Գերմանիայի և Ռուսաստանի ԱԳ նախարարները հանդիպել են
Մարտի 9-ին ՌԴ նախարար Սերգեյ Լավրովի հետ հանդիպման ժամանակ, Գերմանիայի արտգործնախարար Զիգմար Գաբրիելը հայտարարել է.«Բեռլինին լրջորեն անհանգստացնում է Եվրոպայում սպառազինությունների մրցավազքի նոր փուլի մեկնարկը»:
Գերմանիայի և Ռուսաստանի արտաքին գերատեսչությունների ղեկավարների բանակցությունները մեծ նշանակություն ունեն: Հատկապես որ արևելյան Եվրոպայում Ռուսաստան-ՆԱՏՕ դիմակայությունը նոր փուլ է թևակոխել: ՆԱՏՕ-ն զորավարժություններ է անցկացնում Ռուսաստանի մերձակա տարածքներում: Մոսկվայի դիտանկյունից, այդ քայլերը վկայում են ՌԴ-ի նկատմամբ արևմտյան երկրների, ՆԱՏՕ-ի և ԱՄՆ-ի թշնամական կողմնորոշման մասին:
Ի դեպ Ուկրաինայի ճգնաժամը զգալիորեն ազդել է Ռուսաստանի և ԵՄ-ի միջև հարաբերությունների վրա: Նախքան Ուկրաինայի ճգնաժամը, Եվրամիությունը համարվում էր ՌԴ խոշոր առևտրային գործընկերը: Որպես ԵՄ-ի խոշոր տնտեսություն ունեցող երկիր և ՆԱՏՕ-ի անդամ, Գերմանիայի դիրքորոշումը մեծ ազդեցություն ունի ՌԴ-ի նկատմամբ ՆԱՏՕ-ի մյուս երկրների դիրքորոշման վրա:
Հատկանշականէ սակայն, որ ավելի վաղ, հաշվի առնելով հակառուսական պատժամիջոցների հետևանքով կրած ֆինանսական խոշոր վնասները և Ռուսաստանի ու Եվրամիության միջև լարվածությունների սրումը, գերմանացիները հանդես էին եկել հակառուսական պատժամիջոցները նվազեցնելու կոչով: Կարելի է ասել ,որ նրանք ինչ-որ տեղ ՌԴ-ին հաշտության ձեռք մեկնեցին: Այնուամենայնիվ Գերմանացի պաշտոնատարների վերջին դիրքորոշումները ցույց են տալիս, որ նրանց մեծացրել են ճնշումները ՌԴ-ի նկատմամբ, վերջինիս հարկադրելու՝ ընթացք տալ արևմտյան երկրների պահանջին, որն է՝ Ղրիմը վերադարձնել Ուկրաինային և դադարեցնել Ուկրաինայի արևելյան շրջաններում ընդդիմադիրներին ցուցաբերվող աջակցությունները:
Ի դեպ Գերմանացի պաշտոնյաները չեն ընդունում ռուսների քննադատությունը այդ երկրի արևմտյան սահմաններում ՆԱՏՕ-ի ուժերի տեղակայման վերաբերյալ:
Չընդունելով Լեհաստանում և Բալթյան երկրներում ՆԱՏՕ-ի չորս հազար զինծառայողների տեղակայման դեմ ՌԴ-ի քննադատությունը , Զիգմար Գաբրիելը պնդում է, որ այդ տարածաշրջանում ՆԱՏՕ-ի ուժերի տեղակայումը շատ աննշան է Ռուսաստանի քայլերի համեմատ:
Նշենք, որ ՆԱՏՕ-ն 2017 թվականի սկզբից Լեհաստանում և Բալթյան երկրներում մեծ թվով զինծառայողներ ու մեծ քանակությամբ զինտեխնիկա է տեղակայել: Ռուսաստանը բազմիցս զգուշացրել է իր սահմանամերձ տարածքներում ՆԱՏՕ-ի ուժերի ներկայության հետևանքների կապակցությամբ, հայտարարելով որ կհակադարձի այդ քայլերին :
Թվում է, որ Գերմանիայի ԱԳ նախարարի կոշտ հայտարարությունները ոչ միայն զգուշացնում են ՌԴ-ին ,այլև ինչ-որ տեղ դիտողություններ են ԱՄՆ նոր նախագահ Դոնալդ Թրամփի համար, ով նախքան իշխանության գալը ավետել էր ՌԴ-ի հետ հարաբերությունների բարելավման մասին և նույնիսկ Սպիտակ Տուն մուտք գործելուց հետո էլ պահպանել է իր այդ դիրքորոշումը:
Այդ կողմնորոշումը պատճառ է դարձել ,որ եվրոպացի բարձրաստիճան պաշտոնյաները չվստահեն Թրամփին: Փաստորեն եվրոպացիները ,այդ թվում գերմանացիները, ցանկանում են ՌԴ-ի նկատմամբ սեփական քաղաքականություն մշակել և ԱՄՆ-ից անկախ քայլեր ձեռնարկել Մոսկվայի դեմ:
