմոնյանն ու Վյաչեսլավ Վոլոդինը կարևորել են ռազմաքաղաքական և ռազմատեխնիկական ոլորտներում փոխգործակցությունը
ՀՀ ԱԺ նախագահն ընդունել է ՀԱՊԿ խորհրդարանական վեհաժողովի նիստի շրջանակում Հայաստանում գտնվող ՌԴ ԴԺ Պետական դումայի նախագահ Վյաչեսլավ Վոլոդինի գլխավորած պատվիրակությանը: Առանձնազրույցից հետո նրանք միացել են ընդլայնված կազմով հանդիպմանը:
Կողմերը միմյանց շնորհավորել են Հայաստանի Հանրապետության եւ Ռուսաստանի Դաշնության միջեւ դիվանագիտական հարաբերությունների հաստատման 30-ամյակի եւ Բարեկամության, համագործակցության ու փոխադարձ օգնության մասին պայմանագրի ստորագրման 25-ամյակի առթիվ:
Երկուստեք արձանագրվել է հայ-ռուսական հարաբերությունների դաշնակցային բնույթին համապատասխանող պատշաճ մակարդակով նախատեսված միջոցառումների անցկացման անհրաժեշտությունը:
Մտքեր են փոխանակվել անցած տարիների ընթացքում հայ-ռուսական միջպետական, դաշնակցային փոխգործակցության շուրջ: Հատկապես կարեւորվել են ռազմաքաղաքական եւ ռազմատեխնիկական ոլորտներում փոխգործակցությունը, իրավապայմանագրային լայն բազայի հետեւողական կատարելագործումը, առեւտրատնտեսական, միջտարածաշրջանային եւ հումանիտար ոլորտներում հաջող գործընկերությունը:
civic.am
Առանց Ղարաբաղի հայերի կարծիքը հաշվի առնելու հնարավոր չէ հասնել կարգավորման. Տոյվո Կլաար
«Առանց Ղարաբաղի հայերի կարծիքը հաշվի առնելու հնարավոր չէ հասնել կարգավորման», - «Ազատության» հետ զրույցում հայտարարեց Հարավային Կովկասում Եվրամիության հատուկ ներկայացուցիչ Տոյվո Կլաարը՝ պատասխանելով հարցին, թե արդյոք Լեռնային Ղարաբաղում ապրող հայերի մասնակցությունն է նկատի ունեցել Եվրոպական խորհրդի նախագահ Շարլ Միշելը, երբ բրյուսելայն եռակողմ հանդիպումից հետո հայտարարեց, թե տևական և արդար խաղաղության համար պետք է քննարկում լինի հիմնական բոլոր հարցերի շուրջ՝ շահագրգիռ բոլոր կողմերի մասնակցությամբ։«Կարծում եմ, ի վերջո, Ղարաբաղի հայերը, իհարկե, մի կողմ են, որոնք պետք է լինեն լուծման մաս՝ ինչ ձևով էլ դա տեղի ունենա… Եւ շատ պարզ է, որ Ղարաբաղում ապրող մարդիկ հիմնարար շահագրգռվածություն ունեն համապարփակ կարգավորման հասնելու հարցում: Եվ անձամբ ես չեմ տեսնում, թե ինչպես կարող ենք հասնել նման կարգավորման՝ առանց այդ մարդկանց կարծիքն ու տեսակետը հաշվի առնելու», - նշեց նա։
yerevanlur.am
Արեւմուտքը հոգնել է ՌԴ-ի դեմ պատժամիջոցներից եւ հարակադրված է հրաժարվելու նոր սահմանափակումներից. Bloomberg
Արեւմտյան երկրները թուլացել են Ռուսաստանի դեմ սեփական պատժամիջոցների հարուցած տնտեսական խնդիրների պատճառով, դրա հետեւանքով Եվրոպան սկսում Է նվազեցնել Մոսկվայի դեմ տնտեսական դիմակայման շրջապտույտները: Այս գնահատումն Է բերված հունիսի 6-ին Bloomberg գործակալության կայքում հրապարակված հոդվածում:
Մեկնաբան Լիոնել Լորանի կարծիքով՝ չնայած այն բանին, որ Արեւմուտքն աննախադեպ սահմանափակումներ Է հռչակում ՌԴ-ի դեմ, պատժամիջոցների քաղաքականության մեջ զիջումներն ու մեղմացումները նուռնպես աճում են. ԵՄ-ի մի շարք երկրներ Էներգակիրների խողովակաշարային մատակարարումների շարունակումից մինչեւ Մոսկվայի եւ համայն Ռուսիո պատրիարք Կիրլի բացառումը պատժամիջոցների վեցերորդ փաթեթից:
Հոդվածում բերված են այն հարցման արդյունքները, որը 2022 թվականի ապրիլին կատարել Է YouGov սոցիոլոգիական ինստիտուտը, որի համաձայն՝ հարցման մասնակիցների ավելի քան 30 տոկոսը Եվրոպայի յոթ երկրներում, ներառյալ Իտալիան եւ Իսպանիան, հանդես Է եկել Ռուսաստանի հետ առեւտրի եւ դիվանգիտության զարգացման, այլ ոչ թե պաշտպանության եւ անվտանգության ուժեղացման օգտին: Գործակալությունում կարծում են, որ Արեւմուտքի երկրները «հոգնել են պատժամիջոցներից», իսկ նոր պատժամիջոցների սահմանումը դառնում Է ավելի ու ավելի դժվարին, այդ թվում Եվրամիության ներսում տարաձայնությունների պատճառով:
