Պաղեստինցի ցուցարարները բախվել են ինքնավար վարչակազմի անվտանգության ծառայողների հետ
Պաղեստինյան ինմքնավարության անվտանգության ծառայողները բախվել են բռնագրավված տարածքներ Էնթոնի Բլինքենի այցի դեմ բողոքող պաղեստինցի ցուցարարների հետ:
Երեքշաբթի օրը, Հորդանան գետի արևմտյան ափի Ռամալլահ քաղաքում կայացած ցույցի ընթացքում, հարյուրավոր պաղեստինցիներ բողոքել են ԱՄՆ պետքարտուղար Էնթոնի Բլինքենի՝ օկուպացված տարածքներ կատարած այցի դեմ:
Ցուցարարները փորձել են մուտք գործել ինքնավարության նախագահ Մահմուդ Աբբասի նստավայր, որտեղ վերջինս հանդիպել է ԱՄՆ պետքարտուղար Էնթոնի Բլինքենի հետ, սակայն անվտանգության ուժերն արգելել են ցուցարարներին մտնել տարածք:
Ցուցարարները կրել են Պաղեստինի դրոշները, Գազայի հատվածում Իսրայելի ռմբակոծության պատճառած ավերածությունների պատկերները և դագաղներ, որոնք խորհրդանշում էին Գազայի հատվածում իսրայելական հարձակումների բազմաթիվ զոհերին:
