Արդյո՞ք Հեզբոլլահը թուլացել է - Շեյխ Նաիմ Ղասեմի վերջին ելույթի վերլուծությունը

Արաբ նշանավոր վերլուծաբան Աբդել Բարի Աթվանը մի հոդվածում ուսումնասիրել է լիբանանյան Հեզբոլլահի գլխավոր քարտուղար Շեյխ Նաիմ Ղասեմի վերջին ելույթը: Այս ելույթը, որը համարվում է նահատակ Հասան Նասրոլլահից հետո ամենազգայուն հայտարարություններից մեկը, ընդգծել է դիմադրության զինաթափման ձախողումը և Իսրայելի հարձակումներին դիմակայելու պատրաստակամությունը:

Շեյխ Ղասեմը հայտարարել է, որ Հեզբոլլահի զենքը Լիբանանի ինքնիշխանության պաշտպանն է և օկուպացված տարածքների ազատգրման երաշխիքը և որ երբեք վայր չեն դրվի։

Վկայակոչելով Ղասեմի հայտարարությունները, Աթվանը նշել է որ Իսրայելը մտադիր է ընդլայնել իր օկուպացիան Լիբանանում՝ Գազայի և Հորդանան գետի պաղեստինցիներին այդ տարածքներում բնակեցնելով: Հեզբոլլահի առաջնորդը, քննադատելով Իսրայելի կողմից հրադադարի կրկնակի խախտումները (ավելի քան 2700 անգամ), հայտարարել է լիբանանյան դիմադրության պատերազմի դաշտ վերադառնալու հավանականության մասին։

Ըստ Հեզբոլլահի մոտ կանգնած աղբյուրին, շարժումը վերականգնել է իր ուժը Նասրոլլահի և բարձրաստիճան հրամանատարների նահատակությունից հետո՝ երիտասարդ ռազմական էլիտաների իշխանության գալով: Այս նոր կադրերն իրականացրել են «Մեծ կիրակի» գործողությունը, որի թիրախը եղել է Թել Ավիվը, Հայֆան և Աքքան՝ խափանելով Իսրայելի 8200 ստորաբաժանման հետախուզական բազան: Հարձակումը երեք միլիոն ավանաբնակիչներին ուղարկեց ապաստարաններ և ստիպեց Վաշինգտոնին բանակցել հրադադարի շուրջ:

Աթվանն ընդգծել է, որ Հեզբոլլահը հենված է Եմենի Անսարոլլահի ռազմական ինքնաբավության վրա և նրանց հետ համակարգված է աշխատում: Ղասեմի խոսքերը վկայում են այն մասին, որ Հեզբոլլահը պատրաստ է հրթիռներ արձակել Թել Ավիվի ուղությամբ, և որ ներկայիս զարգացումները լուրջ վտանգ կստեղծեն Իսրայելի համար։