Մամուլի տեսություն 17.10.2024

ԱՄՆ նախագահը Գազայի վրա Իսրայելի ցամաքային հարձակման հետևանքների վերաբերյալ իր վերջին դիրքորոշման մեջ, որը վկայում է Վաշինգտոնի որոշումների կայացման ամենաբարձր մակարդակներում կասկածանքի առկայության մասին, ասել է, որ «Գազայի վերստին օկուպացումը մեծ սխալ կլինի»:

Քեհյան

Լիբանանի սահմանին մոտ գտնվող 28 սիոնիստական ​​ավաններ տարհանվել են՝ Հեզբոլլահի հարձակման վախի պատճառով

Լիբանանի Հեզբոլլահի և Իսրայելի ապարտեիդ ռեժիմի բանակի միջև բախումների թեժ պայմաններում Սիոնիստական ​​ռեժիմի պատերազմի նախարարությունը, վախենալով լիբանանյան դիմադրության ներխուժումից, կարգադրել է, որ հնարավորինս կարճ ժամկետում պետք է տարհանվեն Լիբանանի հարավային սահմանից 2 կիլոմետր հեռավորության վրա գտնվող 28 սիոնիստական ​​ավաններ:

ՀԱՄԱՍ-ի «Ալ-Աղսայի փոթորիկ» գործողության առաջին գիշերվանից (հոկտեմբերի 7) սահմանային առճակատման մեջ մտավ նաեւ Լիբանանի Հեզբոլլահը Իսրայելի ապարտեիդ ռեժիմի բանակի դեմ։

Իհարկե, Իսրայելը և նրա դաշնակիցները խիստ վախենում են, որ սահմանային այս սահմանափակ առճակատումները կվերածվեն հյուսիսային ճակատում համատարած պատերազմի. Որովհետև իսրայելցիները լավ գիտեն, որ 2000 թվականից ի վեր Հեզբոլլահի դեմ ոչ մի հաղթանակ չեն ունեցել։ Իհարկե, որոշ սիոնիստներ արդեն ասում են, որ պատերազմը սկսվել է։

Ջավան

 Գազայի վերստին գրավումը «մեծ սխալ» է. Բայդեն

Իր վերջին դիրքորոշման մեջ ԱՄՆ-ի նախագահը, ինչպես Բենիամին Նեթանյահուն, աջակցեց ՀԱՄԱՍ-ի ոչնչացման գաղափարին, սակայն լրացուցիչ նախադասության մեջ, որը վկայում է Վաշինգտոնի որոշումների կայացման ամենաբարձր մակարդակներում ցամաքային հարձակման հետևանքների վերաբերյալ կասկածների մասին, նա ասել է, որ «Գազայի վերստին օկուպացումը մեծ սխալ կլինի»:

Էթելաաթ

Իրանում նավթի արդյունահանումը հասնում է օրական 3,5 միլիոն բարելի

Իրանի ազգային նավթի ընկերության գործադիր տնօրենը հայտնել է, որ  մինչև ընթացիկ տարվա վերջը նավթի արդյունահանումը ավելանալու  է մինչև օրական 3,5 մլն բարելի։

Նախօրեին Մոհսեն Խոջասթե-Մեհրը լրագրողներին ասել է. «Անցած շաբաթվանից Սեփեհր և Ջաֆիր հանքավայրերից նավթի արդյունահանումը սկսվել է օրական 20 հազար բարել հզորությամբ, և Նավթի նախարարի ներկայությամբ շուտով կկայանա շահագործման պաշտոնական արարողությունը: Այս քայլով Իրանի նավթի արդյունահանումը մինչեւ տարեվերջ օրական 3,3 մլն բարելից կհասնի 3,5 մլն բարելի:

Վաթան Էմրուզ

Դիմադրության անցումը առանցքից դեպի ցանց

Դիմադրության ցանցը իր բաղադրիչների, հատկապես ցանցի կենտրոնի համար աստիճանաբար կերտում է ավելին, քան «զսպողական» ռազմավարությունը: Ստեղծված կրկնակի կարողությունը դիմադրության ուղին մղելու է դեպի՝ ոչնչացնելու թշնամու կարողությունը նախքան սպառնալիք ստեղծելը։ Դիմադրությունը և մասնավորապես Իրանի Իսլամական Հանրապետությունը կշարժվեն դեպի կանխարգելիչ պաշտպանություն՝ մեկ քայլ առաջ, քան Արևմտյան Ասիան Սիոնիստական ​​ռեժիմի գոյության բծից մաքրելը: Այժմ Արևմտյան Ասիայի տարածաշրջանում դիմադրությունը ձևավորում է իր աշխարհաքաղաքականությունը. «Դիմադրության կարգը»:

Armenpress.am

Հայաստանը պատրաստ է մինչև տարեվերջ Ադրբեջանի հետ խաղաղության պայմանագիր կնքել․ Փաշինյան

Հայաստանի վարչապետ Նիկոլ Փաշինյանը Եվրախորհրդարանում իր ելույթի ժամանակ հայտարարել է, որ Հայաստանը պատրաստ է մինչև տարեվերջ Ադրբեջանի հետ խաղաղության և հարաբերությունների կարգավորման պայմանագիր կնքել:

«Պատրաստ ենք մինչեւ տարեվերջ Ադրբեջանի հետ խաղաղության եւ հարաբերությունների կարգավորման պայմանագիր կնքել: Իհարկե, այն, որ Ադրբեջանը հրաժարվեց գալ Գրանադայի հանդիպմանը, որի մասին պայմանավորվածությունն, ի դեպ, ձեռք էր բերվել հուլիսի 15-ին Բրյուսելում եւ այդ պայմանավորվածությունը նույնպես արտահայտված է հանդիպման արդյունքներով Շառլ Միշելի տարածած հայտարարության մեջ, ահա այդ հանդիպմանը չգալը մեր գործերը չհեշտացրեց»,- ասել է Փաշինյանը:

Միևնույն ժամանակ, նա հստակեցրեց, որ մինչև տարեվերջ խաղաղության պայմանագրի կնքումը կդառնա խիստ իրատեսական, եթե պաշտոնապես վերահաստատվեն բոլոր այն սկզբունքները, որոնք ընդունվել են Բրյուսելում տեղի ունեցած հանդիպումների ընթացքում։

Armenpress.am

Ադրբեջանը երկիմաստություններ է պահում Խորհրդային Միության վերջին քարտեզները որպես դելիմիտացիայի հիմք ընդունելու հարցում․ Նիկոլ Փաշինյան

Ադրբեջանը հայտարարում է, թե Հայաստանի և Ադրբեջանի միջև սահման չկա, ինչը հակասում է Ալմաթիի հռչակագրին և վերջին շրջանում ձեռք բերված պայմանավորվածություններին: 

«Արմենպրես»-ի տեղեկացմամբ՝ այդ մասին Եվրախորհրդարանում իր ելույթի ժամանակ ընդգծել է ՀՀ վարչապետ Նիկոլ Փաշինյանը՝ հավելելով, որ Ադրբեջանը երկիմաստություններ է պահում Խորհրդային Միության վերջին քարտեզները որպես Հայաստանի և Ադրբեջանի սահմանների դելիմիտացիայի հիմք ընդունելու հարցում, ինչը նույնպես որոշ փորձագետների հիմք է տալիս ենթադրելու, թե Ադրբեջանը Հայաստանի դեմ տարածքային պահանջներ ներկայացնելու և նոր ռազմական ագրեսիա նախաձեռնելու հիմքեր է ստեղծում:

Նա հիշեցրեց, որ Հայաստանի և Ադրբեջանի ղեկավարները մի քանի անգամ վերահաստատել են աներկբա նվիրվածությունը 1991 թվականի Ալմաթիի հռչակագրին՝ որպես սահմանների դելիմիտացիայի քաղաքական շրջանակ:

Փաշինյանն ընդգծեց, որ Ալմաթիի հռչակագիրը ստորագրել են Խորհրդային Միության տասներկու հանրապետությունները` 1991 թվականի դեկտեմբերի 21-ին: Այդ հռչակագիրը քննարկվող հարցի համատեքստում արել է հետևյալ երկու կարևոր արձանագրումները.

1․ Խորհրդային միությունը դադարում է գոյություն ունենալ:

2․ Հանրապետությունները ճանաչում են միմյանց տարածքային ամբողջականությունը, ինքնիշխանությունը, գոյություն ունեցող, այսինքն՝ վարչական սահմանների անխախտելիությունը, հետևաբար Խորհրդային միության հանրապետությունների միջև գոյություն ունեցած վարչական սահմանները դառնում են պետական սահմաններ:   

Panorama.am

Բաքվի դատարանում Վագիֆ Խաչատրյանի հայտարարությունները բողոքի ալիք են բարձրացրել

Ադրբեջանցիների կողմից առևանգված Վագիֆ Խաչատրյանը Բաքվի դատարանում հայտարարել է՝ իրեն մեղավոր չի համարում, առաջադրված մեղադրանքները չի ընդունում։

Նա պնդել է՝ ադրբեջանցիների դեմ որևէ հանցագործության չի մասնակցել։

«Այնտեղ ապրող ադրբեջանցիներին ես ճանաչում եմ, մենք մտերիմ էինք։ Ես մարտերի ժամանակ որևէ գործողության չեմ մասնակցել»,-հայտարարել է նա, ինչից հետո դատարանի դահլիճում բողոքի ալիք է սկսել։

Դատարանի դահլիճում հնչեցրել են մի քանի տասնյակ հայերի անուններ, որոնք իբր Վագիֆ Խաչատրյանի հանցակիցներն են։

News.am

ԿԽՄԿ-ն մասնակցել է Ադրբեջանի եւ Հայաստանի միջեւ մոտ 700 կալանավորվածների հանձնմանը. Հուսեյնովա

Կարմիր խաչի միջազգային կոմիտեն (ԿԽՄԿ) 1990-2020թթ.  մասնակցել է Ադրբեջանի եւ Հայաստանի միջեւ մոտ 700 կալանավորվածների հանձնման գործընթացին։ Ինչպես տեղեկացրել են ադրբեջանական ԶԼՄ-ները, այս մասին հայտնել է ԿԽՄԿ Բաքվի ներկայացուցչության հանրության հետ կապերի բաժնի ղեկավար Իլահա Հուսեյնովան լրագրողների համար տրված ճեպազրույցում։

Նրա խոսքով՝ կալանավորվածի համար պատասխանատվությունը կրում է կալանավորող կողմը. «ԿԽՄԿ-ն չի կարող որեւէ պատասխանատվություն կրել այս հարցում»։ Հուսեյնովան ավելացրել է, որ ԿԽՄԿ հինգ գրասենյակներից ոչ մեկը, այդ թվում Ստեփանակերտում, չի դադարեցրել իր գործունեությունը։

Tert.am

Ուժի կիրառումն անընդունելի է, հայ-ադրբեջանական ձգձգվող հակամարտությունը կարգավորելու համար անհրաժեշտ է ուղիղ երկխոսություն. Պետդեպ

Միացյալ Նահանգները «խորապես մտահոգված է» Հայաստանի և Ադրբեջանի միջև չլուծված քաղաքական, տնտեսական, մարդասիրական և անվտանգային բնույթի հարցերով։

«Մենք շարունակում ենք կոչ անել երկու երկրների ղեկավարությանը հասնել արժանապատիվ և տևական խաղաղության, որտեղ կհարգվեն բոլորի իրավունքները», -  ասել է Պետքարտուղարության ներկայացուցիչը։

«Ինչպես ասացինք, ուժի կիրառումն անընդունելի է, և այս ձգձգվող հակամարտությունը կարգավորելու համար անհրաժեշտ է ուղիղ երկխոսություն», - Turan-ի վաշինգտոնյան թղթակցին ասել է Պետքարտուղարության ներկայացուցիչը:

«Մենք շարունակում ենք աջակցել Հայաստանի կառավարության ջանքերին՝ սերտ համակարգելով քայլերը մարդասիրական կազմակերպությունների հետ՝ օգնելու տեղահանվածներին ապաստան և հարմարավետություն գտնել Հայաստանում: Մենք կարեկցում ենք տեղահանված մարդկանց՝ իմանալով, թե ինչ ցնցում ու տրավմա են նրանք ապրում, և ինչ անորոշության են բախվում»,- շարունակել է Պետքարտուղարության ներկայացուցիչը։