Բաղայի. ԱՄՆ-ի սահմանած հակաիրանական պատժամիջոցները մարդկության դեմ հանցագործություն են

Pars Today-ի փոխանցմամբ՝ Իրանի արտաքին գործերի նախարարության խոսնակ Էսմայիլ Բաղային X ում արած գրառմամբ արձագանքել է Իրանի դեմ պատժամիջոցները խստացնելու մասին ԱՄՆ ֆինանսների նախարարության սպառնալիքին։

Նա գրել է․ «Շատ տխուր է, որ քաղաքականությունը, որի միակ փիլիսոփայությունն ու գործառույթը մարդկանց դիտավորյալ ցավ ու տառապանք պատճառելն է, հպարտորեն խրախուսվում և սպիտակեցվում է»։

Նշելով, որ այս քաղաքականությունը հաստատում է դրա հետևում կանգնած խորապես անմարդկային մտածելակերպը, Բաղային հավելել է. «Իրանի դեմ պատժամիջոցները խստացնելու մասին ԱՄՆ ֆինանսների նախարարության սպառնալիքը «տնտեսական ահաբեկչության» և «պետական շանտաժի» քաղաքականություն է, որոնք համարվում են մարդկության դեմ հանցագործություններ և ցեղասպանություն»։