Մամուլի տեսություն - 10.6.2023
Ամերիկյան աղբյուրները հայտարարել են, որ «Ջո Բայդենի» վարչակազմի խնդրանքը՝ արաբական երկրներին Չինաստանից և Ռուսաստանից հեռու մնալու վերաբերյալ, արժանացել է այս երկրի բացասական արձագանքին։
Քեյհան օրաթերթ
Ռազմական փորձագետների զարմանքը Ֆաթթահի հիպերձայնային հրթիռից
Իրանական «Ֆաթթահ» հիպերձայնային հրթիռի ցուցադրումը տարբեր արձագանքներ է առաջացրել ամբողջ աշխարհում, և ռազմական ոլորտի փորձագետներն զարմացել են Իրանի կողմից նման հրթիռի ստեղծման տեխնոլոգիայի ձեռքբերմամբ համար։
Եվրոպական ռազմական արդյունաբերության կայքում հրապարակված հոդվածում ռազմական ոլորտի ականավոր փորձագետ և Ֆիշերի ինստիտուտի Տիեզերական հետազոտությունների կենտրոնի նախկին ղեկավար Թալ Ինբարը Ֆաթթահ հրթիռը ներկայացրել է որպես «շատ իրական սպառնալիք և տեխնոլոգիական մարտահրավեր» Իսրայելի համար և ասել է, որ այս հրթիռը կարող է ավելի մեծ հեռահարություն ունենալ հաջորդ տարբերակներում։
Այս ավագ ռազմական վերլուծաբանի կարծիքով, «Ֆաթթահի հիպերձայնային հրթիռը կարող է պոտենցիալ մարտահրավեր նետել Արևմուտքի բալիստիկ հրթիռների պաշտպանության ռազմավարությանը»:
Վաթանե Էմրուզ օրաթերթ
Արդյո՞ք Սաուդյան Արաբիան սպառնում է ամերիկյան տնտեսությանը
Ամերիկյան աղբյուրները հրապարակել են Վաշինգտոնից Ռիադի տարածության և Սաուդյան Արաբիայի կառավարության կողմից Բայդենի կառավարության խնդրանքները մերժելու մասին լուրերը։
ԱՄՆ պետքարտուղար Էնթոնի Բլինկենի Սաուդյան Արաբիա այցի մասին ամերիկյան թերթի հրապարակումը վկայում է այն մասին, որ Ջո Բայդենի կառավարության խնդրանքը՝ արաբական երկրներին Չինաստանից և Ռուսաստանից հեռացնելու վերաբերյալ, արժանացել է այս երկրի բացասական արձագանքին։
The New York Times թերթը գրել է. «Էնթոնի Բլինքենի այցը ԱՄՆ ներկայիս վարչակազմի ամենաակնառու փորձն է՝ մի կողմ թողնելու թշնամանքը, որը Ջո Բայդենը արտահայտել էր «Մոհամեդ բեն Սալման»-ին և նրա կառավարությունին անցյալ աշնանը»։
Դոնյայե Էղթեսադ
Ամերիկյան հետախուզության պաշտոնյայի մեծ բացահայտումը տիեզերագնացների մասին
ԱՄՆ հետախուզության նախկին աշխատակից Դեյվիդ Գրոշը շեշտել է, որ ԱՄՆ Կոնգրեսից անօրինական կերպով թաքցվում են ոչ մարդկային ծագման սարքերի մասին տեղեկությունները:
Վերջերս ԱՄՆ հետախուզության նախկին աշխատակիցը հայտարարել է, որ այս երկրի կառավարությունն ունի մի քանի «անխափան» տրանսպորտային միջոցներ, որոնք պատկանում են այլմոլորակային էակներին, և հենց այդ բացահայտումների հրապարակումից հետո ԱՄՆ կառավարությանը խնդրել են հեռացնել առկա ապացույցները: (UFO)
Ըստ պարոն Գրոշի, այդ սարքերի մասին տեղեկությունները ապօրինի կերպով թաքցվում են ԱՄՆ Կոնգրեսից։ Միևնույն ժամանակ, նա հիշեցրեց, որ երբ ինքը Կոնգրեսին տրամադրեց այդ սարքերի մասին գաղտնի տեղեկատվություն, բախվեց պետական պաշտոնյաների կոշտ միջոցների, և ապրիլին, ԱՄՆ հետախուզական գործակալությունում 14 տարի աշխատելուց հետո, թողեց իր պետական պաշտոնը:
news.am
Ռուսական զորքն Արցախից շուտով դուրս է գալու․ խաղաղության պայմանագիրը կնքելուց հետո զորքն անիմաստ է պահել․Բագրատյան
Վատ լուր ունեմ Արցախից՝ մի չարաբաստիկ ավտոբուս կա և դրանով թույլ են տալիս Արցախից դուրս գալ․ նկատելի է արդեն մարդկանց հոսքը։ Այս մասին «Միասին» այլընտրանքային շարժման ժամանակ ասաց նախկին վարչապետ Հրանտ Բագրատյանը։
«Շատերը կասեն՝ տագնապ է, բայց մենք սա պիտի հասկանանք։ Երեք ու կես հազար տարի այդ հողում ապրելուց հետո այս ժողովրդին ուզում են հանել այնտեղից։ Այսօր մեզ Ալիևը, նույնիսկ Էրդողանը չի խանգարում, այլ նախևառաջ ՀՀ իշխանությունը։ Երբ 2018-ի դեկտեմբերին, հունիսի ընտրություններին խոստանում էին, որ Արցախի ինքնորոշման իրավունքը կհարգի, այդ խումբը հասավ նրան, որ այսօր ԱՄՆ-ն, Ֆրանսիան աներկբայորեն հայտարարում են, որ Արցախի հարց չկա, Նիկոլ Փաշինյանը ճանաչում է Ադրբեջանի տարածքային ամբողջականությունը՝ Արցախի հետ միասին։ Եվ, հետևաբար, հայերն այնտեղ լավագույն դեպքում հյուրեր են, և սա էլ Մինսկի խմբի անդամներն են, որը ստեղծել է ԵԱՀԿ-ն»,- նշեց Բագրատյանը։
news.am
Իրանը նախագիծ է գործարկել, որը կմեծացնի ապրանքների արտահանումը Հայաստան և Ադրբեջան
Գործարկվել է Միյանե, Բոստանաբադ և Թավրիզ քաղաքները կապող երկաթուղի։ Այս մասին հայտնում է РИА Новости-ն՝ հղում անելով Fars գործակալությանը։
Հաղորդվում է, որ նախագիծը շահագործման հանձնելով՝ իրանական տարանցիկ երկաթգիծն առաջին անգամ կմիանա Եվրոպային, իսկ Ջուղայի տարածքով Նախիջևանի, Երևանի և Թբիլիսիի երկաթուղիների հետ կապը կմեծացնի միջազգային գործարքների քանակը և ապրանքների արտահանումն Ադրբեջան, Հայաստան և Թուրքիան։
tert.am
Թուրքիայում պայթյուն է որոտացել հրթիռների գործարանում. կան զոհեր
Անկարայի Էլմադաղ թաղամասում գործող հրթիռների գործարանում հունիսի 10-ի առավոտյան պայթյուն է որոտացել, ինչից հետո հրդեհ է բռնկվել։ Ինչպես փոխանցում է CNN Turk հեռուստաալիքը՝ հղում անելով Թուրքիայի ազգային պաշտպանության նախարարության հայտարարությանը, պայթյունի հետևանքով կան զոհեր։
Հաղորդվում է, որ միջադեպի հետևանքով զոհվել է հինգ մարդ։
«Անկարայի Էլմադաղ թաղամասում գտնվող հրթիռների և պայթուցիկ նյութերի արտադրությամբ զբաղվող MKE գործարանում պայթյուն է տեղի ունեցել։ Պայթյունի հետևանքով զոհվել է հինգ աշխատակից»,- հայտնել են նախարարությունից՝ մանրամասնելով, որ դեպքի առթիվ հետաքննություն է սկսվել։
Հաղորդվում է, որ դեպքի վայր են ժամանել հրշեջներ ու բուժաշխատողներ։ Պայթյունը տեղի է ունեցել գործարանի արտադրական մասում։ Հրշեջներին հաջողվել է վերահսկողության տակ առնել կրակը։
tert.am
Փարիզի քաղաքային խորհուրդը միաձայն ընդունել է արցախցիներին հրատապ օգնության տրամադրման վերաբերյալ բանաձևը
Հունիսի 5-ին Փարիզի քաղաքային խորհուրդը միաձայն ընդունել է «Արցախի ժողովրդին և Հայաստանի Հանրապետությունում ապաստանած արցախցիներին հրատապ օգնության տրամադրման» վերաբերյալ բանաձև։ Այս մասին հայտնում են Ֆրանսիայում ՀՀ դեսպանությունից։
Բանաձևում ընդգծվում է 2022թ․ դեկտեմբերի 12-ից ի վեր Ադրբեջանի կողմից Լաչինի միջանցքի ապօրինի արգելափակման հետևանքով Արցախի 120000 բնակիչների՝ մնացյալ աշխարհից կտրված լինելու հանգամանքը, հղում է արվում 2020թ․ նոյեմբերի 27-ին Արցախի Հանրապետության ճանաչման վերաբերյալ Փարիզի քաղաքային խորհրդի կողմից Ֆրանսիայի կառավարությանն ուղղված կոչ-բանաձևի ընդունմանը, Ֆրանսիայի տարբեր վարչատարածքային միավորների կողմից Արցախի բնակչությանը ցուցաբերված օգնությանը, Փարիզի քաղաքապետարանի կողմից հայ ժողովրդին ուղղված աջակցության և համերաշխության բազմաթիվ կոչերին, Երևան քաղաքի՝ Ֆրանկոֆոն քաղաքապետերի միջազգային միությանն անդամակցությանը և կարևորվում է Փարիզ քաղաքի կողմից արցախահայությանը հերթական անգամ աջակցության տրամադրումը։
Քաղաքային խորհուրդը նշված բանաձևով նաև Փարիզի քաղաքապետին լիազորություն է տալիս կոչ անելու Ֆրանսիայի այլ վարչատարածքային միավորներին և ՖՔՄՄ-ի անդամ օտարերկրյա քաղաքներին միանալ հրատապ աջակցության այդ նախաձեռնությանը, որի նպատակն է Հայաստանի Հանրապետությունում ապաստանած արցախցիներին աջակցելը և Արցախի բնակչությանը մարդասիրական ավտոշարասյան միջոցով սնունդ հասցնելը։
armenpress.am
Գլխավոր դատախազն այցելել է Սևանի կայազորի զինվորական դատախազություն և ՀՀ ՊՆ 2-րդ բանակային կորպուս
ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: Հայաստանի Հանրապետության գլխավոր դատախազ Աննա Վարդապետյանը հունիսի 9-ին ՀՀ զինվորական դատախազ, գլխավոր դատախազի տեղակալ Գրիգոր Էլիզբարյանի հետ աշխատանքային այց է կատարել Սևանի կայազորի զինվորական դատախազություն:
Ինչպես «Արմենպրես»-ը տեղեկանում է Գլխավոր դատախազության տարածած հաղորդագրությունից, աշխատանքային խորհրդակցության ընթացքում կայազորի դատախազության դատախազները զեկուցել են տևական ժամանակ քննվող և առավել բարդություն ներկայացնող քրեական վարույթները: Քննարկման արդյունքում ՀՀ գլխավոր դատախազի կողմից տրվել են հանձնարարություններ՝ արդյունավետ քննություն կատարելու ուղղությամբ:
Աննա Վարդապետյանն անդրադարձել է 8 ամսից ավելի քննվող քրեական վարույթների քննությանն ու ընդգծել վարույթների ժամկետների պահպանման անհրաժեշտությունը:
Այնուհետև ՀՀ գլխավոր դատախազը ՀՀ զինվորական դատախազի ուղեկցությամբ այցելել է ՀՀ պաշտպանության նախարարության 2-րդ բանակային կորպուս, որտեղ քննարկումներ են ունեցել բանակային կորպուսի հրամանատարի և անձնակազմի հետ:
Բանակային կորպուսի հրամանատարը ՀՀ գլխավոր դատախազին է ներկայացրել առկա խնդիրներն ու սահմանում տիրող իրավիճակը:
armenpress.am
Ադրբեջանի ԶՈՒ-ն կրակ է բացել ՀՀ ԶՈՒ զինծառայողներին տեղափոխող մեքենայի վրա. հայկական կողմը կորուստներ չունի
ԵՐԵՎԱՆ, 9 ՀՈՒՆԻՍԻ, ԱՐՄԵՆՊՐԵՍ: Ադրբեջանի ԶՈՒ ստորաբաժանումները hունիսի 9-ի ժամը 18:30-ին Կախակնի ուղղությամբ կրակ են բացել ՀՀ ԶՈՒ զինծառայողներին տեղափոխող մեքենայի վրա: Ինչպես «Արմենպրես»-ին այս մասին տեղեկացրին ՀՀ պաշտպանության նախարարությունից։
Ըստ աղբյուրի՝ հայկական կողմը կորուստներ չունի:
