Իսրայելցի պաշտոնյա. Մենք պետք է պատրաստ լինենք դիմակայել ռադարախույս ԱԹՍ-ներին
Սիոնիստական ռեժիմի Քնեսեթի անվտանգության և արտաքին հարաբերությունների հանձնաժողովի ղեկավարը կոչ է արել պատրաստ լինել ռադարախույս անօդաչու թռչող սարքերին դիմակայելու համար:
Այն բանից հետո, երբ Սիոնիստական ռեժիմը չկարողացավ հայտնաբերել «Հեզբոլլահի» «Հասան» անօդաչու թռչող սարքը, Սիոնիստական ռեժիմի Քնեսեթի անվտանգության և արտաքին հարաբերությունների հանձնաժողովի ղեկավար Ռամ բին Բարաքն ասել է.«Մենք պետք է պատրաստվենք այն ժամանակաշրջանին, երբ փոքր անօդաչու թռչող սարքերը կթռչեն ցածր բարձրություններում և դժվար կլինի դրանց որսալ»:
«Աշխարհը զարգանում է: Նման անօդաչու թռչող սարքերը նորություն են, և մենք պետք է սովորենք ինչպես դիմակայել դրանց»,-ասել է Բին Բարաքը:
Այս հայտարարությունները հնչում են այն դեպքում, երբ վերջին տարիների ընթացքում չնայած հրթիռային, միջուկային, ծովային և օդային ոլորտներում Իսրայելի ռազմական կարողություններին, օկուպացված տարածքների ուղղությամբ Դիմադրության ուժերի արձակած փոքր հեռահարության հրթիռները խաթարել են ռեժիմի ռազմական հեղինակությունը: