Պայթյուն՝ Դամասկոսի արվարձանում. կա 6 զոհ, 46 վիրավոր
Հուլիս 28, 2023 07:14 Asia/Tehran
Հինգշաբթի Սիրիայի մայրաքաղաք Դամասկոսի հարավային արվարձանում տեղի ունեցած պայթյունի հետևանքով զոհվել է 6 մարդ, ևս 46-ը վիրավորվել է, հայտնում են պետական լրատվամիջոցները:
Միջադեպը տեղի է ունեցել ալ-Սայեդա Զայնաբ արվարձանում, որտեղ մոտոցիկլետում՝ տաքսիների մոտ, տեղադրված պայթուցիկ սարքը հեռահար գործի է դրվել, հաղորդում է mehrnews.com-ը:
Սիրիայի առողջապահության նախարար Հասան Ալ-Ղաբաշը հայտնել է, որ վիրավորներից 20-ը թեթև վնասվածքներ են ստացել և բուժօգնություն են ստացել դեպքի վայրում, իսկ մնացածները տեղափոխվել են հիվանդանոց։
Նա հավելել է, որ պայթյունից հետո դեպքի վայր է մեկնել շտապօգնության 11 մեքենա։
48 ժամվա ընթացքում սա արդեն երկրորդ պայթյունն է այս տարածքում։ Հուլիսի 25-ին մոտոցիկլետի պայթյունից երկու մարդ վիրավորվել էր։
Պիտակ
