Դիմադրությունը հրթիռակոծել է Թել Ավիվը
Դիմադրության ուժերի «Ղասամի» գումարտակները հաղորդել են Սիոնիստական ռեժիմի մայրաքաղաք Թել Ավիվի հրթիռակոծման ու հզոր պայթյունների մասին:
Լրատվական աղբյուրները նաև հայտնել են, որ Լիբանանից բռնագրավված Պաղեստինի հյուսիսում գտնվող Ալ-Ջալիլի ուղղությամբ իրականացվել են զանգվածային հրթիռային հարձակումներ: Այս գործողության ընթացքում Ալ-Ջալիլի ուղղությամբ արձակվել է 20 հրթիռ։
Դիմադրության այս հարձակումներն իրականացվել են ի պատասխան Գազայի հատվածի ճնշված ժողովրդի դեմ Սիոնիստական ռեժիմի շարունակական հանցագործությունների։
Գազայի հատվածի վրա Սիոնիստական ռեժիմի դաժան հարձակումներին զուգահեռ, իսրայելական բանակի բուլդոզերները հարձակվել են նաև Ջենին ճամբարի վրա՝ ձերբակալելով պաղեստինյան դիմադրության երիտասարդներին և միտումնավոր ոչնչացնելով այս ճամբարի ենթակառուցվածքները։
Ոչնչացնելով այս ճամբարի կյանքի բոլոր խորհրդանիշները՝ ներառյալ ճանապարհները, փողոցները և առևտրային կենտրոնները, Իսրայելը փորձում է վերականգնել Ալ-Աղսայի փոթորիկ գործողությունից հետո կորցրած իր դիրքը և ապացուցել Հորդանան գետի Արևմտյան ափին ապրող պաղեստինցիներին, որ վերահսկում է նրանց կյանքին առնչվող ամեն ինչ։
Գազայի հատվածի հյուսիսում գտնվող Բեյթ Լահիայի վրա հարձակման ժամանակ Սիոնիստական ռեժիմի կործանիչները թիրախ են դարձրել մի դպրոց, որտեղ ապաստան են գտել պաղեստինցի փախստականները։
Միավորված ազգերի կազմակերպությունը հայտարարել է, որ Իսրայելի հետ լարվածության սկզբից ի վեր Գազայի բնակչության մոտ 80%-ը կամ այլ կերպ ասած՝ 1,9 մլն մարդ տեղահանվել է։