«Թալիբանը» դատապարտել է Քաբուլի ահաբեկչությունը
«Թալիբանի» ներկայացուցիչը դատապարտել է Քաբուլի օդանավակայանի մոտ տեղի ունեցած ահաբեկչությունը:
Զաբիուլլահ Մոջահեդն անդրադառնալով Քաբուլի օդանավակայանի մոտ տեղի ունեցած ահաբեկչությանն ասել է. «Խմբավորումն ամերիկացիներին տեղեկացրել էր Քաբուլի օդանավակայանում ԻԼԻՊ-ի հավանական ահաբեկչությունների մասին»:
«Թալիբան» շարժման ներկայացուցիչը հայտարարել է, որ Քաբուլի օդանավակայանի անվտանգությունն ապահովում են ամերիկացի զինվորականները, հավելելով, որ թալիբները մեծ ուշադրություն են դարձնում աֆղան ժողովրդի անվտանգությանն ու պաշտպանությանը և աշխատում են ահաբեկչական հարձակումները կանխելու ուղղությամբ:
Նա հավելել է. «Թալիբանը» հավատարիմ է միջազգային հանրության առջև ստանձնած պարտավորություններին և թույլ չի տա, որ ահաբեկիչներն Աֆղանստանն օգտագործեն որպես իրենց գործունեության հենակետ»:
ԻԼԻՊ ահաբեկչական խմբավորումը ստանձնել է հինգշաբթի օրը Քաբուլի օդանավակայանում տեղի ունեցած ահաբեկչությունների պատասխանատվությունը:
Հինգշաբթի երեկոյան Քաբուլի օդանավակայանի և Բարոն հյուրանոցում տեղի ունեցած երկու հզոր պայթյունների հետևանքով, զոհվել է առնվազն 103 մարդ, 150 -ը վիրավորվել են:
Ահաբեկչական պայթյունի հետևանքով զոհվածներ և վիրավորներ թվում կան նաև կանայք և երեխաներ:
