Մեկնաբանություն- Ղարաբաղի հայերի լայնածավալ ցույցն ընդդեմ Ալիևի կառավարության
Ղարաբաղի հայերն ընդարձակ բողոքի ցույց են անցկացրել Ադրբեջանի կողմից Լաչինի միջանցքի շրջափակման դեմ :
Կիրակի` դեկտեմբերի 25-ին, Ստեփանակերտի Վերածննդի հրապարակում համաժողովրդական հանրահավաք է ընթացել:
Արցախցիները պահանջում էին, որ ադրբեջանցի այսպես կոչված բնապահպանները բացեն արդեն երկու շաբաթ լիակատար շրջափակման մեջ գտնվող Արցախի «կյանքի ճանապարհը»:
Լաչինի միջանցքի փակվելու դեմ բողոքել են ՀՀ պաշտոնատարները, այդ թվում ՀՀ վարչապետ Նիկոլ Փաշինյանը: Ըստ Երևանի իշխանությունների՝ Լաչինի անցակետի փակվելով, Ղարաբաղի հայերը շրջապատված են եղել, և հնարավոր չէ ապրանքներ և դեղորայք տեղափոխել այդ տարածք։
Չնայած դրան, Բաքվի իշխանությունները հերքում են Լաչինի միջանցքի փակումը և պնդում, որ հայ խաղաղ բնակիչները կարող են երթևեկել այդ ճանապարհով։ Ղարաբաղում ոսկու և պղնձի հանքերի արդյունահանումը կանխելու նպատակով Ադրբեջանի Հանրապետության որոշ քաղաքացիների կողմից Լաչինի միջանցքի փակումը սկսվել է ավելի քան երկու շաբաթ առաջ և դեռ շարունակվում է։
Այս դեպքերը Հարավային Կովկասում երկու հարևան երկրների հարաբերություններում լարվածություն առաջացնող հարցերից են, որոնք էլ ավելի են խորացրել պատերազմող կողմերի միջև ղարաբաղյան տարածաշրջանի սեփականության վերաբերյալ վեճերը։ Հարկ է նշել, որ բացի Հայաստանի իշխանությունների բացասական արձագանքից, բոլոր արևմտյան կառավարությունները և միջազգային կազմակերպությունները դատապարտել են Իլհամ Ալիևի կառավարության վերջին գործողությունը Լաչինի միջանցքի արգելափակման հարցում։
Վերջերս Փաշինյանն ասել է.«Լեռնային Ղարաբաղում ստեղծված հումանիտար ճգնաժամը բախվել է շատ լայն միջազգային արձագանքի։ Այս հարցը քննարկվել է ՄԱԿ-ի Անվտանգության խորհրդում, և երկրներն ու միջազգային կազմակերպությունները շարունակում են իրավիճակը պարզաբանելու փորձերը»:
Իլհամ Ալիևի կառավարության վերջին պահվածքը համաշխարհային հանրությանը ապացուցեց, որ Ղարաբաղի հայերի և Բաքվի կառավարության միջև խաղաղ գոյակցության հնարավորություն չկա։
Ամեն դեպքում, Իլհամ Ալիևի կառավարության և նրա դաշնակիցների գործողությունները վերջին երկու տարիներին ցույց են տալիս, որ Բաքվի իշխանությունները ցանկանում են խաղաղություն հաստատել Հայաստանի հետ, որն էլ ավելի կթուլացնի այս երկիրը և կտանի դեպի կործանում և քայքայում։
Իլհամ Ալիևի կառավարության պաշտոնյաները կարծում են, որ Թուրքիայի և Իսրայելի ռասիստական ռեժիմի հետ միասնությամբ և ԱՄՆ-ի աջակցությամբ կարող են մեկը մյուսի հետևից առաջ տանել իրենց պահանջները տարածաշրջանում։ Այս թյուր պատկերացումները տարածվում են Բաքվի ԶԼՄ-ներում այն իրավիճակում, երբ օտարերկրացիները առաջին հերթին միայն սեփական շահն են փնտրում և առաջնահերթություն չեն տալիս Ադրբեջանի մուսուլման ժողովրդին և նույնիսկ Իլհամ Ալիևի կառավարությանը։ Բայց Իլհամ Ալիևի կառավարության կեղծ քարոզչությունը նման թյուր պատկերացում է քարոզում Ադրբեջանի հասարակական կարծիքում։