Թալիբներն Աֆղանստանի ժողովրդին ու հարևաններին ուղղված հայտարարություն են հրապարակել
Թալիբան շարժման հայտարարության մեջ նշվում է, որ վերջին շրջանում Աֆղանստանում խմբավորման գրանցած խոշոր հաջողությունները վկայում են դրա ժողովրդականության մասին:
Ուրբաթ օրը, տարածած հայտարարության մեջ, անդրադառնալով Աֆղանստռանում տիրող իրավիճակին և նշելով, որ նման մեծ առաջընթացը ուժի կիրառմամբ հնարավոր չէր լինի, Թալիբանը հայտարարել է, որ երկրի տարբեր քաղաքների ու շրջանների նկատմամբ վերահսկողության սահմանումը վկայում է, որ խումբը նեծ ժողովրդականություն է վայելում:
Հայտարարության մեջ Թալիբանն Աֆղանստանի բոլոր հարևաններին հավաստիացրել է, որ այդ երկրների համար խնդիրներ չեն առաջանա, և խմբավորումը կապահովի դիվանագետների, հյուպատոսության աշխատակիցների և դեսպանատների անվտանգությունը և անվտանգ ու ապահով միջավայրը:
Թալիբներն իրենց հայրենակիցներին մեկ անգամ ևս հավաստիացրել են, որ ինչպես միշտ, պաշտպանելու են նրանց կյանքը, ունեցվածքը և հեղինակությունը և մարդկանց համար ստեղծելու են անվտանգ միջավայր, որպեսզի որևէ մեկն այդ կապակցությամբ մտահոգություն չունենա:
