Human Rights Watch. Թուրքիան սրել է խոլերայի բռնկումը Սիրիայում
Human Rights Watch-ը հայտարարել է, որ Թուրքիան սրում է ջրի ճգնաժամը, որը հանգեցրել է խոլերայի բռնկմանը Սիրիայում և հարևան երկրներում։
Սիրիայի առողջապահության նախարարությունը հայտարարել էր 2022 թվականի սեպտեմբերին երկրում խոլերայի բռնկման մասին։
Մինչև նոյեմբեր այս հիվանդությունը տարածվել է Սիրիայի 14 նահանգներում, իսկ մինչ օրս գրանցվել է խոլերայից 24 հազար վարակման դեպք և 81 մահ։
Human Rights Watch-ի Մերձավոր Արևելքի բաժնի փոխտնօրեն Ադամ Քոգելը երկուշաբթի հայտարարեց. «Եթե Սիրիան չհաղթահարի ջրային ռեսուրսների խնդիրները, հատկապես հյուսիս-արևմուտքում, խոլերայի բռնկումը կշարունակվի և բացասաբար կանդրադառնա ժողովրդի վրա»։
Ընդգծելով, որ Թուրքիայի կառավարությունը հնարավորություն չի տվել Եփրատ գետի ջուրը սիրիական հատվածին մատակարարել՝ Human Rights Watch-ը կոչ է արել Անկարային անհապաղ դադարեցնել Սիրիայում ջրային ճգնաժամի սրումը։
Խոլերան բակտերիալ հիվանդություն է, որը փոխանցվում է աղտոտված սննդի կամ ջրի միջոցով:
