Անկարայում ԵՄ դեսպանը հրաժարական է տվել

Թուրքիայում Եվրոպական միության դեսպան Հանսյորգ Հաբերը հրաժարական է տվել, տեղեկացնում է «Միլլիյեթ» թերթի կայքը։

Դեսպանի հրաժարականի պատճառների և այն ներկայացնելու հստակ ժամկետների մասին տեղեկություն չկա։

Դեսպանն Անկարայում պաշտոնավարում էր 2015 թվականի հունիսից։

Դիվանագիտական գործունեությունը սկսել է 1984 թվականից, 1992-1996 թվականներին եղել է Անկարայում Գերմանիայի դեսպանի քաղաքական հարցերով տեղակալը։

Հաբերն անցյալ շաբաթ կանչվել էր Թուրքիայի արտգործնախարարություն՝ Թուրքիայի և ԵՄ-ի միջև միգրացիոն համաձայնագիրը քննադատելու համար։

tert.am

14/6/2016