Մամուլի տեսություն - 19.07.2023
Չնայած փորձագետների նախազգուշացմանը, Էրդողանի վերընտրմամբ Հարավային Կովկասի տարածաշրջանում սկսվել է լարվածության նոր փուլ՝ Թուրքիայի աջակցությամբ ու ղեկավարությամբ։
Վաթանե Էմրուզ օրաթերթ
Զագրոսի սրտում
Իրանում ճանապարհային միջանցքի շղթայի ավարտը հարստություն կստեղծի ապագա սերունդների համար
Երեկ Իրանի նախագահի ներկայությամբ շահագործման է հանձնվել «Փաթավե-Դեհդաշտ» խոշոր տարանցիկ նախագիծը՝ որպես 28 տարի անց երկրի ամենահին կիսավարտ նախագծերից մեկը։ Իրանի ճանապարհների և քաղաքաշինության նախարար Մեհրդադ Բազրփաշը Քոհգիլուե և Բոյրահմադ նահանգում Փաթավեհ-Դեհդաշտ երթուղու բացման ժամանակ ասել է. «Իրանը տարանցման և լոգիստիկ հնարավորությունների երկիր է, և միջանցքային շղթաների ավարտը հարստություն կստեղծի ապագա սերունդների համար, իհարկե, մենք պետք է ապահովենք նաև ենթակառուցվածքները»։
Ջավան օրաթերթ
Էրդողանի վտանգավոր հավակնությունները Հարավային Կովկասում
Էրդողանի վերընտրմամբ Հարավային Կովկասի տարածաշրջանում սկսվել է լարվածության նոր փուլ՝ Թուրքիայի աջակցությամբ ու ղեկավարությամբ։ Սա հենց այն հարցն էր, որի մասին զգուշացրել էին փորձագետները։ Իր նոր վարչակազմի առաջին օրերին Էրդողանը ցույց տվեց, որ ավելի ագրեսիվ մոտեցում է ցուցաբերել տարածաշրջանային խնդիրների, հատկապես Սիրիայի և Հարավային Կովկասի հարցում՝ ԱԳ Նախարարի պաշտոնում նշանակելով Թուրքիայի հետախուզական գործակալության ղեկավար Հաքան Ֆիդանին։ ՆայելովԹուրքիայի հետախուզական կազմակերպության նախկին ղեկավար Ֆիդանի անցյալը՝ պարզ երևում է հակաիրանական ծրագրերը, որոնք իրականացվել են Թուրքիայի հետախուզական կազմակերպությունում նրա նախագահության օրոք։
Քեյհան օրաթերթ
Արձանագրվել է նավթի արտահանման ամենաբարձր ռեկորդը՝ պատժամիջոցների պայմաններում
Աշխարհում էներգակիրների մատակարարման համար պատասխանատու միջազգային կառույցների հրապարակած վիճակագրությունը ընդգծում է Իրանի արտահանվող հում նավթի արդյունահանման և մատակարարման աճի մասին։ Միջազգային էներգետիկ գործակալությունը հուլիսին իր վերջին կարճաժամկետ էներգիայի հեռանկարի զեկույցում հայտարարել է. «Իրանի նավթի արդյունահանումը 2023 թվականի հունիսին հավասարվել է այս տարվա մայիսի նավթի արդյունահանմանը և այս տարվա սկզբից աճել է 350 հազար բարելով»։ Գործակալությունը հայտարարել է, որ չնայած խիստ պատժամիջոցներին՝ Իրանի հում նավթի արդյունահանումը 2022 թվականին գրանցել է 130 հազար բարել աճ և օրական միջինը եղել է 2,5 միլիոն բարել։
Իրան օրաթերթ
Իրանի ազդեցության աճը Սև մայրցամաքի նավթարդյունաբերության երամշակման արդյունաբերության մեջ
Իրանի նավթարդյունաբերության դեմ ճնշող պատժամիջոցներն ավարտվեցին 13-րդ կառավարությունում էներգետիկ դիվանագիտության քաղաքականության որդեգրմամբ։ Իրանի 13-րդ կառավարության ձեռնարկած միջոցները նավթի արտահանումն ավելացնելու ուղղությամբ՝ ավանդական շուկաների ստեղծումից մինչև նոր հաճախորդների ներգրավելը, պատճառ են դարձել, որ իրանական նավթի արտահանումը չնայած խիստ պատժամիջոցներին նոր ռեկորդ սահմանի:
Անշուշտ պետք է ասել, որ Իրանի նավթարդյունաբերությունը մի քանի տասնամյակ առաջ բախվել է տարբեր տեսակի պատժամիջոցների: Պատժամիջոցներ, որոնք անմիջական ազդեցություն են ունեցել երկրի նավթի արդյունահանման և արտահանման վրա, օրինակ, երբ ԱՄՆ-ը միակողմանիորեն դուրս եկավ ՀԳՀԾ-ից, նոր պատժամիջոցներ կիրառվեցին նաև Իրանի նավթի նկատմամբ:
tert.am
Սոցիալապես և տնտեսապես միայն Հայաստանի հետ պետք է լինի մեր կապը․ Արցախում մեկնաբանել են Ասկերան-Աղդամ ճանապարհը փակելու քայլը
Արցախցիները բետոնե արգելապատնեշներով փակել են Ասկերան-Ակնա (Աղդամ) ճանապարհը․ նպատակն է ցույց տալ, որ Արցախում կտրականապես դեմ են ադրբեջանական մթերքների ներմուծմանը՝ լինի դա «հումանիտար օգնություն, թե շատ էժան գնով ապրանք։
Ակնայի (Աղդամ) ճանապարհով Արցախին օգնություն ուղարկելու պատրաստակամության մասին վերջերս խոսում են ադրբեջանցի բարձրաստիճան պաշտոնյաներ։ Մասնավորապես դրա մասին խոսել է Ադրբեջանի արտաքին գործերի նախարար Ջեյհուն Բայրամովը՝ աշխատանքային մի շարք հանդիպումների ընթացքում։ Այդ ճանապարահն օգտագործելու հնարավորության մասին խոսել էր նաև Եվրոպական խորհրդի նախագահ Շառլ Միշելը՝ հուլիսի 15-ին Բրյուսելում Հայաստանի և Ադրբեջանի ղեկավարների հետ հանդիպումից հետո լրագրողների հետ հանդիպմանը։
«Արմենպրես»-ի թղթակցի հետ զրույցում «Արցախի Անվտանգության զարգացման ճակատ» հանրային շարժման հիմնադիր անդամ Արշակ Աբրահամյանն անդրադարձել է շարժման երիտասարդական թևի և մի խումբ արցախցիների կողմից հուլիսի 18-ին Ասկերան-Ակնա ճանապարհն արգելափակելու բողոքի ակցիային:
«Մենք հստակ նշել ենք որ դա մեզ համար հանդիսանում է կարմիր գիծ․ Արցախը սոցիալապես և տնտեսապես իր կապը պետք է պահի միայն Հայաստանի հետ։ Մեր հիմնական պահանջների մեջ առաջնային է մնում Հակարիի կամրջի վրա ապօրինի տեղադրված ադրբեջանական անցակետի ապամոնտաժումը»,-ասաց Աբրահամյանը՝ հավելելով, որ ստեղծված հումանիտար աղետի պայմաններում որպես կարճաժամկետ և հրատապ լուծում պահանջում են հումանիտար օդային միջանցքի տրամադրում։
tert.am
Սոչիում Փաշինյանին տրված խոստումներն անշեղորեն կատարվել են. Միշուստին
Ռուսաստանի Դաշնության վարչապետ Միխայիլ Միշուստինը շնորհակալություն է հայտնել ՌԴ տրանսպորտի նախարարության, Դաշնային մաքսային ծառայության և այլ գերատեսչությունների աշխատակիցներին՝ Վրաստանի հետ սահմանին գտնվող «Վերին Լարս» անցակետի թողունակությունը մեծացնելու համար, նշում է ՏԱՍՍ-ը։
«ՀՀ վարչապետ Նիկոլ Վովաևիչ Փաշինյանն այդ մասին խնդրել էր: Սոչիում մենք նրան տվել ենք համապատասխան խոստումներ, որոնք անշեղորեն կատարվել են։ Ցանկանում եմ շնորհակալություն հայտնել մաքսավորներին, որոնք տրանսպորտի նախարարության և այլ գերատեսչությունների մասնագետների հետ ակտիվ մասնակցություն են ունեցել՝ ապահովելու, որ «Վերին Լարս»-ի թողունակությունը մեծացնելուն առնչվող բոլոր հարցերը լուծվել են»,- հավելել է ՌԴ վարչապետը։Ներկայումս Հայաստանի և Ռուսաստանի միջև բեռնափոխադրումները կատարվում են ցամաքային ճանապարհով՝ «Վերին Լարս» սահմանային անցակետով։ Հայաստանի փոխվարչապետ Մհեր Գրիգորյանն ավելի վաղ նշել էր, որ «Վերին Լարս» անցակետով երթևեկության գոտիների թիվը 11-ից հասել է 39-ի, իսկ բեռնատարների առավելագույն հոսքն օրական 300-ից դարձել է 1400 տրանսպորտային միջոց։
tert,am
Միջազգային հանրությունը կա՛մ պետք է ընդունի, որ կիսում է 120.000 հայի սովի, էթնիկ զտումների պատասխանատվությունը, կա՛մ պետք է հստակ քայլեր ձեռնարկի. Մարուքյանը՝ ԱՄՆ և ԵՄ պաշտոնյաներին
Ադրբեջանն ամեն օր ապացուցում է, որ ի վիճակի չէ ապահովելու անգամ այն առաջարկները, որոնք ձևակերպում է միջազգային հանրության աչքի առաջ. այս մասին իր թվիթերյան միկրոբլոգում գրել է հատուկ հանձնարարություններով դեսպան Էդմոն Մարուքյանը:«Օրինակ, Ադրբեջանը պնդում էր, որ ցանկանում է Լեռնային Ղարաբաղի հայերին ինտեգրել, և որ նրանք իրենց քաղաքացիներն են։ Միջազգային հանրությունը Ադրբեջանից պահանջել է վստահության ամրապնդման միջոցներ ձեռնարկել և ուղիղ բանակցություններ սկսել Լեռնային Ղարաբաղի հայերի ներկայացուցիչների հետ՝ ներդնելով միջազգային մեխանիզմ՝ Լեռնային Ղարաբաղի հայերի իրավունքների և անվտանգության երաշխիքներով։Սրան ի պատասխան՝ նախքան քրիստոնյա հայերին «ինտեգրելը», Ադրբեջանը սպանում է նրանց՝ կազմակերպելով տարբեր դիվերսիոն գործողություններ, ապա ոչնչացնում քրիստոնեական եկեղեցիներն ու քրիստոնեական ժառանգության հուշարձանները, հետևաբար՝ Ադրբեջանը քրիստոնյա հայերին ինտեգրելու ծրագիր չունի։Ավելին, շուրջ 7 ամիս Ադրբեջանը դադարեցրել է գազի ու էլեկտրաէներգիայի մատակարարումը, շրջափակման մեջ է պահում Լեռնային Ղարաբաղի հայ բնակչությանը, արդեն արձանագրվել են սովից երեխաների մահանալու դեպքեր։ Բնականաբար, այս քայլերով Ադրբեջանն իրականացնում է միջազգային քրեական հանցագործության՝ բոլորին հասկացնելով, որ վստահություն ստեղծելու միջոցներ չի ձեռնարկում։ Ընդհակառակը, դա ցույց է տալիս, որ իրականացվող քաղաքականությունը կոչված է ոչ թե հայ ժողովրդին ինտեգրելու, այլ Լեռնային Ղարաբաղը էթնիկ զտումների ենթարկելու, ի վերջո ստանալու մի հողակտոր՝ առանց մարդկանց։
armenpress.am
Սոցիալապես և տնտեսապես միայն Հայաստանի հետ պետք է լինի մեր կապը․ Արցախում մեկնաբանել են Ասկերան-Աղդամ ճանապարհը փակելու քայլը
Արցախցիները բետոնե արգելապատնեշներով փակել են Ասկերան-Ակնա (Աղդամ) ճանապարհը․ նպատակն է ցույց տալ, որ Արցախում կտրականապես դեմ են ադրբեջանական մթերքների ներմուծմանը՝ լինի դա «հումանիտար օգնություն, թե շատ էժան գնով ապրանք։
Ակնայի (Աղդամ) ճանապարհով Արցախին օգնություն ուղարկելու պատրաստակամության մասին վերջերս խոսում են ադրբեջանցի բարձրաստիճան պաշտոնյաներ։ Մասնավորապես դրա մասին խոսել է Ադրբեջանի արտաքին գործերի նախարար Ջեյհուն Բայրամովը՝ աշխատանքային մի շարք հանդիպումների ընթացքում։ Այդ ճանապարահն օգտագործելու հնարավորության մասին խոսել էր նաև Եվրոպական խորհրդի նախագահ Շառլ Միշելը՝ հուլիսի 15-ին Բրյուսելում Հայաստանի և Ադրբեջանի ղեկավարների հետ հանդիպումից հետո լրագրողների հետ հանդիպմանը։
«Արմենպրես»-ի թղթակցի հետ զրույցում «Արցախի Անվտանգության զարգացման ճակատ» հանրային շարժման հիմնադիր անդամ Արշակ Աբրահամյանն անդրադարձել է շարժման երիտասարդական թևի և մի խումբ արցախցիների կողմից հուլիսի 18-ին Ասկերան-Ակնա ճանապարհն արգելափակելու բողոքի ակցիային:
armenpress.am
ՊԲ ստորաբաժանումներն Ասկերանի շրջանում ամրաշինական աշխատանքներ չեն իրականացրել. Արցախի ՊՆ-ն հերքում է Ադրբեջանի տարածած լուրերը
Արցախի Հանրապետության պաշտպանության նախարարությունը հերքում է Ադրբեջանի ՊՆ-ի տարածած լուրերը:
«Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները հուլիսի 18- ին ժամը 21։15-ի սահմաններում փորձել են Ասկերանի շրջանում իրականացնել ամրաշինական աշխատանքներ, որոնք իբր թե խափանվել են ադրբեջանական կողմի գործողությունների արդյունքում, հերթական ապատեղեկատվությունն է»,- «Արմենպրես»-ի փոխանցմամբ՝ նշված է Արցախի ՊՆ-ի տարածած հաղորդագրության մեջ:
armenpress.am
Լաչինի միջանցքի արգելափակումը պետք է դադարեցվի․ Ալեքսանդր Շալենբերգ
Ավստրիայի արտաքին գործերի նախարար Ալեքսանդր Շալենբերգը հայտարարել է, որ իրենց մտահոգում է հումանիտար իրավիճակը Լեռնային Ղարաբաղում, որը հետևանք է Ադրբեջանի կողմից Լաչինի միջանցքի ապօրինի արգելափակման։ Վիեննայում Հայաստանի արտաքին գործերի նախարար Արարատ Միրզոյանի հետ հանդիպումից հետո Շալենբերգը հայտարարել է, որ Լաչինի միջանցքի արգելափակումը պետք է դադարեցվի։
Ավստրիայի արտաքին գործերի նախարարության տարածած հաղորդագրության մեջ նշվում է, որ Ավստրիայի և Հայաստանի արտաքին գործերի նախարարների աշխատանքային հանդիպման ընթացքում մտքեր են փոխանակվել տարածաշրջանային անվտանգության, մասնավորապես՝ Լեռնային Ղարաբաղի հակամարտության վերաբերյալ։ Հիշատակելով վերջերս ԵՄ-ի և ԱՄՆ-ի միջնորդությամբ Հայաստանի և Ադրբեջանի միջև տեղի ունեցած բանակցությունները՝ Ավստրիայի ԱԳՆ-ն շեշտել է, որ դրանք լարվածությունը թուլացնելու հույսեր են արթնացրել։ Նշվում է նաև, որ Ավստրիան հաստատակամորեն հանդես է եկել Հայաստանում ԵՄ-ի քաղաքացիական առաքելություն տեղակայելու օգտին՝ աջակցելու կայունության ու անվտանգության հաստատմանը։ Նշվել է նաև, որ չնայած Ուկրաինայի իրադարձությունների վրա արդարացի ուշադրությանը՝ չպետք է անտեսվեն մնացած թեժ կետերը։
«Ես ուրախ եմ Եվրամիության ամուր հանձնառության և Վաշինգտոնում կայացած բանակցությունների համար։ Սա ճիշտ ուղղություն է, և ես հույս ունեմ, որ մի օր կայունություն և խաղաղության համաձայնագիր կլինի։ Սակայն դեռևս կան շատ բաց հարցեր, որոնք քննարկման կարիք ունեն։ Դրանց թվում է նաև հումանիտար մտահոգությունը, որը մեզ շատ է անհանգստացնում․ խոսքը Լաչինի միջանցքի արգելափակման մասին է։ Այս արգելափակումը պետք է դադարեցվի»․- հայտարարել է Ավստրիայի արտաքին գործերի նախարարը։
Հանդիպման ընթացքում անդրադարձ է եղել նաև Հայաստանի և Թուրքիայի հարաբերությունների կարգավորման գործընթացին։ Ավստրիայի արտաքին գործերի նախարարը նշել է, որ Վիեննան հասանելի է՝ որպես Հայաստանի և Թուրքիայի միջև բանակցությունների վայր՝ հիշեցնելով, որ Վիեննան դա նախկինում ապացուցել է՝ հանդես գալով որպես երկխոսության և դիվանագիտության կենտրոն։
