Դատապարտվում է Սիրիայի մեկ միլիոն քաղաքացու ջուրը կտրելու Թուրքիայի գործողությունը
Արաբական միջխորհրդարանական միությունը դատապարտել է Թուրքիայի գործողությունները Ալ-Հասաքա նահանգում ավելի քան մեկ միլիոն սիրիացի քաղաքացիների ջուրը կտրելու հարցում։
ԻՌՆԱ-ի հաղորդման համաձայն, Արաբական միջխորհրդարանական միությունը հայտարարություն է տարածել, որում ասված է.«Սիրիայում բնակչության ջուրը բազմիցս կտրելու Թուրքիայի գործողությունների շարունակվելը խախտում է բարիդրացիության սկզբունքները և մարդասիրական հարցերը»: Հայտարարության մեջ դատապարտվել է ցանկացած պատրվակով խաղաղ բնակչության դեմ ջուրը որպես զենք օգտագործելը։
Զգուշացնելով սիրիացի խաղաղ բնակչության կյանքի վրա, Թուրքիայի վտանգավոր քայլերի հետևանքների կապակցությամբ, Արաբական միջխորհրդարանական միությունը կոչ է արել արմատական լուծում գտնել Սիրիայի քաղաքացիների ջուրն ապահովելու և մարդկային աղետին վերջ դնելու համար:
Այս հայտարարության մեջ Միջխորհրդարանական միությունը իր աջակցությունն է հայտնել ազգային, արաբական և տարածաշրջանային բոլոր ջանքերին, որոնք ուղղված են Սիրիայի ճգնաժամի լուծմանը, որը կհանգեցնի այս երկրում անվտանգության, կայունության և բարգավաճման։
