Դամասկոս. Թուրքիայի հարձակումները վնասել են Սիրիայի նավթային օբյեկտները
Անդրադառնալով վերջին 10 օրվա ընթացքում երկրի հյուսիսային շրջանների վրա Թուրքիայի հարձակումներին՝ Սիրիայի նավթի նախարարն ասել է, որ զգալի վնաս է հասցվել Սիրիայի նավթային օբյեկտներին։
Հինգշաբթի օրը Ռուսաստանի պետական արաբալեզու «Rsssia al Youm» հեռուստաալիքի հաղորդման համաձայն՝ Սիրիայի նավթի և հանքային պաշարների նախարար Բասսամ Թոմեն ասել է, որ Թուրքիայի կողմից Սիրիայի հյուսիսային շրջանների վրա հարձակումների թիրախ է դարձել գազի գործարանը, ինչը հանգեցրել է դրա արտադրության դադարեցման։
Սիրիայի նավթի և հանքային պաշարների նախարարն ընդգծել է, որ այդ հարձակումներից տուժել են նաև սիրիական նավթային օբյեկտները և այրվել են բազմաթիվ նավթահորեր, ինչը տանկերի պայթյունի պատճառով հանգեցրել է շրջակա միջավայրի զգալի աղտոտման ։
Թուրքիայի բանակը նոյեմբերի 20-ից, ուժեղացրել է իր օդային և հրետանային հարձակումները Սիրիայի հյուսիսային շրջանների վրա։ Թուրքիայի նախագահ Էրդողանը հայտարարել է, որ այս երկիրը դիտարկում է Սիրիայում ցամաքային գործողություններ իրականացնելու հնարավորությունը։
Թուրքիայի նախագահն ասել է, որ Սիրիայի հյուսիսում այս երկրի բանակի հարձակումները միայն սկիզբն են, և ցամաքային գործողություններ կիրականացվեն հարմար ժամանակ։
