Մամուլի տեսություն – 13.07.2023

Արժույթի միջազգային հիմնադրամը հայտարարել է Իրանի տնտեսության աճի և ապագայում գնաճի 20 տոկոս նվազման մասին և հայտարարել, որ դրա պատճառը տարածաշրջանային առևտրային հարաբերությունների ամրապնդումն է։

Քեյհան օրաթերթ

ԱՄՆ-ն առաջ է մղել Ուկրաինային, սակայն չի ընդունում նրա անդամակցությունը ՆԱՏՕ-ին

Անցյալում և ներկայում ամերիկացի պաշտոնյաների հակասական դիրքորոշումները Ուկրաինային ՆԱՏՕ-ին անդամակցելուն աջակցելու, ապա դեմ լինելու վերաբերյալ, վկայում է Սպիտակ տան երկքաղաքականության մասին։

Այս համատեքստում «Աֆթաբ Յազդ» թերթը, ըստ համալսարանի պրոֆեսոր Ալի Բիգդելիի, իր զեկույցում գրել է. «Ուկրաինայի՝ ՆԱՏՕ-ին միանալը մեծ խնդիր է գլոբալ հարթություններում, քանի որ Ուկրաինայի՝ ՆԱՏՕ-ին անդամակցելու հակառակորդներն ունեն իրենց պատճառները, որոնք անհնարին են դարձնում Կիևին անցնել ընդդիմադիր պատնեշը: Ամերիկան դեմ է, քանի որ գիտի, որ Ուկրաինայի  անդամակցությունը ՆԱՏՕ-ին, նշանակում է պատերազմ հայտարարել Ռուսաստանին և Պուտինին»։

Վաթանե Էմրուզ օրաթերթ

Արժույթի միջազգային հիմնադրամ. Իրանի գնաճը մինչև 2024 թվականը կնվազի 20 տոկոսով

Ակնկալվում է, որ Իրանի գնաճը, որը հայտարարվել էր 49 տոկոս 2022 թվականի համար, կհասնի 42 տոկոսի, ապա 30 տոկոսի  առաջիկա տարիներին՝ 2023 և 2024 թվականներին։

Արժույթի միջազգային հիմնադրամի զեկույցի համաձայն՝ Իրանի տնտեսությունը 2023 և 2024 թվականներին կունենա 2 տոկոս աճ՝ 2022 թվականին 2,5 տոկոս աճ ունենալուց հետո, ինչը համեմատվում է աշխարհի, Միջին երկրների միջին տնտեսական աճի հետ։ Արևելքի և տարածաշրջանի զարգացող տնտեսությունների աճն ավելի ցածր է, սակայն Հնդկաստանի և Չինաստանի բարձր տնտեսական աճի կանխատեսումը, որպես էներգիայի և նավթի 2 խոշորագույն սպառողների, կարող է դրական նախանշաններ լինել նավթի և էներգիայի արտահանման հեռանկարների, և ընդհանրապես Իրանի առևտուրն այս երկրների հետ, քանի որ վերջին շրջանում մենք ականատես ենք եղել Իրանի հարաբերությունների բարելավմանը նշված երկրների հետ՝ տարածաշրջանային առևտրային համաձայնագրերով, ինչպիսիք են Շանհայի համագործակցության կազմակերպությունը և Եվրասիական մաքսային միությունը։

Էթելաաթ օրաթերթ

Ղուրանի պղծման դեմ Մարդու իրավունքների խորհրդի բանաձեւի հաստատումը

Չնայած արեւմտյան երկրների հակազդեցությանը, ՄԱԿ-ի Մարդու իրավունքների խորհուրդը բանաձեւ է ընդունել վերջերս Շվեդիայում Սուրբ Ղուրանի հասցեին վիրավորանքից հետո։ Մարդու իրավունքների խորհուրդը երեկ հաստատել է «կրոնական ատելության» դեմ բանաձևը և այս բանաձևում, որը Պակիստանը ներկայացրել է Իսլամական համագործակցության կազմակերպության 57 անդամ երկրների անունից, խորհրդի ղեկավարին առաջարկվել է զեկույց հրապարակել կրոնի վերաբերյալ և երկրներին կոչ է անում վերանայել իրենց օրենքները և վերացնել այն բացերը, որոնք կարող են խոչընդոտել կրոնական ատելության կանխարգելմանը, հետապնդմանը և խթանմանը:

Ջավան օրաթերթ

Ռաիսին 11 տարուց հետո ճանապարհորդել է Աֆրիկա ,  Իրանի անօդաչու թռչող սարքերը Աֆրիկայում են

Իրանական գիտելիքահենք ընկերությունների կողմից արտադրված անօդաչու թռչող սարքերը ներկայացվել են Իրանի նախագահի ներկայությամբ Քենիայի մայրաքաղաք Նայրոբիի Իրանի նորարարության և տեխնոլոգիաների կենտրոնում՝ նպատակ ունենալով, իրանական գիտելիքահենք արտադրանքները,  մուտք գործել շուկա:

tert.am

Նախիջևանն Ադրբեջանին կապելու հիմքում ընկած է Հայաստանը 2 մասի բաժանելու, Իրան-Հայաստան կապը կտրելու մտադրությունը. ՌԴ-ն չպետք է անփութություն ցուցաբերի. Այաթոլլա Խամենեիի ավագ խորհրդական

Իրանի Իսլամական հեղափոխության առաջնորդ Այաթոլլա Սեյեդ Ալի Խամենեիի միջազգային հարցերով ավագ խորհրդական Ալի Աքբար Վելայաթին հայտարարել է, որ Իրանը և Ռուսաստանը պետք է զգոն լինեն ՆԱՏՕ-ի դավադրությունների և հարավկովկասյան տարածաշրջանի ապագայի վերաբերյալ:

Tasnim գործակալության կայքում հրապարակված հոդվածում իրանցի պաշտոնյան նշում է, որ Իրանը դեմ է Թուրքիայի և Ադրբեջանի միջև կապի ստեղծմանը:

«Դրան դեմ արտահայտվողներն ասում են, որ եթե Ադրբեջանի Հանրապետության և Նախիջևանի միջև կապերի հեշտացում է լինելու, ապա հարևանների կողմից հայկական տարածքի զգալի հատվածի օկուպացման կարիք չկա։ Այս բոլոր հնարավորությունները, ինչպիսիք են գազի փոխանցումը, էլեկտրաէներգիայի հոսքը, տարանցիկ երթուղին և այլն, կարելի է հեշտությամբ հասանելի դարձնել՝ չխախտելով Հայաստանի ինքնիշխանությունը, և դա ընդունված բան է երկրների պարագայում։

Շատ դիտորդներ զարմացած էին, թե ինչու են Ադրբեջանի և Թուրքիայի կառավարություններն այդքան պնդում առնչություն ունեցող կողմերի միջև լարվածության աճի հնարավորության վրա: Աստիճանաբար իրողությունները հայտնի դարձան, և փորձագետները հանգեցին այն եզրակացության, որ Նախիջևանն Ադրբեջանին միացնող այս ընդարձակ կապերի հիմքում ընկած է այն, որ նախ Հայաստանը բաժանեն երկու մասի, և երկրորդը` բաժանեն Իրանն ու Հայաստանը՝ կտրելով կապը, որը սկիզբ է առնում Աքեմենյան և Պարթևական կայսրությունների դարաշրջանից: Երրորդ՝ դա կսահմանափակի Իրանի կապը դրսի հետ, և այդ դեպքում մենք 15-ի փոխարեն հարևան կլինենք 14 երկրի հետ. կխափանվի Իրանի Իսլամական Հանրապետության ազատ կապը Հյուսիսային Կովկասի, Ռուսաստանի և եվրոպական մայրցամաքի հետ։

Տարածաշրջանային սահմանների ցանկացած փոփոխություն երկարաժամկետ լարվածություն կառաջացնի, իսկ ամենամտահոգիչը կլինի սահմանին (տարածաշրջանում) օտար երկրների առկայությունը։ Ցավոք, ուկրաինական բախումների լուրջ և բարդ խնդիրը որոշակի անփույթ վերաբերմունք է առաջացրել կովկասյան տարածաշրջանի նկատմամբ, հետին պլան է մղվել 3+3 բանաձևը, որն ի սկզբանե ընդունվել էր Ռուսաստանի, Իրանի, Թուրքիայի, Վրաստանի, Հայաստանի և Ադրբեջանի կողմից։  Եվ այժմ Հարավային Կովկասի տարածաշրջանը Եվրամիության, Ֆրանսիայի, ԱՄՆ-ի և Սիոնիստական ռեժիմի (նկատի ունի Իսրայելը-Tert.am) միջամտության և անօրինական ու կոռուպցիոն ներկայության վայր է, և եթե այս միտումը շարունակվի, ապա այս շատ զգայուն տարածաշրջանը գործնականում կվերածվի անվտանգության սպառնալիքի։

Մեր ռուս ընկերները պետք է զգույշ լինեն և գիտենան, որ ցանկացած փոքր անփութություն Կովկասում այն կդարձնի ներխուժման և մրցակցության վայր տարբեր երկրների և չարամիտ կողմերի միջև, որոնք հարվածելու են Ռուսաստանի և Իրանի Իսլամական Հանրապետության շահերին: Եթե նրանք անտեսեն, ապա ամերիկացիներն ու նրանց գործակալները, որոնք չկարողացան որևէ կարևոր բան անել Ուկրաինայում, կուժեղացնեն լարվածություն ստեղծող գործոնները շատ զգայուն հարավկովկասյան տարածաշրջանում և կխաթարեն ողջ տարածաշրջանի անվտանգությունը։ Այս տարածաշրջանում խնդիրների և բարդ հարցերի ցանկացած անտեսում և չափից ավելի պարզեցում կստիպի նրանց չսահմանափակվել (իրենց մտադրությունները) միայն Հարավային Կովկասի տարածաշրջանով, այլև տարածել իրենց ազդեցությունը Հյուսիսային Կովկասի և, ամենակարևորը, Կասպից ծովի  և դրա շուրջ գտնվող երկրների վրա, և դա պետք է լինի Իրանի և Ռուսաստանի կարմիր գիծը», - գրել է իրանցի պաշտոնյան։

tert.am

ՌԴ ԱԳՆ-ն մեկնաբանել է հուլիսի 15-ին Բրյուսելում կայանալիք Միշել-Փաշինյան-Ալիև հանդիպումը

Մոսկվան աջակցում է ցանկացած կառուցողական միջնորդության, որը Բաքվի և Երևանի միջև խաղաղության կհանգեցնի, NEWS.ru-ի հետ զրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։

Այսպես նա արձագանքել է հուլիսի 15-ին Բրյուսելում  Եվրոպական խորհրդի նախագահ Շառլ Միշելի միջնորդությամբ ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի սպասվող հանդիպումը մեկնաբանելու խնդրանքին։

Զախարովայի խոսքով՝ վաղաժամ է որևէ եզրակացություն անելը։

«Մենք աջակցում ենք ցանկացած կառուցողական միջնորդության, որը տանում է դեպի կայուն խաղաղություն: Ուստի անհրաժեշտ է հանդիպման արդյունքների հիման վրա եզրակացություններ անել»,- ասել է Զախարովան։

Ավելի վաղ Փաշինյանը հայտնել էր, որ հուլիսի 15-ին կկայանա «Բրյուսելյան ձևաչափով» եռակողմ հանդիպում։

tert.am

Լիակատար շրջափակումը խնդիրները տեղափոխել է այլ հարթություն. Քոլատակի համայնքապետ

Լիակատար շրջափակումը զգալիորեն փոխել է Արցախի Հանրապետության Մարտակերտի շրջանի Քոլատակ համայնքի առօրյան` խնդիրները տեղափոխելով միանգամայն այլ հարթություն։

«Արցախպրես»-ի թղթակցի հետ զրույցում համայնքի ղեկավար Սեյրան Ավանեսյանը նշել է, որ, նախքան պարտադրված ծանր պայմանները, գյուղում որոշակի աշխուժություն էր նկատվում. Արցախի տարբեր բնակավայրերից ուխտավորներ էին այցելում Քոլատակի վարչական տարածքում գտնվող պատմական Հակոբավանք։

«Բայց վերջին շրջանում, վառելիքի խնդրով պայմանավորված, այդ աշխուժությունն էլ է վերացել։ Ձմեռային շրջանը նախորդ տարվա բերքով ու ունեցած պաշարներով, լավ, թե վատ, հաղթահարեցինք։ Հետո եղած բացը կտրոններով տրամադրվող սննդամթերքով որոշակիորեն լրացրեցինք։ Այս օրերին նաև վառելիքի խնդիրն է ավելացել»,-հավելել է Ս. Ավանեսյանը։

Նրա խոսքով` գարնանացանի աշխատանքները պետական աջակցությամբ կարողացել են կատարել. սերմերն ու վառելիքը հասցվել են ժամանակին։ 

«Այս ծանր ժամանակաշրջանում ուրախալին այն է, որ մեր գյուղի բնակիչները սատար են կանգնում միմյանց, իրար ձեռք մեկնում, երբ դրա կարիքը զգացվում է։ Քոլատակում հաստատված տեղահանված ընտանիքներն էլ մշտապես ուշադրության կենտրոնում են»,-նշել է համայնքապետը։

news.am

Մոսկվան սպասում է Բրյուսելում Ալիև-Փաշինյան հանդիպման արդյունքներին. Զախարովա

Մոսկվան աջակցում է ցանկացած կառուցողական միջնորդության, որը կհանգեցնի Բաքվի և Երևանի միջև խաղաղության, NEWS.ru-ի հետ զրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։ Այսպես նա արձագանքել է հուլիսի 15-ին Բրյուսելում նախատեսված Եվրոպական խորհրդի նախագահ Շառլ Միշելի միջնորդությամբ ՀՀ վարչապետ Նիկոլ Փաշինյանի հետ Ադրբեջանի նախագահ Իլհամ Ալիևի հանդիպումը մեկնաբանելու խնդրանքին։ Նրա խոսքով, վաղաժամ է որևէ եզրակացություն անելը։

«Մենք աջակցում ենք ցանկացած կառուցողական միջնորդության, որը տանում է դեպի կայուն խաղաղություն: Ուստի անհրաժեշտ է հանդիպման արդյունքների հիման վրա եզրակացություններ անել»,- ասել է Զախարովան։

news.am

Բաքվում Պակիստանի դեսպանը խոսում է Ադրբեջանի հետ հարաբերությունների կարգավորումից Հայաստանի օգուտների մասին

Ադրբեջանի հետ հարաբերությունների կարգավորումը ձեռնտու է նաեւ Հայաստանին։ Այս մասին, ԱՊԱ-ի հաղորդմամբ, հայտարարել է Ադրբեջանում Պակիստանի դեսպան Բիլալ Հայեն։

Դիվանագետը հավելել է, որ Ադրբեջանի եւ Հայաստանի միջեւ շարունակվում են խաղաղ գործընթացները, շատ բարեկամ երկրներ փորձում են նպաստել այդ բանակցություններին:

«Մենք տեսնում ենք, որ Ռուսաստանն ու ԱՄՆ-ն ներգրավված են այդ գործընթացում։ Գիտենք նաեւ, որ Եվրոպական Միությունը Ադրբեջանի եւ Հայաստանի միջեւ հարաբերությունների կարգավորման նպատակով առաջարկում է իր խաղաղ հարթակը՝ ուղիղ շփումներին աջակցելու համար։ Մենք հավատում ենք, որ Ադրբեջանը կկարգավորի հարաբերությունները հարեւան Հայաստանի հետ խաղաղության պայմանագրի ստորագրումից եւ սահմանների դելիմիտացիայից հետո»,-ասել է նա՝ նշելով, որ այդ զարգացումը օգուտ կբերի ողջ տարածաշրջանին։

news.am

Հայ–թուրքական սահմանին գտնվող «Մարգարա» մաքսակետում մոդուլային տաղավարեր կկառուցվեն

Հայ–թուրքական սահմանին գտնվող Մարգարայի մաքսակետի կառուցման աշխատանքներն արդեն սկսվել են. այնտեղ մոդուլային տաղավարներ կկառուցվեն: Այս մասին կառավարությունը որոշում կայացրեց այսօրվա՝ հուլիսի 13-ի նիստում:

Մաքսակետի կառուցման կապալառու «Արտկոն» ՓԲԸ-ին մաքսակետի կառուցման 1-ին փուլի շինարարական և մոնտաժային աշխատանքների իրականացման համար արդեն վճարվել է 140.4 մլն. դրամ։

Մաքսակետի կառուցման 2-րդ փուլի նախագծանախահաշվային փաստաթղթերը ենթարկվել են պարզեցված փորձաքննության և ստացել դրական եզրակացություն։

Պայմանագրով սահմանված գումարի մնացած մասը՝ 110.2 մլն դրամը, փոխանցվելու է կապալառուին՝ առնվազն երեք մոդուլային տաղավարների երկաթբետոնե հիմքերի սալերի աշխատանքների իրականացման պայմանով:

«Մաքսակետի գործարկման համար սահմանված սեղմ ժամկետներով և դրա իրականացման գործընթացին առնչվող ոչ ստանդարտ մոտեցումներով պայմանավորված՝անհրաժեշտություն է առաջացել գլխավոր կապալառու «Արտկոն» ՓԲԸ-ին տրամադրել գումար՝ 20․06․2023թ․կնքված թիվ ՊԵԿ-ՀՄԱ-ԱՇՁԲ-23/2 պայմանագրի գնի քառասունչորս տոկոսի չափով՝ առնվազն երեք մոդուլային տաղավարների երկաթբետոնե հիմքերի սալերի աշխատանքների իրականացման պայմանով»,– ասված է որոշման նախագծում։

Հիշեցնենք` Հայաստանի և Թուրքիայի միջև դիվանագիտական հարաբերություններ չկան, իսկ սահմանը 1993 թվականից փակ է Անկարայի նախաձեռնությամբ։