Եմենի բանակը բալիստիկ հրթիռներով թիրախավորել է իսրայելական դիրքերը
Եմենի զինված ուժերի խոսնակ, բրիգադի գեներալ Յահյա Սարին ասել է. «Մենք մի քանի բալիստիկ հրթիռներ ենք արձակել օկուպացված Պաղեստինում իսրայելական թշնամու տարբեր թիրախների, այդ թվում՝ Էյլաթում գտնվող զգայուն թիրախների ուղղությամբ»։
Եմենի զինված ուժերի խոսնակը հավելել է. «Մեր մարտկիներին հրամայել ենք թիրախավորել Կարմիր ծովով անցնող ցանկացած իսրայելական նավ՝ լինի առևտրային, թե ռազմական։ Նրանք հենց այս պահին ստացել են այս հանձնարարությունը»։
Եմենի «Անսար Ալլահ» շարժման առաջնորդը երեկ առաջին անգամ «Ալ Աղսայի փոթորիկ» գործողությունից հետո ծավալուն ելույթ է ունեցել Գազայում պատերազմական իրավիճակի մասին եւ խոստացել, որ «Անսար Ալլահ»-ը կավելացնի սիոնիստների դիրքերի վրա հարձակումների ծավալը։
Սեյյեդ Աբդոլ Մալեք Բադրեդդին ալ-Հուսին հայտարարել է. «Սիոնիստական թշնամու դեմ հրթիռային և անօդաչու թռչող սարքերի ռմբակոծման հետ կապված մեր գործողությունները շարունակվում են։ Մենք նաև շարունակում ենք ավելի շատ գործողություններ պլանավորել Պաղեստինում կամ Պաղեստինից դուրս գտնվող բոլոր սիոնիստական թիրախների դեմ»։
Նա ասել է.- «Իսրայելը չի համարձակվում իր դրոշը տեղադրել Կարմիր ծովում գտնվող իր նավերի վրա։ Նրանք վախենում են Եմենից և օգտագործում են այլ դրոշներ և անջատում են իրենց համակարգերը Եմենի մերձակա ջրերում, բայց մենք կգտնենք նրանց և կհարձակվենք նրանց վրա»։