Օկուպացված տարածքներում կրկին տեղի են ունեցել բողոքի ցույցեր՝ Նեթանյահուի դեմ
Սիոնիստական ռեժիմի վարչապետ Բենիամին Նեթանյահուի երկուշաբթի օրվա ելույթից հետո, օկուպացված տարածքների բնակիչները դուրս են եկել փողոցներ:
Թել Ավիվում և Հայֆայում տեղի են ունեցել լայնածավալ բողոքի ցույցեր: Ելույթը բացասական արձագանք է գտել նաև սիոնիստ պաշտոնյաների ու քաղաքական գործիչների շրջանում, ովքեր հայտարարել են, որ Նեթանյահուն արժանի չէ վարչապետի պաշտոնը զբաղեցնելուն:
Նեթանյահուն հայտարարել էր. «Մենք լայնածավալ պատերազմի չենք ձգտում և փորձում ենք ամեն կերպ կանխել այն, բայց եթե պատերազմ սկսվի, մենք կօգտագործենք մեր ողջ ուժը»։
Անդրադառնալով դատական բարեփոխումների մասին օրենքին, որը տարաձայնություններ է առաջացրել աջ և ձախ կուսակցությունների միջև, նա հավելել է. «Մենք ունենք լիազորություններ՝ դատական բարեփոխումներ իրականացնելու համար: Պետք է կոնսենսուսի գանք դատաիրավական բարեփոխումների և ծառայություններից հրաժարվելու հարցերի շուրջ»։
Երկար տարիներ կոռուպցիոն գործերով որպես մեղադրյալ անցնող Նեթանյահուն նպատակ ունի դատաիրավական ոլորտի բարեփոխումների միջոցով խուսափել պատասխաատվությունից: Ընդդիմությունը նրա առաջարկած դատաիրավական ոլորտի փոփոխությունների օրենքն անվանել է դատական հեղաշրջում: Օկուպացված տարածքներում ամեն շաբաթ օր տեղի են ունենում բողոքի ցույցեր՝ ընդդեմ վերոնշյալ օրենքի: