Եմենը երկինքն ու ծովն անապահով է դարձրել Իսրայելի համար
Եմենի զինված ուժերը զգալի հարվածներ են հասցրել իսրայելական ռեժիմի ռազմական օբյեկտներին՝ կատարելով ճշգրիտ հրթիռային և ԱԹՍ-ներով հարձակումներ:
Եմենի զինված ուժերի խոսնակ Յահյա Սարին կիրակի գիշերը հայտարարել է, որ օկուպացված Աշդոդ շրջանում գտնվող «Սուդետմեյխա» ռազմակայանը և Թել Ավիվի Բեն Գուրիոն միջազգային օդանավակայանը թիրախավորվել են «Պաղեստին-2» հիպերձայնային հրթիռի կիրառմամբ։ Հարձակումները, որոնք լայնորեն խաթարեցին օդանավակայանի աշխատանքը, պատասխան էին Գազայում և Հորդանան գետի Արևմտյան ափում Իսրայելի հանցագործություններին:
Բացի այդ, Եմենի անօդաչու թռչող սարքերի ստորաբաժանումը ցուցադրել է իր օպերատիվ հնարավորությունները՝ թիրախավորելով Աշքելոնում գտնվող կենսական նշանակության օբյեկտը և իսրայելական դիրքերը օկուպացված Յաֆֆայի շրջանում: Եբրայական լրատվամիջոցները հաղորդում են, որ ազդանշանները հնչել են ավելի քան 300 քաղաքներում, այդ թվում՝ Երուսաղեմում և Թել Ավիվում, և իսրայելական իշխանությունները փորձում են որսալ Եմենի հարձակումները:
Եմենի դիմադրության ուժերը ընդգծել է, որ այդ գործողությունները կշարունակվեն մինչև Իսրայելի ագրեսիայի ամբողջական դադարեցումը և Գազայի պաշարման վերացումը։ Այս հարձակումները ծանր հարված են հասցրել Սիոնիստական ռեժիմին ոչ միայն ռազմական, այլ նաև քաղաքական ու հոգեբանական առումներով, և բացահայտում են այդ ռեժիմի խոցելիությունը դիմադրության կամքի նկատմամբ: