Մամուլի տեսություն 26.08.2023

Վերլուծաբանները գտնում են, որ BRICS խմբին Իրանի միանալը արվում է ապադոլարիզացման և ԱՄՆ-ի պատժամիջոցներին դիմակայելու նպատակով:

Քեյհան

Իրանի անդամակցությունը BRICS-ին հարձակում է ԱՄՆ պատժամիջոցների նկատմամբ

Իրանի՝ Շանհայի կազմակերպությանն անդամակցության, Եվրասիական տնտեսական միության հետ հարաբերությունների խորացման, ԷԿՕ կազմակերպության հետ համագործակցության ակտիվացման և հարևան երկրների հետ հարաբերությունների ընդլայնման ու ամրապնդման կողքին, Իրանի անդամակցությունը BRICS-ին այս երկրի գործող կառավարության ակտիվ ու վճռական դիվանագիտության հերթական ձեռքբերումն է:

BRICS-ին Իրանի և Սաուդյան Արաբիայի պես երկրների միացումը պատճառ կդառնա, որ այս խմբում կենտրոնացվի համաշխարհային էներգետիկ շուկայի զգալի մասը, ինչը լուրջ սպառնալիք կհանդիսանա դոլարի գերիշխանության համար։ Այս խմբի անդամ երկրները վճռական են տրամադրված ապադոլարիզացման և ազգային արժույթը կամ BRICS-ի միասնական արժույթն օգտագործելու գործում, ինչը բազմիցս շեշտվել է Յոհանեսբուրգի հանդիպման ժամանակ։

Ջավան

Ռուս ավագ գեներալի բացահայտումը Covid-19 նախագծում Միացյալ Նահանգների դերի մասին. Կրկին Ֆաուչիի ոտնահետքերն են երևում

Ռուս բարձրաստիճան ռազմական հրամանատարի հայտարարությունը վկայում է այն մասին, որ Միացյալ Նահանգների պաշտոնյաները զարգացրել և օգտագործել են Covid-19-ը իրենց «հարձակողական նպատակների համար» և հնարավոր է, որ նրանք նոր հիվանդության համաճարակ են ծրագրում:

Ռուսաստանի միջուկային, կենսաբանական և քիմիական պաշտպանության (NBC) ուժերի ղեկավարն այս շաբաթ հայտարարություն է տարածել, որի համաձայն, Միացյալ Նահանգներից ինչ-որ պաշտոնյաներ մշակել և օգտագործել են Covid-19-ը իրենց «հարձակողական նպատակների» համար և հնարավոր է, որ նրանք նոր հիվանդության համաճարակ են ծրագրում:

ԱՄՆ կառավարությունը պաշտոնապես պնդում է, որ ամբողջ աշխարհում կենսալաբորատորիաներում գիտնականներն ուսումնասիրում են այդ պաթոգենները, ըստ էության, պոտենցիալ վիրուսների դեմ կանխարգելիչ միջոցներ ձեռնարկելու նպատակով, սակայն Մոսկվան չի ընդունում նման պնդումները:

Վաթան Էմրուզ

BRICS-ը և Իրանի հզոր իմիջը

Իրանի՝ BRICS-ին միանալը, որը համարվում է աշխարհի ոչ արևմտյան տերությունների կարևորագույն բլոկը, իր ուրույն նշանակությունն ունի աշխարհակարգում և միջազգային քաղաքականության մեջ։

Եթե ​​միջազգային համակարգի անցումային շրջանը կարող էր ինչ-որ օբյեկտիվ դրսեւորում ունենալ, ապա դա, անկասկած, BRICS-ի վերջին որոշումն է՝ ընդլայնել անդամների ցանկը։ Միևնույն ժամանակ, այս հզոր բլոկին Իրանի միանալը ավելի մեծ նշանակություն է ստանում Իրանի միջազգային իմիջի համար։ Թեև մամուլում հրապարակվել են Իրանի համար BRICS-ի տնտեսական ու քաղաքական առավելությունների ու ձեռքբերումների վերաբերյալ բազմաթիվ վերլուծություններ, սակայն այս իրադարձությունն ավելի քիչ է հետաքննվել միջազգային հարաբերությունների և աշխարհակարգի տեսանկյունից, ինչն, ի դեպ, թվում է, թե այս առումով Իրանի շահը  շատ ավելի ուշագրավ ու ապշեցուցիչ է: Իրականում, այս կապակցությամբ մնացած բոլոր հնարավոր ձեռքբերումները ևս իրագործելի են

Համշահրի

Ամերիկայի հաջորդ ընտրությունները «զոմբիի» և «բանտարկյալի» հակամարտությունն է։ | Ռուսական իշխանությունների կողմից հրապարակված Բայդենի սարսափելի պատկերը

Ռուսաստանի Անվտանգության խորհրդի քարտուղարի տեղակալ ծաղրանքի է ենթարկել ԱՄՆ-ի 2024 թվականի նախագահական ընտրությունները՝ հրապարակելով Միացյալ Նահանգների 80-ամյա նախագահ Ջո Բայդենի խմբագրված նկարը՝ երկրի նախկին նախագահ Դոնալդ Թրամփ՝ բանտում արված լուսանկարի կողքին։

News.am

Արցախի ԱԺ նախագահը ԶԼՄ ներկայացուցիչների հետ խոսել է արտաքին ու ներքին մարտահրավերների մասին

Օգոստոսի 26 - ին Արցախի Հանրապետության Ազգային ժողովի նախագահ Դավիթ Իշխանյանը հանդիպել է հանրապետության լրատվամիջոցների ներկայացուցիչների հետ: Հայտնում են ԱՀ Ազգային ժողովի լրատվության եւ հանրության հետ կապերի բաժնից: 

«Խորհրդարանի ղեկավարը ներկայացրել է պաշտոնավարման 20-օրյա գործունեությունը, անդրադարձել է արտաքին ու ներքին մարտահրավերներին:

Երկրում ստեղծված բարդ իրավիճակի մեղմացմանն ուղղված ջանքերին զուգահեռ աշխատանքներ են տարվել խորհրդարանական դիվանագիտության ակտիվացման, Հայաստանի հետ միջխորհրդարանական կապերի վերագործարկման, բարեկամական խմբերի ու շրջանակների հետ ակտիվ շփումների վերականգնման ուղղությամբ:

Խոսելով մեր ներուժը հնարավորինս օգտագործելու անհրաժեշտության մասին՝ Ազգային ժողովի նախագահը նշել է, որ քննարկվել է արտերկրում գտնվող մեր ներկայացուցչությունների աշխատանքները ակտիվացնելու հարցը: Նա շեշտել է համահայկական ջանքերը միավորելու հրամայականի մասին:

Դավիթ Իշխանյանը հանդիպումներ ու քննարկումներ է  ունեցել նաև պետական կառավարման համակարգի ու հասարակական կառույցների ներկայացուցիչների հետ:

Հանդիպմանն անդրադարձ է կատարվել ներքաղաքական իրավիճակին, խորհրդարանի հեղինակության բարձրացման, տեղեկատվական դաշտի խնդիրներին:

Ազատ  ու անկեղծ մթնոլորտում լրագրողներն իրենց կարծիքներն են արտահայտել և հարցեր  ուղղել խորհրդարանի ղեկավարին»,- նշված է հաղորդագրությունում:

Hraparak.am

«Հրապարակ» օրաթերթը գրում է. Լուրեր են շրջանառվում, որ Նիկոլ Փաշինյանն առաջիկայում մի քանի նախարարի է պաշտոնանկ անելու։ Առայժմ դա ծածուկ են պահում, քանի որ փոփոխությունները մտադիր են անել աշնանը՝ հոկտեմբերին, եւ որոշումն էլ վերջնական չէ։ Ըստ որոշ տեղեկությունների՝ հեռացողների թվում կարող է լինել նաեւ Տարածքների կառավարման և ենթակառուցվածքների նախարար Գնել Սանոսյանը։

Անցած շաբաթ Սյունիք կատարած այցի ժամանակ, ասում են, Փաշինյանը նրա ղեկավարած ոլորտի որոշ թերացումներն է մատնացույց արել եւ իրեն ուղեկցողներին ակնարկել այդ մասին։ Թեեւ, իմանալով Փաշինյանին, նրա շրջապատում գիտեն, որ կարող է ամեն րոպե այդ որոշումը փոխվել։

Կառավարության մեր աղբյուրները պատահական չեն համարում, որ Սանոսյանը նշանակվել է Երեւանի ավագանու ընտրությունների նախընտրական շտաբի պետի տեղակալ։ Հետագայում կարող են նրա վրա բարդել նաեւ ընտրություններում ցանկալի թվից պակաս հավաքելը եւ ազատել ընտրություններից հետո։
 

Armenpress.am

«Հայաստան» դաշինքը Երևանի ավագանու առաջիկա ընտրություններում աջակցելու է «Մայր Հայաստան» դաշինքին

ՀՀ երկրորդ նախագահ, «Հայաստան» դաշինքի ղեկավար Ռոբերտ Քոչարյանի գլխավորությամբ օգոստոսի 24-ին կայացել է ԱԺ «Հայաստան» խմբակցության նիստ։ Ինչպես տեղեկացնում է «Արմենպրես»-ը, այս մասին հաղորդագրություն է տարածել «Հայաստան» դաշինքի «Տելեգրամ»-ի ալիքը։

Նիստի քննարկման առանցքային թեման եղել է Լաչինի միջանցքի փակման հետևանքով Արցախում ստեղծված ծանր իրավիճակը, հնարավոր հանգուցալուծումները։

Անդրադարձ է կատարվել նաև առաջիկայում կայանալիք Երևանի ավագանու ընտրություններին։ Խմբակցությունը որոշել է իր աջակցությունը հայտնել «Մայր Հայաստան» դաշինքին, որի քաղաքապետի թեկնածուն «Հայաստան» խմբակցության նախկին պատգամավոր Անդրանիկ Թևանյանն է։

Քննարկվել են նաև ԱԺ առաջիկա նստաշրջանի շրջանակներում խմբակցության հետագա անելիքները

News.am

Բացարձակ սուտ է. ՀՀ ՊՆ-ն՝ Ադրբեջանի պաշտպանության նախարարության հայտարարության մասին

Ադրբեջանի պաշտպանության նախարարության տարածած հաղորդագրությունն այն մասին, թե իբր օգոստոսի 26-ին՝ ժամը 13:30-ի սահմաններում, ՀՀ ԶՈՒ ստորաբաժանումները սահմանագոտու հարավարևմտյան ուղղությամբ փորձել են դիրքային առաջխաղացում և բարելավում իրականացնել, բացարձակ սուտ է: Այս մասին հայտնում են ՀՀ Պաշտպանության նախարարությունից: