Դամասկոս. Քիմիական զենքի արգելման կազմակերպությունը կեղծ զեկույց է ներկայացրել

ՄԱԿ-ում Սիրիայի մշտական ​​ներկայացուցիչն ասել է, որ Միացյալ Նահանգները ձգտում է քաղաքական ճնշում գործադրել՝ միջամտելով Սիրիայի վերաբերյալ Քիմիական զենքի արգելման կազմակերպության զեկույցին:

Russia Today գործակալության հաղորդման համաձայն,  ՄԱԿ-ում Սիրիայի մշտական ​​ներկայացուցիչ Բասամ Սաբբաղը երկուշաբթի օրը հայտարարել է, որ Սիրիայում քիմիական զենքի արգելման կազմակերպության զեկույցներում առկա լուրջ թերություններն ու կեղծիքները խաթարել են կազմակերպության հեղինակությունը և Վաշինգտոնի նախկին տեղեկատվությունը՝ հանձնաժողովի հետաքննության արդյունքների մասին, հաստատում է Արևմտյան երկրների ներգրավվածությունը այդ կազմակերպության աշխատանքներում քաղաքական ճնշում գործադրելու հարցում:

ՄԱԿ-ում Սիրիայի ներկայացուցիչն ասել է, որ Քիմիական զենքի արգելման կազմակերպության տեխնիկական քարտուղարությունը պետք է պրոֆեսիոնալ աշխատի և զերծ մնա թերի և կեղծ տեղեկություններից, որոնք թշնամի երկրներն օգտագործում են որպես Սիրիայի դեմ կեղծ մեղադրանքներ հնչեցնելու պատրվակ։

Վերջին տարիներին Սիրիայի տարբեր շրջաններում քիմիական հարձակումների մասին պնդումները դարձել են քարոզչական գործիք և պատրվակ Սիրիայի օրինական կառավարության դեմ: