Իդլիբում սպանվել է ևս երկու թուրք զինծառայող
Սիրիայի Իդլիբ նահանգում սպանվել է ևս երկու թուրք զինծառայող:
Հինգշաբթի առավոտյան, Թուրքիայի ՊՆ-ն հայտարարել է, որ այդ երկրի բանակի երկու զինծառայողները սպանվել են Սիրյաի հյուսիսյին Իդլիբ նահանգի վրա օդային հարձակման ընթացքում: Թուրքիայի ՊՆ-ն հարձակման մասին մանրամասներ չի հաղորդել:
Միևնույն ժամանակ, չորեքշաբթի օրը, լրատվական աղբյուրները հայտնել են Սիրիայի Իդլիբ նահանգում 8 թուրք զինվորների վիրավորվելու մասին:
Թուրքիայի բանակի հրետանին հարձակման թիրախ է դարձրել Իդլիբի արվարձաններում գտնվող Սիրիայի բանակի դիրքերը:
Վերջին օրերի ընթացքում լրատվական աղբյուրները հայտնում են Սիրիայի բանակի հետ ընդհարումների ընթացքում 13 թուրք զորայինների սպանվելու մասին:
Ավելի քան 2 ամիս է, ինչ Սիրիան սկսել է Իդլիբ նահանգը ահաբեկիչների ներկայությունից մաքրագործելու գործողությունները, սակայն Թուրքիան, որ դեմ է այս քայլին, ահաբեկչության դեմ պայքարի պատրվակով, բռնագրավել է Սիրիայի տարածքի մի մասը:
