Մամուլի տեսություն - 21.07.2023
Իրանի Իսլամական Հանրապետության 13-րդ կառավարությունում էլեկտրակայանների կառուցումը արագացել և ռեկորդներ է գրանցել։
Իրան օրաթերթ
Իրանի Իսլամական Հանրապետության 13-րդ կառավարությունում արագացել է էլեկտրակայանի շինարարությունը
Ժողովրդական կառավարության երդմնակալությամբ կառավարությանն է ներկայացվել 35000 ՄՎտ արդիականացման ծրագիր՝ ներառյալ 15000 ՄՎտ կառավարությանն ուղղված էլեկտրակայաններ, 10000 ՄՎտ արդյունաբերական ուղղվածությամբ էլեկտրակայաններ և 10000 ՄՎտ վերականգնվող էլեկտրակայաններ։ Այս ծրագրի շրջանակներում որոշվել է, որ կառավարության առաջին տարում օրակարգում պետք է դրվի 6000 մեգավատ հզորության զարգացումը։
Այս առումով, առկա տեղեկատվության հիման վրա, ներկայումս հանրապետության էլեկտրակայանների շինարարություններում ուղղակի և անուղղակի աշխատում է 19600 մարդուժ։
էթեմադ օրաթերթ
Նեթանյահուն կգնա Անկարա
Իսրայելի վարչապետը հուլիսի 28-ին կայցելի Անկարա։ Այս ուղևորությունն իրականացվում է Թուրքիայի նախագահ Ռեջեբ Թայիբ Էրդողանի հրավերով։ Այս հանդիպմանը բոլոր ոլորտներում կքննարկվեն Թուրքիայի և Իսրայելի երկկողմ հարաբերությունները։
Ջամե Ջամ օրաթերթ
Կանանց իրավունքները Արևմուտքում՝ պահանջից մինչև իրականություն
Հետազոտել կանանց իրավունքների պատմությունը Արևմուտքում, ովքեր պնդում են թե պաշտպանն են կանանց իրավունքների: Ստացված վիճակագրության համաձայն՝ արևմտյան կանանց հասարակության մեծ մասը արևմտյան հասարակություններում բարոյական անկարգությունների և բարոյական արժեքների անկման զոհ է դառնում, մինչդեռ արևմտյաններն աշխարհի այլ երկրներում կանանց իրավունքների պաշտպանության ամենաշատ պահանջներն ունեն։
Իրան օրաթերթ
Պուտինը մինչև 2025թ. երկարաձգել է Արևմուտքի պատժամիջոցների դեմ հակաքայլերը
Ռուսաստանի նախագահ Վլադիմիր Պուտինը երկարաձգել է իր նախորդ հրամանագրի կատարման ժամկետը՝ սահմանափակելու որոշ ապրանքների և հումքի ներմուծումն ու արտահանումը ի պատասխան Արևմտյան պատժամիջոցների մինչև 2025 թվականի վերջը։ Այս հրամանագրով սահմանափակումներ են սահմանվել որոշ ապրանքների և հումքի ներմուծման և արտահանման վրա (բացառությամբ այն ապրանքների, որոնք ֆիզիկական անձանց կողմից անձնական օգտագործման նպատակով Ռուսաստան են բերվում)՝ կառավարության կողմից հաստատված ցանկի հիման վրա։
Շարղ օրաթերթ
8000 գրողների նախազգուշական նամակը արհեստական ինտելեկտի մասին
Գրողներ, ինչպիսիք են Մարգարեթ Էթվուդը և Ֆիլիպ Փուլմանը և ևս ութ հազար հոգի, բաց նամակ են ստորագրել՝ պահանջելով թույլտվություն և փոխհատուցում, եթե հեղինակի ստեղծագործությունն օգտագործվում է արհեստական ինտելեկտի կողմից:
tert.am
Արցախի ԱԺ նախագահը մեկնաբանել է իր ուղերձում հնչեցրած «Ադրբեջանը բազմազգ երկիր է, հազարամյակներ շարունակ մենք ապրել ենք կողք-կողքի» արտահայտությունը
2023 թվականի հուլիսի 21-ին ուղերձով դիմել եմ Միավորված ազգերի կազմակերպության մշտական անդամ երկրների ղեկավարներին, որտեղ հնչեցրած «հազարամյակներ շարունակ ապրել ենք կողք-կողքի» արտահայտությունը տարատեսակ մեկնաբանությունների տեղիք է տվել:
Գրել է Ացախի ԱԺ նախագահ Արթուր Թովմասյանը և մեկնաբանել իր՝ «Ադրբեջանը բազմազգ երկիր է, հազարամյակներ շարունակ մենք ապրել ենք կողք-կողքի» միտքը:
«Հստակեցնելու համար ընդգծում եմ, որ տարածքում, որտեղ 20-րդ դարի 30-ական թթ-ին ձևավորվել է Ադրբեջանի Հանրապետությունը, 1000-ամյակներով ապրել և ապրում են տարբեր ազգություններ՝ աղվաններ, թալիշներ, լեզգիներ, քրդեր, ուդիներ, թաթեր, ցախուրներ և այլք:
Գաղտնիք չէ, որ ազգային փոքրամասնությունները միշտ էլ ճնշվել են Ադրբեջանի բռնատիրական ռեժիմի կողմից: Հենց այդ պատճառով էլ 2020 թվականի պատերազմի ժամանակ, կոչով դիմել էի բոլոր այդ ազգ-ազգություններին, որ զերծ մնան Արցախի դեմ ռազմական գործողություններին մասնակցելուց, որ կարող են սպիտակ դրոշով անցնել մեր կողմը, ու մենք կապահովենք նրանց անվտանգությունը՝ ընդհուպ տեղափոխելով երրորդ երկիր:
«Կողք-կողքի, հարևանությամբ ապրելու» մասին միտքս վերաբերում էր այդ ժողովուրդներին:
Ուղերձի շեշտադրումները պատմական ու իրադարձային հենք ունեն»:
tert.am
Պահանջել նոր եռակողմ՝ Արցախ-ՌԴ-Ադրբեջան համաձայնագրի ստորագրում. Ռուբեն Վարդանյան
Ֆեյսբուքյան էջում գրել է Արցախի նախկին պետնախարար Ռուբեն Վարդանյանը․
«Արցախի Հանրապետության Ազգային ժողովն այսօր հստակ դիրքորոշում է հայտնել ստեղծված ճգնաժամային իրավիճակի վերաբերյալ, ինչը ողջունելի է:
Ակնկալում ենք, որ հասցեական հայտարարությունները պետք է հաջորդիվ ամրագրվեն հետևյալ քայլերով.
- ՀՀ իշխանություններից պահանջել Հայաստանի ու Ադրբեջանի միջև վերջին հինգ տարիների բանակցային պատմության ողջ փաթեթը;
- Բացառել Արցախի Հանրապետության անունից որևէ փաստաթղթի ստորագրում առանց Արցախի ժողովրդի համաձայնության;
- Հստակեցնել Հայաստանի Հանրապետության հետ ներկա հարաբերությունների կարգավիճակը;
- Կոնկրետացնել Արցախի Հանրապետություն-Ադրբեջանի Հանրապետություն բանակցային ձևաչափի, երրորդ կողմի, մասնակիցների, օրակարգի և վայրի հետ կապված հարցերը;
- Պաշտոնապես հայտարարել «Հայաքվե» նախաձեռնությանը ԱՀ իշխանությունների աջակցության մասին;
- Պահանջել նոր եռակողմ՝ Արցախի Հանրապետություն- Ռուսաստանի Դաշնություն-Ադրբեջանի Հանրապետություն համաձայնագրի ստորագրում;
- Ակտիվացնել Արցախի Հանրապետության ճանաչման գործընթացն այլ երկրների կողմից;
- Բացառել անկումային տրամադրություններին նպաստող քայլերը` արթուն պահելով Ժողովրդի պայքարի ոգին»:
news.am
Մենք ՀԱՊԿ-ից ավելին էինք սպասում. Հայաստանի ԱԳ նախարար
ՀՀ արտաքին գործերի նախարար Արարատ Միրզոյանը ավստրիական առաջատար «DerStandard» օրաթերթին տված հարցազրույցում անդրադարձել է հարցին, թե որքանո՞վ են փոխվել Հայաստանի հարաբերությունները Ռուսաստանի հետ:
«Եթե հետևենք հայ հասարակությունում առկա բանավեճերին, ապա մեծ հիասթափություն կարելի է տեսնել Լեռնային Ղարաբաղում ռուս խաղաղապահների գործողությունների և Հայաստանի տարածք Ադրբեջանի ներխուժումների վերաբերյալ ռուսական արձագանքների կապակցությամբ: Մենք դիմեցինք ՀԱՊԿ-ին, և ունեցանք դիտորդական առաքելություն՝ գլխավոր քարտուղարի գլխավորությամբ։ Բայց մենք ավելին էինք սպասում։ Դա գաղտնիք չէ»,-ընդգծեց է ԱԳ նախարարը:
news.am
Պետք է անհապաղ միջոցներ ձեռնարկել Լաչինի միջանցքը ապաշրջափակելու համար. Լուկաշևիչ
Աճում է Բաքվի և Երևանի միջև խաղաղության պայմանագրի տեքստը ձեռք բերված պայմանավորվածություններին համապատասխան շուտափույթ վերջնական տեսքի բերելու կարևորությունը։ Այս մասին հուլիսի 20-ին ԵԱՀԿ Մշտական խորհրդի արտահերթ նիստում հայտարարել է Ռուսաստանի Դաշնության մշտական ներկայացուցիչ Ալեքսանդր Լուկաշևիչը՝ ի պատասխան Հայաստանի արտգործնախարար Արարատ Միրզոյանի ելույթի, հայտնում է ՌԴ ԱԳՆ կայքը։
«Ցավոք, իրավիճակը Լեռնային Ղարաբաղի շուրջ զարգանում է բացասական սցենարով։ Տվյալ տարածքում հումանիտար ճգնաժամը գնալով խորանում է։ Տեղի բնակչությունը սննդի, դեղորայքի, առաջին անհրաժեշտության ապրանքների սուր պակաս է զգում, գործնականում զրկված է էլեկտրաէներգիայից ու գազից։
Պետք է անհապաղ միջոցներ ձեռնարկել Լաչինի միջանցքը ապաշրջափակելու, դրանով երկու ուղղություններով քաղաքացիների, տրանսպորտային միջոցների և ապրանքների անխոչընդոտ տեղաշարժը վերականգնելու, ինչպես նաև տարածաշրջանը էներգիայով ապահովելու համար։
Կարծում ենք նաև, որ այս պայմաններում մեծանում է Բաքվի և Երևանի միջև խաղաղության պայմանագրի տեքստի շուտափույթ ավարտման կարևորությունը՝ ձեռք բերված պայմանավորվածություններին համապատասխան։ Մենք ելնում ենք նրանից, որ այս համաձայնագրի անբաժանելի մասը պետք է լինեն Ղարաբաղի հայերի իրավունքների և անվտանգության հուսալի և հստակ երաշխիքները, ինչպես նաև Ռուսաստանի, Ադրբեջանի և Հայաստանի միջև եռակողմ հայտարարությունների բոլոր դրույթների խստիվ կատարումը, ներառյալ հայ-ադրբեջանական սահմանի սահմանազատման գործընթացի մեկնարկը և տրանսպորտային հաղորդակցությունների ապաշրջափակումը։
armenpress.am
Ադրբեջանը լրիվությամբ անջատել է Արցախի գազամատակարարումը. ավտոգազալցակայանները կդադարեն գործել
Ադրբեջանական կողմն հուլիսի 9-ի կեսօրին լրիվությամբ անջատել է նախօրեին վերականգնված գազամատակարարումը, որից հետո «Արցախգազ» ընկերությունը ներքին ցանցում կուտակված գազը մատակարարել է միայն ավտոգազալցակայաններին: Վերջին ժամերի ընթացքում կուտակված գազը գրեթե սպառվել է, և առաջիկա ժամերին կդադարեն գործել նաև ավտոգազալցակայանները: «Արմենպրես»-ի հաղորդմամբ՝ այս մասին տեղեկացնում է Արցախի տեղեկատվական շտաբը։
«Հարգելի՛ քաղաքացիներ,
Ադրբեջանական կողմն այսօր կեսօրին լրիվությամբ անջատել է երեկ վերականգնված գազամատակարարումը, որից հետո «Արցախգազ» ընկերությունը ներքին ցանցում կուտակված գազը մատակարարել է միայն ավտոգազալցակայաններին:
Վերջին ժամերի ընթացքում կուտակված գազը գրեթե սպառվել է, և առաջիկա ժամերին կդադարեն գործել նաև ավտոգազալցակայանները: Այնուամենայնիվ, բոլոր բաժանորդներին հորդորում ենք առաջիկա օրերին ցուցաբերել լրացուցիչ զգոնություն, քանի որ տեղ-տեղ կարող է ներքին ցանցի տարբեր հատվածներում մնացած գազն աստիճանաբար դուրս գալ՝ կախված ջերմաստիճանի տատանումներից:
Միաժամանակ «Արցախէներգո» ընկերությունը տեղեկացնում է, որ նախօրոք հայտարարված հուլիսի 11-ի փոխարեն վաղվանից (հուլիսի 10-ից) է գործելու այսօր չեղարկված վեցժամյա հովհարային անջատումների ժամանակացույցը՝ հաշվի առնելով գազամատակարարման ընդհատումը:
Հիշեցնենք, որ Արցախի շրջափակման 210 օրվա ընթացքում արդեն 181 օր շարունակ խափանված է Հայաստանից Արցախ էլեկտրամատակարարումը, իսկ գազամատակարարումը՝ հանրագումարային 143 օր շարունակ»,- ասվում է հաղորդագրության մեջ:
armenpress.am
Օլիվիե Դեկոտինին նշանակվել է Հայաստանում Ֆրանսիայի նոր դեսպան
Ֆրանսիայի նախագահ Էմանուել Մակրոնն ու Եվրոպայի և արտաքին գործերի նախարար Կատրին Կոլոննան հրամանագիր են ստորագրել Հայաստանում Ֆրանսիայի նոր դեսպանի նշանակման վերաբերյալ։
«Արմենպրես»-ի հաղորդմամբ՝ «Թվիթեր»-ի իր միկրոբկոգում Ֆրանսիայում Հայաստանի պատվո հյուպատոս Դենիս Ջորկաեֆը տեղեկացրել է, որ արտաքին գործերի գծով ավագ խորհրդական Օլիվիե Դեկոտինին 2023 թվականի հուլիսի 21-ից նշանակվել է Հայաստանի Հանրապետությունում Ֆրանսիայի Հանրապետության արտակարգ և լիազոր դեսպան:
Ջորկաեֆը նաև տեղադրել է հրամանի լուսանկարը։
