Սիրիայի նախարար. ԱՄՆ-ը գողանում է սիրիական նավթը
Սիրիայի ներքին գործերի նախարարը հայտարարել է, որ Միացյալ Նահանգները Սիրիայի նավթը Թուրքիայի տարածքով վաճառում է այլ երկրների:
Աթեֆ Նադաֆը հավելել է, որ Սիրիայի այլ շրջաններում նույնպես կա նաև նավթ, սակայն պատերազմի պատճառով, տեղի ենթակառուցվածքները քանդվել են:
Նա նշել է, որ Սիրիան պարտավոր է նավթ ներմուծել, և այն գնում է դոլարով: Սակայն քանի որ Սիրիայի բանկերը ներառեված են պատժամիջոցների ցուցակում, այդ երկրի հետ ցանկացած արտարժույթի փոխանակում նույնպես արգելված է:
Սիրիան ունի 2 միլիոն 500 հազար բարել անմշակ նավթի պաշարներ: 2019թ հոկտեմբերին, Դոնալդ Թրամփը հայտարարեց, որ եկել է ժամանակը, որպեսզի քրդերը հաստատվեն Սիրիայի նավթառատ շրջաններում: Նա նշեց, որ պատճառը քրդերի ֆինանսական կարիքներն են, հավելելով. «Հնարավոր է, որ ամերիկյան խոշոր նավթային ընկերություններից մեկը տեղակայվի այնտեղ»:
