Մամուլի տեսություն – 31.08.2023
Իրանի Իսլամական հեղափոխության առաջնորդը նախագահի և կառավարովթյան անձնակազմի հանդիպման ժամանակ իր գնահատանքն է հայտնել ենթակառուցվածքների, տնտեսական աճի և արտաքին քաղաքականության ոլորտում կառավարության գործունեության վերաբերյալ, որը արժանացել է Իրանի լրատվական և թերթերի ուշադրությանը:
Քեյհան օրաթերթ
Իրանի Իսլամական հեղափոխության առաջնորդը բարձր է գնահատել ենթակառուցվածքների, տնտեսական աճի և արտաքին քաղաքականության ոլորտում կառավարության գործունեությունը
ԻԻՀ գերագույն առաջնորդը երեկ առավոտյան հանդիպել է նախագահի և կառավարության կազմի հետ: Նա բարձր է գնահատել կառավարության լավ և ուժեղ գործունեությունը որոշ ոլորտներում, այդ թվում՝ ենթակառուցվածքային աշխատանքներում, մակրոտնտեսական ցուցանիշների աճը և արտաքին քաղաքականությունը, և ընդգծել է. «Չնայած կառավարության հիմնական աշխատանքները ընթացել են հոյակապ կերպով, սակայն ցավոք, կենսապահովման խնդիրները, թույլ չեն տալիս որ կառավարության հիմնական աշխատանքները երևան: Անհրաժեշտ է հնարավորինս նվազեցնել անբարենպաստ երկնիշ գնաճը, նվազեցնել դասակարգային տարբերությունը, կայունացնել շուկան, կայունացնել և զարգացնել ազգային արժույթը և բարելավել արտադրությունը:
Վաթանե Էմրուզ օրաթերթ
Աֆրիկյան հեղաշրջում Ֆրանսիայի դեմ
Մալիի, Բուրկինա Ֆասոյի և Նիգերի հեղաշրջումներից հետո, որոնք իրականացվեցին Ֆրանսիայի հետ դաշնակից կառավարությունների դեմ, այս անգամ Գաբոնում հեղաշրջում իրականացվեց երկրի ղեկավարի դեմ, որը Փարիզի հին դաշնակիցն էր, ինչը ցույց է տալիս, որ Աֆրիկայում հեղաշրջումների ալիք է ձևավորվել Ֆրանսիայի դեմ, և այդ ռազմական հեղաշրջումները ողջունվել են ժողովրդի կողմից։ Արևմուտքի դեմ ժողովրդական հեղաշրջումների վերջին ալիքը տեղի ունեցավ արաբական երկրներում 1950-ական և 1960-ական թվականներին: Ռազմական հեղաշրջումները արաբական երկրներում՝ Եգիպտոսում, Լիբիայում, Եմենում, Իրաքում, Սիրիայում, վտանգի տակ էին դնում այն ժամանակվա Արեւմուտքի՝ հատկապես Անգլիայի շահերը։
Իրան օրաթերթ
Հարեւանության արդյունքները
Այն բանից հետո, երբ Իրան-Իրաք երկաթուղային կապի թեման վեր հանվեց 13-րդ կառավարության կենտրոնացման ստվերից, լրատվական աղբյուրները հաղորդել են Իրաքի վարչապետ Մոհամմադ Շիա ալ-Սուդանիի մոտալուտ այցը Բասրա քաղաք՝ Իրանի հետ իր երկրի երկաթուղային գծի նախագիծը իրականացնելու համար: Այս նախագիծը իրականացվում է այն քաղաքականության ներքո, որը համապատասխան է Իսլամական Հանրապետության աշխարհաքաղաքական դիրքերի հետ:
Ջավան օրաթերթ
Իրանի նավթի արտահանման ծավալները 4 անգամ աճեն արձանագրել՝ չնայած նավթի ոլորտում 223 նոր պատժամիջոցների սահմանմանը
ԱՄՆ ֆինանսների նախարարության զեկույցների վերանայումը ցույց է տալիս, որ չնայած 2022 թվականի մայիսից մինչև 2023 թվականի հունիսն ընկած ժամանակահատվածում, Իրանի վաճառքի ցանցի դեմ նավթի 223 պատժամիջոցների ավելացմանը, Իրանի նավթի արտահանումը նշված ժամանակահատվածում աճել է գրեթե 4 անգամ և այսօր այն հասել է օրական 1,6 միլիոն բարելի:
13-րդ կառավարության մեկնարկով Իրանի նավթի արտահանման ռազմավարությունը փոխվեց բանակցությունների հետաձգումից դեպի «նավթի շուկա ստեղծելու»՝ Չինաստանի հետ ռազմավարական գործընկերության քաղաքականության և արտատարածքային նավթավերամշակման գործարաններում, ներառյալ Վենեսուելայի, պահանջարկի գնման միջոցով:
armenpress.am
ԱԳՆ-ն արձագանքել է Զախարովայի հայտարարությանը Լաչինի միջանցքում ստեղծված իրավիճակի համար Հայաստանին մեղադրելու վերաբերյալ
Հայաստանի արտաքին գործերի նախարարությունն արձագանքել է Ռուսաստանի ԱԳՆ պաշտոնական ներկայացուցիչ Մարիա Զախարովայի հայտարարությանը, թե Լաչինի միջանցքում ստեղծված իրավիճակը Հայաստանի կողմից Լեռնային Ղարաբաղը Ադրբեջանի մաս ճանաչելու հետևանք է։
Ինչպես հաղորդում է «Արմենպրես»-ը, ՌԴ ԱԳՆ պաշտոնական ներկայացուցչի հայտարարությանն արձագանքել է Հայաստանի ԱԳՆ մամուլի խոսնակ Անի Բադալյանը։
ՀՀ ԱԳՆ մամուլի քարտուղարը տարակուսանք առաջացնող և հիասթափեցնող է որակել ՌԴ ԱԳՆ պաշտոնական ներկայացուցչի հայտարարությունը և ներկայացրել էական հանգամանքներ թեմայի վերաբերյալ։
«ՌԴ ԱԳՆ պաշտոնական ներկայացուցչի հերթական նույնաբովանդակ մեկնաբանությունն այն մասին, թե Լաչինի միջանցքում ստեղծված իրավիճակը հետևանք է 2022թ. հոկտեմբերին Պրահայում Ալմա-Աթայի հռչակագրի վկայակոչմամբ Հայաստանի կողմից Լեռնային Ղարաբաղն Ադրբեջանի մաս ճանաչելու, որից հետո ռուսական խաղաղապահների խնդիրը դարձել է ղարաբաղյան հայերի իրավունքների և անվտանգության հարցում հնարավոր ներգործությունը, տարակուսանք և հիասթափություն է առաջացնում։
armenpress.am
Արցախի նախագահ Արայիկ Հարությունյանը հրաժարական կտա
Արցախի Հանրապետության նախագահ Արայիկ Հարությունյանը հրաժարական կտա։ Արայիկ Հարությունյանն այդ մասին օգոստոսի 31-ին գրել է «Ֆեյսբուք»-ի իր էջում։
«Վաղը ես Արցախի Հանրապետության ժողովրդին ու Ազգային ժողովին եմ ներկայացնելու Արցախի Հանրապետության նախագահի պաշտոնից հրաժարականի դիմումս: Այս վերջնական որոշումը ես կայացրել եմ երկու օր առաջ՝ հաշվի առնելով վերջին շաբաթների իմ շփումները բոլոր ներքին ու արտաքին դերակատարների և լայն հանրության հետ: Սա իմ ունեցած տվյալների վերլուծության արդյունքների հիման վրա կշռադատված որոշում է՝ կայացված բացառապես իմ կողմից
Սիրելի՛ հայրենակիցներ, ես շարունակելու եմ ընտանիքիս՝ Արցախում գտնվող անդամների հետ ապրել Արցախում, առավելապես ընդգրկվելու եմ Արցախի անվտանգության ապահովման գործում, շարունակելու եմ կրել իմ բաժին պատասխանատվությունը Արցախի ապագայի նկատմամբ և աջակցելու եմ երկրի գործող իշխանություններին: Իմ այս քայլն ուղղված է նաև Արցախում ներքին կայունությունն ու հասարակական ամուր կարգն ապահովելուն: Ի հեճուկս բոլոր դժվարությունների, մեր ներքին կայունությունն ու հանրային համերաշխությունը բոլոր հաջողությունների նախապայմանն է, որից ցանկացած շեղում կամ շեղման փորձ պետք է բացառվի: Խաղաղություն, բարօրություն ու հավերժականություն Արցախ աշխարհին ու հայ ազգին»,- գրել է Հարությունյանը։
armenpress.am
Արայիկ Հարությունյանն Արցախում նոր պետնախարար է նշանակել
Արցախի Հանրապետության նախագահ Արայիկ Հարությունյանի հրամանագրով պետական նախարար Գուրգեն Ներսիսյանն ազատվել է զբաղեցրած պաշտոնից և պետական նախարար է նշանակվել Անվտանգության խորհրդի քարտուղար Սամվել Սերգեյի Շահրամանյանը: «Արմենպրես»-ն այս մասին տեղեկանում է Արայիկ Հարությունյանի «Ֆյսբուք»-յան գրառումից, որի մեջ նշված է, որ Սամվել Շահրամանյանին կտրվեն լայն լիազորություններ:
«Սամվել Շահրամանյանի ընտրությունը կատարելիս հաշվի եմ առել նրա սկզբունքայնությունը, ճկունությունը, տարբեր պատասխանատու դիրքերում նրա աշխատանքային փորձը և կուտակած գիտելիքները, որոնք անմիջականորեն առնչվում են թե՛ ազգային անվտանգությանը և թե՛ պետական կառավարմանը»,- գրել է Արցախի նախագահը՝ մեկտեղ երախտագիտություն հայտնելով Գուրգեն Ներսիսյանին:
«Իմ երախտագիտությունն եմ հայտնում Գուրգեն Ներսիսյանին և ուզում եմ հատուկ շեշտել, որ անգնահատելի է 2020 թ. 44-օրյա պատերազմի օրերին, դրան հաջորդող ժամանակահատվածում և շրջափակման ընթացքում նրա կատարած աշխատանքի նշանակությունը պետության համար: Նա պետական նախարարի պաշտոնը ստանձնել է Արցախի համար ծանրագույն ժամանակներում, տքնաջան ու թափանցիկ աշխատանք է կատարել այդ դժվարին պայմաններում Արցախի ժողովրդին պատուհասած ծանրությունը մեղմելու ուղղությամբ և պայքարելու, համառորեն ու խիզախորեն առաջ գնալու իր բնավորությամբ կարողացել է հաղթահարել բազմաթիվ խնդիրներ: Համոզված եմ, որ նրա գիտելիքները և սկզբունքային, արդարացի, անզիջում ու հաստատակամ տեսակը շարունակելու են ծառայել Արցախին ու մեր ժողովրդին»,- գրել է նա:
tert.am
Արցախում ռուս խաղաղապահների նոր հրամանատար է նշանակվել գեներալ-մայոր Կիրիլ Կուլակովը
Արցախում ռուսական խաղաղապահ զորախմբի նոր հրամանատար է նշանակվել գեներալ-մայոր Կիրիլ Կուլակովը։
Կուլակովը ծնվել է 1969 թվականի հուլիսի 20-ին։
2017 թվականի մարտից նա Կազանի բարձրագույն ռազմական հրամանատարական դպրոցի հրամանատարն էր։
Ռուս խաղաղապահների արդեն նախկին հրամանատար, գեներալ-գնդապետ Ալեքսանդր Լենցովը օրեր առաջ լքել էր Լեռնային Ղարաբաղը։
Ապրիլի 25-ին Լենցովը փոխարինել էր գեներալ-մայոր Անդրեյ Վոլկովին Լեռնային Ղարաբաղում ռուսական խաղաղապահ զորախմբի հրամանատարի պաշտոնում։ Վոլկովը Լեռնային Ղարաբաղում խաղաղապահների հրամանատարի պաշտոնում նշանակվել էր 2022 թվականի հունվարին։
news.am
Հայաստանի և Լեռնային Ղարաբաղի ճակատագիրը կորոշվի Երևանում. Մամիջանյան
Հայաստանի և Լեռնային Ղարաբաղի ճակատագիրը կորոշվի Երևանում: Այս մասին այսօչ՝ օգոստոսի 31-ին, Կենտրոնական ընտրական հանձնաժողովի շենքի մոտ տեղի ունեցած հանրահավաքի ժամանակ հայտարարել է Հայաստանի Հանրապետական կուսակցության անդամ, ընդդիմադիր պատգամավոր Հայկ Մամիջանյանը։
Իրենք՝ ղարաբաղցիները, ինչպես նշեց պատգամավորը, ամեն ինչ անում են հայրենիքը փրկելու համար։ «Նրանք ֆիզիկապես դիմանում են սովին, ճնշումներին, Ադրբեջանի կողմից կազմակերպված առևանգումներին»,- նշել է Մամիջանյանը։
«Հայաքվե» քաղաքացիական նախաձեռնությունը, նրա կարծիքով, միայն կխստացնի Սահմանադրության մեջ գրվածի պատիժը։ Հավաքված 50 հազար ստորագրությունները հնարավորություն կտան խորհրդարանին ներկայացնել Լեռնային Ղարաբաղի ժողովրդի ինքնորոշման իրավունքի ժխտումը քրեականացնող և Հայոց ցեղասպանության նշանակությունը նսեմացնող օրենսդրական նախաձեռնություն։
news.am
Ադրբեջանում հայտարարել են Լեռնային Ղարաբաղի «զինաթափման» անհրաժեշտության մասին
Ադրբեջանի իշխանությունները անհամբերության նշաններ են ցույց տալիս և հայտարարում են Լեռնային Ղարաբաղի «զինաթափման» անհրաժեշտության մասին։
«Ադրբեջանի Կարմիր մահիկի ընկերության կողմից մատակարարվող ցորենի ալյուրի մերժումն իր ծագման պատճառով (Ադրբեջան) ռասիզմի դրսեւորում է, որին աջակցում է անօրինական խամաճիկային ռեժիմը։ Ադրբեջանն այլեւս չի կարող հանդուրժել իր տարածքում «գորշ» չվերահսկվող գոտու առկայությունը: Անօրինական ռեժիմը պետք է ցրվի և զինաթափվի»,- X (Twitter) սոցիալական ցանցի իր էջում գրել է Ադրբեջանի նախագահի օգնական Հիքմեթ Հաջիևը (մեջբերում Trend):
