Իրաքի, Սիրիայի ու Իրանի համագործակցությունն՝ ԻԼԻՊ-ի դեմ կիբեր-պատերազմում
Իրաքի հաղորդակցության նախարարությունը հայտարարել է.«Իրաքը, Սիրիան և Իրանի իսլամական հանրապետությունը Սիրիայի արևելյան շրջաններում ահաբեկիչների համախմբման վայրում համագործակցում են ԻԼԻՊ ահաբեկչական խմբավորման դեմ մղվող կիբեր-պատերազմում»: Այս մասին հաղորդում է ԻՌՆԱ լրատվական գործակալությունը:
Բաղդադում տեխնիկական ու ճարտարագիտական հարցերով Իրաքի հաղորդակցության փոխնախարար Ամիր Ալ-Բայաթին այսօր ասել է.«Իրաքը մտադիր է Իրանի, Հորդանանի ու Թուրքիայի նման հարևան երկրների ինտերնետային հնարավորություններից օգտվել, որպեսզի կարողանա հասանելի լինել այն բոլոր օգտատերերին, որոնք այս տարածաշրջանում ինտերնետ են օգտագործում»:
Նշելով, որ Իրաքում ու Սիրիայում ահաբեկչական խմբավորումները հաղորդակցության նոր տեխնոլոգիաներն օգտագործում են իրենց գաղափարներն ու ոճրագործություններն արդարացնելու համար, Ալ-Բայաթին հավելել է.«Ներկայումս Իրաքն ու Սիրիան փորձում են տեղեկատվական տեխնոլոգիան օգտագործել ահաբեկչական խմբավորումների դեմ պայքարելու համար»:
