Ի՞նչ է ասել Ջոզեֆ Աունը ամերիկացի Օրթագուսի հետ հանդիպմանը

Ամերիկացի բանագնացի հետ հանդիպմանը Լիբանանի նախագահն ընդգծել է, որ Իսրայելի ռեժիմը պետք է հավատարիմ մնա թիվ 1701 բանաձեւի իրագործմանը եւ դադարեցնի իր ագրեսիան լիբանանի դեմ։

Ըստ Parstoday-ի, ամերիկացի բանագնաց Մորգան Օրտագուսը Բեյրութի Բաաբդա պալատում հանդիպել և զրուցել է Լիբանանի նախագահ Ջոզեֆ Աունի հետ։

Հաղորդման համաձայն՝ Լիբանանի նախագահը Օրտագուսի հետ հանդիպման մասին ասել է. «Մենք ընդգծեցինք Անվտանգության խորհրդի թիվ 1701 բանաձևի իրագործման և դրան Իսրայելի հավատարմության անհրաժեշտությունը»։

Աունը հավելել է. «Հենց Իսրայելն է խախտում հրադադարը, և Իսրայելի կողմից ագրեսիան ու հրադադարի խախտումները պետք է դադարեցվեն»։

Նա հստակեցրել է. -«Այս հանդիպման ընթացքում մենք նաև ընդգծեցինք լիբանանյան բանակի կողմից բոլոր անհրաժեշտ միջոցները ձեռնարկվելու և Սիոնիստական ռեժիմի օկուպացիայից Լիբանանի  ազատագրված տարածքներում իր դերակատարման անհրաժեշտությունը»։

Ջոզեֆ Աունն այն դեպքում է ընդգծել Սիոնիստական ​​ռեժիմի ագրեսիային վերջ դնելու անհրաժեշտությունը, երբ  Լիբանանի Հեզբոլլահի գլխավոր քարտուղար Շեյխ Նաիմ Ղասեմն իր վերջին ելույթում ասել է․-«Եթե ​​Իսրայելը կարծում է, որ Դահիայի, Հարավի և Բեքաայի վրա հարձակումներով կարող է  նոր հավասարումներ պարտադրել, չարաչար սխալվում է»։

Նա ընդգծել է. -«Իսրայելը չպետք է թերագնահատի մեր հայտարարությունները, քանի որ  այս ռեժիմի անհավատարմության դեպքում, սեղանին այլ տարբերակներ կլինեն»։

«Հեզբոլլահի» գլխավոր քարտուղարը նշելով, որ չի կարելի ընդունել, որ Իսրայելի ռեժիմը ազատորեն թիրախավորի Լիբանանը և երբ կամենա հարձակում գործի, հավելել է․-«Մենք թույլ չենք տա որևէ մեկին  խլել  Իսրայելին դիմակայելու մեր ուժը»։

«Մինչև հիմա համբերել ենք, որպեսզի նրանց  հնարավորություն տանք, բայց երկրի պաշտոնյաները պետք է իմանան, որ ամեն ինչ  չափ ու սահման ունի», ասել է «Հեզբոլլահի» գլխավոր քարտուղարը։