Իրավական շրջանակները քննադատել են Սաուդյան Արաբիայում իրականացվող բռնությունները
Human Rights Watch և Amnesty International կազմակերպությունները քննադատել են Ռիադին՝ 2017 թվականին Սաուդյան Արաբիայում ընդդիմադիրների ու իրավական ոլորտի ակտիվիստների ձերբակալման դեպքերն ավելանալու և նրանց դեմ բռնություններ կիրառվելու պատճառով:
Վերոնշյալ երկու միջազգային կազմակերպությունները հայտարարել են ,որ Սաուդյան Արաբիայի ոստիկանությունը Մեքքայում Էսսամ Կոշակին և այդ երկրի արևելյան Ալ Դեմեմ քաղաքում Ահմեդ Ալ Մոշայխսին բերման ենթարկեց հարցաքննության ենթարկելու համար: Նրանք դեռ ազատ չեն արձակվել: Էսսամ Կոշակը իր թվիթերյան գրառումներում քննադատել է Սաուդյան Արաբիայում մարդու իրավունքների իրավիճակը,ինչի պատճառով ոստիկանությունը նրան բերման է ենթարկել, իսկ Ալ Մոշայխիսը մեղադրվում է Արաբիայի արևելյան շրջաններում ձերբակալվածներին պաշտպանելու մեջ: Հրապարակված տվյալների համաձայն, Ալե Սաուդյան բանտերում պահվում են 30 հազար քաղբանտարկյալներ և այդ բանտերը համարվում են աշխարհի վատթարագույն բանտերը:
Արևմտյան իրավական շրջանակները ,որոնք միշտ լռություն են պահպում Ալե Սաուդյան ռեժիմի քայլերի նկատմամբ, հարկադրված եղան հակազդել այդ բռնապետական ռեժիմին:
Ալե Սաուդյան ռեժիմը որ սահման չի ճանաչում իր բռնությունների մեջ, փաստորեն Արաբիան վերածել է քաղաքացիական իրավունքների խախտման օջախի:
Այն դեպքում ,երբ իրավական շրջանակները միջազգային շրջանակներից պահանջում են կտրուկ քայլեր ձեռնարկել Սաուդյան Արաբիայի իշխանավորների հակամարդկային քայլերի դեմ, որոշ ժամանակ առաջ ՄԱԿ-ի մարդու իրավունքների խորհրդին արևմտյան պետությունների կողմից հովանավորված Սաուդյան Արաբիայի անդամակցության վերականգնումը ցնցեց աշխարհը: ՄԱԿ-ի մարդու իրավունքների խորհուրդը շարունակում է խուսափել այդ խորհրդին Արաբիայի անդամակցությունը սառեցնելու համաշխարհային պահանջն իրականացնելուց:
Հանրային կարծիքը պահանջում է սառեցնել Սաուդյան Արաբիայի անդամակցությունը ՄԱԿ-ի մարդու իրավունքների խորհրդին, քանի որ վերջինս Եմենում մեծ ոճիրներ է գործել և իր ընդդիմադիրներին էլ հալածում է : ՄԱԿ-ի մարդու իրավունքների խորհրդի կանոնագրի 8-րդ հոդվածի համաձայն՝ եթե խորհրդի որևէ անդամ ոճրագործություն է թույլ տալիս, ապա նրա անդամակցությունը պետք է սառեցվի: Սակայն այդ կետը ոչ միայն չի իրականացվում Սաուդյան Արաբիայի նկատմամբ, այլև արևմտյան պետությունների հովանավորությունների շնորհիվ այս տարի ևս Ռիադը վերընտրվեց որպես Մարդու իրավունքների խորհրդի անդամ: Դա այն դեպքում երբ Սաուդյան ռեժիմը սև վկայական ունի մարդու իրավունքների ոտնահարման բնագավառում: