Թուրք-սիրիական սահմանային անցակետի բացման մասին լուրերը հերքվել են
Թուրքիայի արտաքին գործերի նախարարը հերքել է Սիրիայի հետ այդ երկրի սահմանային անցակետի մասին սոցիալական ցանցերում տարածված լուրերը:
Ուրբաթ օրը, հղում անելով թուրք պաշտոնյայի, որը ցանկացել էր անհայտ մնալ, Reuters-ը հաղորդել էր. «Անկարան բանակցություններ է վարում Սիրիայի հետ սահմանային անցակետը վերաբացելու շուրջ, որպեսզի տասը տարի շարունակվող ռազմական գործողություններից հետո, հումանիտար օգնությունն ուղղակիորեն ուղարկվի Դամասկոսի վերահսկողության տակ գտնվող շրջաններ»:
Գործակալությունը հավելել էր, որ ԱՆկարան ցանկություն ունի բացել ևս մեկ անցակետ՝ դեպի սիրիական ընդդիմության վերահսկողության տակ գտնվող Իդլիբ:
Թուրքիայի և Սիրիաի միջև դիվանագիտական հարաբերությունները խզվեցին 2011 թ., երբ արտաքին, հատկապես՝ ԱՄՆ-ի միջամտության հետևանքով, տեղի ունեցավ քաղաքացիական պատերազմ և միլիոնավոր սիրիացիներ տեղահանվեցին:
ԻՌՆԱ-ի հաղորդմամբ՝ Թուրքիայի ԱԳ նախարար Մևլութ Չավուշօղլուն կիրակի օրը երկրաշարժից տուժած Հաթայ քաղաքում հանդիպել է իր հույն գործընկեր Նիկոս Դենդիասի հետ: Անդրադառնալով մամուլում և սոցցանցերում հրապարակված այն լուրերին, թե «Անկարան կբացի դռները, և Սիրիայի քաղաքացիները կգան Թուրքիա», նա այդ լուրերն անվանել է անհիմն։
