Մեկնաբանություն- Վաշինգտոնի հայտարարությունները TikTok-ի դեմ. Անվտանգության սպառնալիք թե տիրանալու փորձ
ԱՄՆ-ի Ազգային անվտանգության գործակալության կիբերանվտանգության ղեկավար՝ Ռոբ Ջոյսը, երկուշաբթի օրը Հյուսիսային Կալիֆորնիայում կայացած համաժողովի ժամանակ ընդգծել է գործակալության մշտական դիրքորոշումն, այն մասին, թե TikTok-ը Չինաստանի կառավարության «զենքն է» և հավելել, որ Պեկինը կարող է օգտագործել այս սոցիալական ցանցն ամերիկացիների տեսակետների վրա ազդելու համար։
Ջոյսն ասել է.«TikTok սոցիալական ցանցն ավելին է, քան անմիջական մարտավարական սպառնալիք և ռազմավարական մարտահրավեր Միացյալ Նահանգների դեմ։ Ինչո՞ւ պետք է այս տրոյական ձին բերենք ամրոց»։
Մինչ այսօր Միացյալ Նահանգները, Եվրամիությունը, Բրիտանիան և Կանադան արգելել են TikTok-ի օգտագործումը պետական կառույցներում։ Միացյալ Նահանգները, որը TikTok-ի մրցակիցների ամենախոշոր սոցիալական ցանցերի ծննդավայրն է, ըստ վերջին տվյալների, այս հարթակի օգտատերերի առաջին տեղն է զբաղեցնում՝ 140 միլիոն օգտատերերով, իսկ TikTok-ում ամենաշատ հետևորդ ունեցող հինգ մարդկանցից երեքը գտնվում են ԱՄՆ-ում։
Tik Tok-ը, որպես չինական սոցիալական ցանց, ամերիկացի օգտատերերի շրջանում իր ժողովրդականությունը մեծացնելուց հետո, ԱՄՆ-ի կառավարության և Կոնգրեսի կողմից բազմիցս ճնշումների է ենթարկվել՝ ամերիկյան պաշտոնյաների համաձայնությունը ստանալու համար. Ամերիկացիները Tik Tok-ին մեղադրել են լրտեսության, ընտրություններին միջամտելու, ամերիկացիների մտքերի վրա ազդելու և վերջապես այս երկրի ազգային անվտանգությանը սպառնալիք ներկայացնելու մեջ։ Թվում է, թե TikTok-ի նկատմամբ Միացյալ Նահանգների խստությունը և այս սոցիալական ցանցի հետ շփվելու նրա զգայունությունը ցույց է տալիս ԱՄՆ-ի կառավարության ջանքերը՝ ամբողջությամբ տիրելու իր վիրտուալ տարածքին և կանխելու չինացի մրցակիցների մուտքը, ինչպիսին է Tik Tok-ը։ Պատճառաբանությունները, ինչպիսիք են ամերիկյան ազգային անվտանգությունը վտանգի ենթարկելը, ամերիկացիների տվյալների շահագործումը, ներթափանցման գործողությունները, լրտեսությունը ամերիկյան կառավարության և բանակի դեմ, ինչպես նաև հանրային կարծիքի և ընտրությունների շահարկումը, այն խնդիրներից են, որոնք ամերիկյան իշխանությունները օգտագործում են իրենց գործողությունները շարունակելու համար մինչև դրա ամբողջական արգելքը ողջ ԱՄՆ-ում:
Tik Tok-ը տեսանյութերի վրա հիմնված չինական սոցիալական ցանց է, որը մշակվել և թողարկվել է ByteDance ընկերության կողմից: Այս ծրագիրը թողարկվել է Չինաստանում 2016 թվականին «Douyin» և 2017 թվականին «TikTok» անվանումով , և դրա օգտատերերի թիվը արագորեն աճել է աշխարհում:
Չնայած ամերիկացի բարձրաստիճան պաշտոնյաների բազմիցս ներկայացրած պնդումներին TikTok սոցիալական ցանցի սպառնալիքների և անվտանգության ռիսկերի մասին և չնայած ԱՄՆ-ում այդ հարթակի օգտագործումն արգելելու փորձին և Վաշինգտոնի դաշնակիցներին նույնպես նմանատիպ գործողություններ իրականացնելու խրախուսմանը, կարևոր խնդիրը TikTok-ին ԱՄՆ-ի դեմ լինելու իրական պատճառն է։ Եթե այս սոցիալական ցանցը ստեղծում է անվտանգության ռիսկեր, ինչո՞ւ է Վաշինգտոնը ձգտում տիրանալ Tik Tok-ին:
Թվում է, թե Վաշինգտոնի վերջնական նպատակն է ստիպել Byte Dance ընկերությանը Ամերիկային վաճառել Tik Tok-ը։ Այս առնչությամբ ԱՄՆ-ի արտասահմանյան ներդրումների կոմիտեն հայտարարել է այս ընկերությանը, որ վաճառի իր բաժնետոմսերը Tik Tok-ում։ Իհարկե, սա առաջին դեպքը չէ, երբ ԱՄՆ կառավարությունը փորձում է կատարված փաստի առաջ կանգնեցնել Byte Dance ընկերությանը: Նախկինում ևս ԱՄՆ նախկին նախագահ Դոնալդ Թրամփը փորձել է ստիպել Byte Dance ընկերությանը վաճառել Tik Tok-ը, սակայն դա նրան չհաջողվեց։ Այնուամենայնիվ, Tik Tok-ի դեմ ճնշումների աճը և սոցիալական ցանցն ընդհանրապես արգելելու սպառնալիքները, անշուշտ, մեծ ճնշում կգործադրեն ByteDance ընկերության վրա՝ Վաշինգտոնի պահանջներին ենթարկվելու համար:
