Նեթանյահուն շնորհակալություն է հայտնել ԱՄՆ-ին՝ Եմենի վրա հարձակվելու համար
Կիրակի օրը կայացած կառավարության նիստում, որին ներկա են եղել նաև իսրայելցի գերիների հարազատները, Իսրայելի վարչապետ Բենիամին Նեթանյահուն հայտարարել է, որ Թել Ավիվը պատրաստ է պատերազմին վերջ դնելուն ուղղված բանակություններին, սակայն դրա համար անհրաժեշտ է, որ Դիմադրությունը զինաթափվի և շարժման առաջնորդները հեռանան Գազայից։
Pars Today-ի հաղորդմամբ՝ Իսրայելի վարչապետը շնորհակալություն է հայտնել ԱՄՆ-ին՝ Եմենի դեմ ռազմական գործողությունների համար և հայտարարել, որ հավատարիմ է բոլոր իսրայելցի գերիներին ռազմական և քաղաքական ճանապարհներով վերադարձնելւու իր խոստմանը։
Գազայի վրա Իսրայելի հարձակումների հետևանքով կա 43 զոհ
Կիրակի օրը, Ֆեթրի տոնին զուգահեռ, Իսրայելը հարձակում է իրականացրել Գազայի վրա, որի հետևանով կան զոհեր։
Պաղեստինյան Կարմիր մահիկը հայտարարել է, որ որոնողափրկարարական աշխատանքների արդյունքում փլատակների տակից դուրս են բերվել 8 օր առաջ Ռաֆահում անհետ կորած 7 փրկարարների, 5 քաղաքացիական պաշտպանության աշխատակիցների և ևս երկու քաղաքացու դիերը։
«Հաարեց»․ Իսրայելը Գազայի բնակիչներին օգտագործել է որպես կենդանի վահան
Իսրայելական «Հաարեց» թերթը գրել է, որ իսրայելցի զինվորները օրական առնվազն վեց անգամ Գազայի խաղաղ բնակիչներին օգտագործել են որպես կենդանի վահան։
Հղում անելով արդեն 9 ամիս Գազայում գտնվող բարձրաստիճան սպայի, թերթը գրել է, որ 2023 թվականի դեկտեմբերին այդ սպան ականատես է եղել «Մժեղների արձանագրություն» անունը կրող մարտավարության իրականացմանը։
Միջազգային հանրությունը պետք է քայլեր ձեռնարկի՝ Գազայի վրա հարձակումնրը դադարեցնելու համար
ՀԱՄԱՍ-ը միջազգային հանրությանը կոչ է արել Սիոնիստական ռեժիմին ստիպել դադարեցնել հարձակումները Գազայի հատվածի վրա, վերադառնալ պայմանավորվածություններին և վերջ տալ պաղեստինցիների արյունահեղությանը:
Անդրադառնալով Ֆեթրի տոնին Իսրայելի իրականացրած նոր ոճրագործությանը, շարժումը հայտարարել է. «Տոնի օրը վրաններում ապրող երեխաների սպանությունը ևս մեկ անգամ բացահայտում է օկուպացիոն ռեժիմի ֆաշիստական էությունը և ցանկացած մարդկային և բարոյական արժեքներից հեռու լինելը»:
Իսրայելը ներկայացրել է Գազայում հրադադարի բանակցությունների իր ծրագիրը
Հինգշաբթի երեկոյան Իսրայելի ռեժիմը ստացել է Գազայում հրադադարի և գերիների փոխանակման շուրջ ՀԱՄԱՍ շարժման հետ բանակցություններում միջնորդ կողմի ծրագիրը և ներկայացրել սեփական ծրագիրը։
Ռեժիմի հեռուստատեսության 12-րդ ալիքի հաղորդմամբ Թել Ավիվը պահանջել է ազատ արձակել 10 գերիների և վերադարձնել 11 մահացած գերիների մարմինները։
Իսկ Գազայում ՀԱՄԱՍ-ի ղեկավար Խալիլ ալ Հայյան շաբաթ երեկոյան հայտարարել է, որ շարժումը համաձայն է Եգիպտոսից և Կատարից ստացած նոր առաջարկին և հույս է հայտնել, որ Իսրայելի ռեժիմը չի խոչընդոտի այս համաձայնագրի իրականացմանը։