Ռամադան սուրբ ամիսը Գազայում և Ջենինում՝ Սիոնիստական ռեժիմի բուլդոզերների ստվերի ներքո
Մուսուլմանների ծոմապահության սուրբ Ռամադան ամսվա առաջին օրը, պաղեստինցիները հավաքվել ու Իֆթար են արել Սիոնիստական ռեժիմի ցեղասպանության հետեւանքով ավերված տների կողքին:
Pars Today - Ռամադան սուրբ ամսվա սկզբին և Հորդանան գետի արևմտյան ափին գտնվող Ջենին ճամբարում պաղեստինցիների պաշարման հետևանքով առաջացած տնտեսական ու սոցիալական ծանր իրավիճակին զուգահեռ շարունակվում են Սիոնիստական ռեժիմի հարձակումներն այս ճամբարի վրա։
Սիոնիստական ռեժիմի բուլդոզերները ոչնչացրել են Հորդանան գետի արեւմտյան ափին գտնվող Ջենին ճամբարի հիմնական եւ երկրորդական ճանապարհները։ Ինչպես հաղորդում է Pars Today-ը, ըստ պաղեստինյան աղբյուրների, այս հարձակումից հետո մոտ 40 հազար պաղեստինցի է տեղահանվել:
Պաղեստինցի փախստականը Al-Alam լրատվական հեռուստաալիքին տված հարցազրույցում ասել է. «Մենք սպասում ենք մեր տուն վերադառնալուն։ Սիոնիստ թշնամին կարծում է, որ կարող է տեղահանությամբ ջախջախել պաղեստինցիների կամքը, բայց դա սխալ է։ Չնայած Սիոնիստական ռեժիմի հարձակումներին՝ մենք ցանկանում ենք ապրել մեր հայրենի քաղաքում, Ջենինը նրանցը չէ, այլ պաղեստինցիներինն է»։
Միևնույն ժամանակ, շաբաթ օրվանից Սիոնիստական ռեժիմը շարունակել է ավերել բնակելի տները Նուրշամս ճամբարում, որը գտնվում է Թուլկարմ քաղաքի արևելքում՝ Հորդանան գետի արևմտյան ափից դեպի հյուսիս, և այս ռեժիմի բուլդոզերները ոչնչացրել են այս ճամբարի ներսում գտնվող մոտ 30 բնակելի միավոր։
Գազայի ժողովրդի իֆթարի սեղանը պատերազմի ավերակների վրա
Մեկ այլ լուրի համաձայն, Ռամադան սուրբ ամսվա առաջին շաբաթ օրը Գազայի հատվածում ապրող պաղեստինցիները հավաքվել էին իֆթարի սեղանի շուրջ՝ իրենց տների ավերակների մեջ և իրենց սիրելիներին կորցնելու տանջալի ցավով: Գազայի հատվածի հյուսիսում, որտեղ ավերվել են բոլոր բնակելի թաղամասերը, պաղեստինցիները պատսպարվել են վրաններում, որոնք չունեն ամենատարրական հարմարությունները և Իֆթար են արել պարզ սննդով, հիմնականում՝ պահածոներով։