Մամուլի տեսության - 22.07.2023
Անգլիական «Daily Telegraph» թերթը իր զեկույցում անդրադարձել է «Ուկրաինայի՝ վերջին մի քանի շաբաթների ընթացքում հակագրոհների ձախողմանը» և գրել է, ժամանակն Ուկրաինային և նրա արևմտյան աջակիցներին ձեռնտու չէ։
Քեյհան օրաթերթ
Ժամանակը Արևմուտքի կողմը չէ, Ուկրաինային սպասվում է խայտառակ պարտություն
Անգլիական «Daily Telegraph» թերթը իր զեկույցում անդրադարձել է «Ուկրաինայի անհաջողությանը հակագրոհների ժամանակ» վերջին մի քանի շաբաթների ընթացքում: Ժամանակը ձեռնտու չէ Ուկրաինային և նրա արևմտյան աջակիցներին: ՆԱՏՕ-ի անսահմանափակ աջակցությամբ մի քանի շաբաթ առաջ սկսված հակահարձակումը՝ որը չի արդարացրել սպասելիքները, և հազարավոր զինվորներ ու Արևմուտքի կողմից Կիևին նվիրաբերած տեխնիկայի զգալի մասը ոչնչացվել է։ Սա մենք չենք ասում, դա ասում են արևմտյան լրատվամիջոցները՝ մեջբերելով իրենց պաշտոնյաներին ու փորձագետներին։ Այս ձախողումն ընդունում են նաև ուկրաինական բանակի դաշտային հրամանատարները։ Ուկրաինական բանակի ցամաքային զորքերի հրամանատարն ասում է, որ Ռուսաստանն առաջինն է մարտի դաշտում շատ առումներով։
Վաթանե Էմրուզ օրաթերթ
Էրդողանի վերջին խաղը
Թուրքիայի նախագահը Սիոնիստական ռեժիմի կաբինետի ղեկավարին հրավիրել է Անկարա՝ ավարտին հասցնելով վերջին ամսվա իր տարօրինակ դիվանագիտական շրջադարձերը։ Իհարկե, 2 տարի առաջ Ռեջեբ Թայիբ Էրդողանը դադարեցրեց Ղոդսի օկուպանտների դեմ իր հակազդեցությունը և արաբական շեյխությունների և Իսրայելի միջև հարաբերությունների կարգավորման ծրագրից դուրս մնալու մտավախությամբ, (որն արդեն իսկ ապացուցված է, որ ձախողված ծրագիր է) նա աջակցեց պաղեստինցիներին և դիմադրության խմբերին՝ Թել Ավիվի հետ լավ հարաբերությունները վերականգնելու համար։ Նեթանյահուին Էրդողանի հրավերի արդարացումը, որը փլուզվեց Պաղեստինի ինքնավարության նախագահ Մահմուդ Աբասի հետ հանդիպումից մի քանի օր անց, ըստ երևույթին Պաղեստինում խաղաղ բանակցությունների նախաձեռնությունն է:
Իրան օրաթերթ
Վաշինգտոնը պարտության տակ է
Արաբական երկրների հետ համատեղ հայտարարության մեջ Իրանի անունը ներառելու և հակաիրանական դիրքորոշումներ որդեգրելու ԱՄՆ փորձը ձախողվեց։
Ամերիկայի ձախողումը տեղի ունեցավ ընդամենը մի քանի շաբաթ անց մի իրադարձությունից, որն անսպասելի էր տարածաշրջանի շատ դիտորդների և փորձագետների համար, և դա ԱՄԷ-ի որոշումն էր դուրս գալ Պարսից ծոցում ԱՄՆ ռազմածովային դաշինքից: Այս կոալիցիան ստեղծվել է 2019 թվականին՝ Միացյալ Նահանգների գլխավորությամբ՝ առևտրային նավերի և նավթատար նավերի վրա մի շարք միջադեպերից և հարձակումներից հետո, և ԱՄՆ-ն այն վերածել էր Իրանի հետ ծովային լարվածության սրման մեքենայի։ Այս կոալիցիայից ԱՄԷ-ի հեռանալուց մեկ օր անց հայտարարվեց, որ Իրանը, Սաուդյան Արաբիան, ԱՄԷ-ն և Օմանը կձևավորեն միացյալ նավատորմ։
Էթելաաթ օրաթերթ
Բահրեյնը հանվել է Լոնդոնի «մարդու իրավունքների» սև ցուցակից՝ Բրիտանիայում ներդրումներ կատարելու խոստումից հետո
Բրիտանական խորհրդարանի անդամները հայտարարել են, որ երկրի կառավարությունը հանել է այդ երկրի անունը մարդու իրավունքների սև ցուցակից այն բանից հետո, երբ Բահրեյնը խոստացել է 1 միլիարդ ֆունտ ստերլինգ ներդնել Մեծ Բրիտանիայում։ Այդ կապակցությամբ բրիտանական խորհրդարանի անդամներն այս երկրի կառավարությունից բացատրություն են պահանջել Բահրեյնի անունը «մարդու իրավունքները ոտնահարող» երկրների ցանկից հանելու վերաբերյալ։
armenpress.am
ՀՀ ԱԳ նախարարը Իրանի դեսպանի հետ հանդիպմանն ընդգծել է Լաչինի միջանցքի արգելափակումն անհապաղ վերացնելու անհրաժեշտությունը
ՀՀ ԱԳ նախարար Արարատ Միրզոյանը հուլիսի 22-ին ընդունել է Հայաստանի Հանրապետությունում Իրանի Իսլամական Հանրապետության նորանշանակ դեսպան Մեհդի Սոբհանիին՝ հավատարմագրերի պատճենը հանձնելու կապակցությամբ։
Ինչպես «Արմենպրես»-ը տեղեկանում է ՀՀ ԱԳՆ-ի տարածած հաղորդագրությունից, Արարատ Միրզոյանը շնորհավորել է Մեհդի Սոբհանիին՝ պատասխանատու առաքելությունը ստանձնելու կապակցությամբ՝ հույս հայտնելով, որ նորանշանակ դեսպանն իր գործունեությամբ կարևոր ներդրում կունենա երկու բարեկամ և հարևան երկրների միջև հարաբերությունների առավել զարգացման հարցում:
Նորանշանակ դեսպանը շնորհակալություն է հայտնել ջերմ ընդունելության համար և պատրաստակամություն հայտնել գործադրել առավելագույն ջանքերը երկու երկրների՝ պատմական և քաղաքակրթական հիմքերի վրա անխափան կերպով ընթացող հարաբերությունների առավել խթանման, փոխադարձ հետաքրքրություն ներկայացնող ծրագրերի իրականացման ուղղությամբ:
Հանդիպման ընթացքում քննարկվել են հայ-իրանական օրակարգին առնչվող մի շարք հարցեր: Զրուցակիցները գոհունակությամբ արձանագրել են դինամիկ զարգացող հայ-իրանական քաղաքական երկխոսությունը՝ կարևորելով բարձրաստիճան փոխայցելությունների իրականացումը: Անդրադարձ է կատարվել երկկողմ առևտրատնտեսական, էներգետիկ և տրանսպորտային ոլորտներում համագործակցության խորացման և իրականացման փուլում գտնվող ու նախանշված ծրագրերի կյանքի կոչման աշխատանքներին:
Զրուցակիցները մտքեր են փոխանակել նաև տարածաշրջանային անվտանգության հարցերի վերաբերյալ:
armenpress.am
Իսրայելահայերի մեծամասնությունը նույնպես դեմ է Կառավարության կողմից իրականացվող դատական բարեփոխումներին. Չերնամորյանը՝ վերջին զարգացումների մասին
Իսրայելի կառավարության կողմից առաջարկվող դատական բարեփոխումների օրենսդրական փաթեթն իսկապես սպառնում է ժողովրդավարությանը։ Բենյամին Նեթանյահուն մի քանի անգամ ընտրվել է որպես վարչապետ, ու բոլոր դեպքերում նրա հիմնական հենարանը եղել է ուլտրա-օրթոդոքս ծայրահեղ կրոնական խավը, որի ներկայացուցիչների հետ կազմելով կոալիցիա՝ նա կարողացել է առաջ տանել աղմկահարույց նախաձեռնությունները։
«Արմենպրես»-ի հետ զրույցում այս տեսակետը հայտնեց «Իսրայելահայեր» թերթի գլխավոր խմբագիր, Պետախտիկվայի իսրայելահայերի «Նաիրի» միության նախագահ Արտյոմ Չերնամորյանն՝ անդրադառնալով դատական բարեփոխումների առթիվ Իսրայելում սկսված ներքաղաքական զարգացումներին և բողոքի համաժողովրդական ցույցերին։
Իսրայելում զանգվածային ակցիաները մեծ թափ են հավաքել վարչապետ Բենյամին Նեթանյահուի ուղերձից հետո, որի ընթացքում նա պաշտպանել էր դատական բարեփոխումներն ավարտին հասցնելու իր կոալիցիայի քայլերը և հերքել, որ այս օրենսդրական նախաձեռնությունը սպառնում է ժողովրդավարությանը։
tert.am
Երբ Բաքու-Ստեփանակերտ երկխոսությունը սկսվի, փաստաթուղթը ստորագրվելուց հետո, համարեք, որ արդեն Արցախը լուծարվել է Ադրբեջանի մեջ․ Վարդան Օսկանյան (տեսանյութ)
Թեզը, թե Բաքուն և Ստեփանակերտը երկխոսություն ունենան, և այլն, ձևականություն է։
Այս մասին տեսաուղերձում ասաց ՀՀ արտաքին գործերի նախկին նախարար Վարդան Օսկանյանը՝ անդրադառնալով Հայաստանի իշխանությունների թեզին, թե պետք է լինի Ստեփանակերտ-Բաքու երկխոսություն` Լեռնային Ղարաբաղի ժողովրդի իրավունքների և անվտանգության հարցի հասցեագրման համար։
«Այն պահին, երբ այդ երկխոսությունը սկսվի, փաստաթուղթը ստորագրվելուց հետո, համարեք, որ արդեն Արցախը լուծարվել է Ադրբեջանի մեջ։ Եվ հարցը փակված է»,- նշեց ԱԳ նախկին նախարարը։
«Այն, ինչ Փաշինյանն անում է, իրեն թվում է, թե այս իրավիճակում հարցի լուծման ամենահեշտ ճանապարհն է»,- ասաց Օսկանյանը՝ խոսելով Հայաստանի և Ադրբեջանի միջև հարաբերությունների կարգավորման բանակցություններում քայլերի մասին։
Ըստ նրա՝ այն, ինչ Փաշինյանն անում է, անիրատեսական է․ «Ինքը ուզում է մի բան, որն իրենը չէ, որ տա։ Նա ուզում է մի տարածք, որ հազարամյակներ պատկանել է Արցախի ժողովրդին Այնտեղ հայեր են ապրել։ Ինքն ուզում է տալ մի տարածք, որը երբեք, երբեք անկախ Ադրբեջանի կազմում չի եղել»։
Օսկանյանը նշեց, որ աշխարհում 50-ից ավելի ինքնորոշման շարժումներ կան, որոնք գործընթացներ են, շարունակվում են, մի մասը՝ 80-100 տարվա պատմություն ունի։
Դիվանագետը նաև նշեց, որ Խորհրդային Ադրբեջանի կազմում Արցախն ունեցել է ինքնավար մարզի կարգավիճակը, և այս փաստը պետք է բանակցային դաշտ բերվի։
tert.am
Եթե ձեր ռեսուրսը ծառայեցնելով Արցախը Հայաստանին կապող ճանապարհը բացեք, խոստանում եմ մեկնել Արցախ քարոզարշավի ընթացքում՝ թողնելով ձեզ մի քիչ ձայներ հավաքել Երևանում․ Թանդիլյանը՝ իշխանություններին
Դիմելով իշխանություններին՝ նման հայտարարություն է տարածել «Ապրելու երկիր» կուսակցության նախագահ, Երևանի քաղաքապետի թեկնածու Մանե Թանդիլյանը․
«Քանի որ իշխանությունն ունի մեկ օրակարգ՝ կառչած մնալ իշխանությունից, ինչի ապացույցն է իշխանության ամենաբարձր մակարդակով ամեն օր Երևանի ավագանու ընտրություններով զբաղվելը, իսկ մեր թիմի նպատակը ուժեղ Հայաստան և ազատ Արցախ ունենալն է, իշխանություններին ունեմ հետևյալ առաջարկը՝ ձեր ամբողջ ռեսուրսը ծառայեցրեք Արցախը Հայաստանին կապող ճանապարհի բացմանը, և եթե ճանապարհի անխափան աշխատանքը վերականգնվի, ես խոստանում եմ մեկնել Արցախ քարոզարշավի ընթացքում՝ թողնելով ձեզ մի քիչ ձայներ հավաքել Երևանում»,-գրել է Թանդիլյանը։
tert.am
Ադրբեջանն արգելում է ԿԽՄԿ-ին՝ դեղորայք մատակարարել Արցախին
Այսօր՝ հուլիսի 22-ին ԱՀ Առողջապահության նախարարության «Հանրապետական բժշկական կենտրոն» ՓԲԸ-ից 13 բուժառու ուղեկցողների հետ միասին, «Կարմիր խաչի» միջազգային կոմիտեի միջնորդությամբ և ուղեկցությամբ տեղափոխվել են ՀՀ մասնագիտացված բժշկական կենտրոններ։
Հայտնում են Արցախի Հանրապետության առողջապահության նախարարությունից։
Նախատեսվում է օրվա ընթացքում ԿԽՄԿ մեքենաներով Արցախ վերադարձնել 13 բուժառուների՝ ուղեկցողների հետ միասին, ովքեր ժամանակին պետական պատվերի շրջանակներում ուղեգրվել են ՀՀ բուժում ստանալու համար։
Ավելի քան 200 բուժառուներ սպասում են իրենց տեղափոխությանը Հայաստանի Հանրապետության մասնագիտական բժշկական կենտրոններ՝ անհապաղ բուժօգնություն ստանալու համար:
Չնայած իրականացված ջանքերին՝ Կարմիր խաչը տևական ժամանակ չի կարողանում ապահովել խիստ անհրաժեշտ դեղորայքի մատակարարում Հայաստանից, քանի որ ադրբեջանական կողմը շարունակաբար արգելում է նույնիսկ դեղորայքի մատակարարումը:
«Արևիկ» բուժմիավորումում այս պահին ստացիոնար բուժում է ստանում 24 երեխա, 7-ը գտնվում է նորածնային և վերակենդանացման բաժանմունքում:
«Հանրապետական բժշկական կենտրոն» ՓԲԸ-ում ստացիոնար բուժում է ստանում 73 հիվանդ, 6 բուժառու գտնվում է վերակենդանացման բաժանմունքում, որոնցից 2-ը ծայրահեղ ծանր վիճակում։
